Categories
سفر

(انا مصري وعاوز اسافر – الفيزا (ج٢

[:ar]

Phuket_FantaSea_Thailand
Phuket FantaSea – Phuket Island, Thailand

 بعد ما عرفت ايه هي البلاد اللي مش محتاجة فيزا مسبقة للمصرين من المقال اللي فات، هنا هنتكلم عن البلاد اللي لازم تطلعلها فيزا مسبقة (يعني قبل ما تسافر)،

٢- بلاد محتاجة فيزا مسبقة للمصرين:

يبقي لازم نقدم علي فيزا، بس مش كل البلاد زي بعضها يعني في بلاد الفيزا بتاعتها سهلة ومش معقدة وفي بلاد الفيزا معقدة ومحتاجة شوية مجهود وفلوس، طيب في ورق اساسي بتطلبه اي بلد، وبعد كدة في بلاد بتطلب اوراق اضافية (هنكتب بجانب كل بلد). ماتنساش ان احنا بنتكلم علي سفر الفسحه او السياحة يعني مش عمل او دراسة او هجرة لأن الاوراق بتختلف في الحالات دي.

الاوراق الاساسية المطلوبة لإستخراج اي فيزا (سياحة):

١- باسبور مصري ساري لمدة لا تقل عن ٦ شهور (وصورته)

٢- حجز تزاكر طيران مبدئية ذهاب وعودة (تقدر تعرف ازاي تعمل حجز مبدئي بدون شركة سياحة من المقال دة)

٣- اثبات اقامة (حجز اوتيل او دعوة من صديق او قريب، ويكون فيها البيانات واضحة لأنهم ممكن يتصلو بالاوتيل او الصديق يتأكدوا، فا بلاش تضرب ورقة ? ) وتقدر تعرف ازاي تحجز اوتيل من المقال دة

٤- اثبات مالي (هاتصرف منين الفترة دي؟، بتستخرج كشف حساب من البنك، – في بعض البلاد ممكن الفيزا كارد – بس ماتنساش القاعدة الاولي تبقي منطقي، ماتبقاش طالب تقعد في البلد ٧ ايام وجايب كشف حساب فيه  ١٠٠٠ جنيه،ولازم يكون لفترة الـ ٦ شهور الاخيرة)

٥- اثبات عمل او دراسة (سواء كان HR Letter خطاب من جهة العمل او السجل التجاري والبطاقة الضريبيه لاصحاب الاعمال وصورها او قيد من الكلية للطلبة مترجم للانجليزي).

٦- طلب استخراج فيزا (Visa Application)

٧- صور شخصية ٤*٦ حديثة بخلفية بيضة (العدد علي حسب كل بلد)

٨- رسوم استخراج الفيزا (علي حسب كل بلد)

٩- تصريح سفر امني (من مجمع التحرير لبعض البلاد بس المؤكد مطلوب لتركيا، لبنان، تايلاند، ماليزيا، وبعض بلاد شرق اسيا، لازم تتاكد من المجمع قبل السفر)



Booking.com

طيب ايه هي البلاد اللي فيزتها سهلة؟

١- تركيا (مطلوب الاوراق الاساسية فقط)

٢- قبرص (مطلوب الاوراق الاساسية فقط)

٣- تايلاند (مطلوب الاوراق الاساسية فقط)

٤- الصين (مطلوب الاوراق الاساسية فقط)

٥- المغرب (مطلوب الاوراق الاساسية فقط)

٦- روسيا (مطلوب الاوراق الاساسية فقط)

٧- سنغافورة (مطلوب الاوراق الاساسية ودعوة من شركة او صديق)

٨- لبنان (مطلوب الاوراق الاساسية فقط)

٩- الامارات (مطلوب الاوراق الاساسية ولاكن يجب ان يتم استخراج الفيزا بواسطة الفندق او شخص مقيم)

١٠- تونس (مطلوب الاوراق الاساسية فقط)

١١- الهند (مطلوب الاوراق الاساسية فقط)

طبعا مش كل البلاد بتحتاج كل الورق دة بس انا كاتب كل حاجة عشان تبقي في السليم. ولازم تراجع مع السفارة قبل ما تروح، ساعات بتطلع قرارات جديدة.

اكيد في بلاد تاني ممكن تبقي فيزتها سهلة بس انا ماذكرتهاش عشان مش وجهه مشهورة او يمكن نسيتها (ممكن تبعتلي واقولك تفاصيلها)، طيب كلام جميل جدا نعمل ايه بقي؟

ازاي تقدم علي فيزا سهلة من البلاد المذكورة فوق؟ – (ترتيب النقط اللي جاي مهم)

١- تعرف مكان السفارة من علي الموقع دة www.eip.gov.eg وتتصل تعرف المواعيد وطريقة التقديم، اذا كانو بيحتاجو تحديد معاد ولا لأ (او ممكن تدور علي جوجل)

٢- تحدد معاد سفرك (يفضل يكون عندك شهر علي الاقل) يعني لو هتقدم علي الفيزا انهاردة يبقي تعمل حسابك انك مسافر كمان شهر او اتنين

٣- كل بلد ليها طلب استخراج للفيزا Application (دايما بيبقي موجود علي الموقع الرسمي للسفارة) تنزله وتملاه.

٤- تحجز طيران مبدئي من اي شركة سياحة – بونص: ممكن تحجز طيران مبدئي بنفسك التفاصيل في المقال دة.

٥- تحجز فندق من علي: Booking.com يكون في نفس مواعيدك اللي حدتها ويكون الالغاء ببلاش Free Cancellation عشان لو قررت تلغي او لا قدر الله ماخدتش الفيزا ماتدفعش حاجة.

٦- تروح البنك تطلع كشف حساب بالانجليزي لمدة ٦ شهور (يعني ترجع لورا ٦ شهور) ويكون فيه مبلغ معقول يعني لو مسافر اسبوع مثلا من ٢٠ لـ ٣٠ الف معقول جدا ومنطقي.
٧- تجهز اثبات العمل او القيد او السجل (علي حسب) المهم يكون بالانجليزي ومختوم وممضي ويكون موجه للسفارة اللي انت رايحها ويكون مكتوب فيه الوظيفة والمرتب وان مافيش ما يمنع من سفرك.

٨- تجهز الصور الشخصية (خد معاك صور زيادة) والرسوم  وصور من الباسبور والاوراق وتتجه علي السفارة، تاخد دور وتقدم الورق. علي حسب كل سفارة الموضوع بياخد من يومين ل اسبوعين، وخد بالك ان مواعيد التسليم مختلفة عن مواعيد استلام الباسبور.

تأشيرات-تايلاند-Thailand_Visa
تأشيرات-تايلاند-Thailand_Visa

ومبروك اول فيزا 🙂 تابعنا في المقال اللي جاي هنتكلم عن الفيزا الشنجن.



Booking.com

[:en]

Phuket_FantaSea_Thailand
Phuket FantaSea – Phuket Island, Thailand

 بعد ما عرفت ايه هي البلاد اللي مش محتاجة فيزا مسبقة للمصرين من المقال اللي فات، هنا هنتكلم عن البلاد اللي لازم تطلعلها فيزا مسبقة (يعني قبل ما تسافر)،

٢- بلاد محتاجة فيزا مسبقة للمصرين:

يبقي لازم نقدم علي فيزا، بس مش كل البلاد زي بعضها يعني في بلاد الفيزا بتاعتها سهلة ومش معقدة وفي بلاد الفيزا معقدة ومحتاجة شوية مجهود وفلوس، طيب في ورق اساسي بتطلبه اي بلد، وبعد كدة في بلاد بتطلب اوراق اضافية (هنكتب بجانب كل بلد). ماتنساش ان احنا بنتكلم علي سفر الفسحه او السياحة يعني مش عمل او دراسة او هجرة لأن الاوراق بتختلف في الحالات دي.

الاوراق الاساسية المطلوبة لإستخراج اي فيزا (سياحة):

١- باسبور مصري ساري لمدة لا تقل عن ٦ شهور (وصورته)

٢- حجز تزاكر طيران مبدئية ذهاب وعودة

٣- اثبات اقامة (حجز اوتيل او دعوة من صديق او قريب، ويكون فيها البيانات واضحة لأنهم ممكن يتصلو بالاوتيل او الصديق يتأكدوا، فا بلاش تضرب ورقة ? )

٤- اثبات مالي (هاتصرف منين الفترة دي؟، بتستخرج كشف حساب من البنك، – في بعض البلاد ممكن الفيزا كارد – بس ماتنساش القاعدة الاولي تبقي منطقي، ماتبقاش طالب تقعد في البلد ٧ ايام وجايب كشف حساب فيه  ١٠٠٠ جنيه،ولازم يكون لفترة الـ ٦ شهور الاخيرة)

٥- اثبات عمل او دراسة (سواء كان HR Letter خطاب من جهة العمل او السجل التجاري والبطاقة الضريبيه لاصحاب الاعمال وصورها او قيد من الكلية للطلبة).

٦- طلب استخراج فيزا (Visa Application)

٧- صور شخصية ٤*٦ حديثة بخلفية بيضة (العدد علي حسب كل بلد)

٨- رسوم استخراج الفيزا (علي حسب كل بلد)

٩- تصريح سفر امني (من مجمع التحرير لبعض البلاد بس المؤكد مطلوب لتركيا، لبنان، تايلاند، ماليزيا، وبعض بلاد شرق اسيا، لازم تتاكد من المجمع قبل السفر)

طيب ايه هي البلاد اللي فيزتها سهلة؟

١- تركيا (مطلوب الاوراق الاساسية فقط)

٢- قبرص (مطلوب الاوراق الاساسية فقط)

٣- تايلاند (مطلوب الاوراق الاساسية فقط)

٤- الصين (مطلوب الاوراق الاساسية فقط)

٥- المغرب (مطلوب الاوراق الاساسية فقط)

٦- روسيا (مطلوب الاوراق الاساسية فقط)

٧- سنغافورة (مطلوب الاوراق الاساسية فقط)

٨- لبنان (مطلوب الاوراق الاساسية فقط)

٩- الامارات (مطلوب الاوراق الاساسية ولاكن يجب ان يتم استخراج الفيزا بواسطة الفندق او شخص مقيم)

١٠- تونس (مطلوب الاوراق الاساسية فقط)

١١- الهند (مطلوب الاوراق الاساسية فقط)

طبعا مش كل البلاد بتحتاج كل الورق دة بس انا كاتب كل حاجة عشان تبقي في السليم. ولازم تراجع مع السفارة قبل ما تروح، ساعات بتطلع قرارات جديدة.

اكيد في بلاد تاني ممكن تبقي فيزتها سهلة بس انا ماذكرتهاش عشان مش وجهه مشهورة او يمكن نسيتها (ممكن تبعتلي واقولك تفاصيلها)، طيب كلام جميل جدا نعمل ايه بقي؟

ازاي تقدم علي فيزا سهلة من البلاد المذكورة فوق؟ – (ترتيب النقط اللي جاي مهم)

١- تعرف مكان السفارة من علي الموقع دة www.eip.gov.eg وتتصل تعرف المواعيد وطريقة التقديم، اذا كانو بيحتاجو تحديد معاد ولا لأ (او ممكن تدور علي جوجل)

٢- تحدد معاد سفرك (يفضل يكون عندك شهر علي الاقل) يعني لو هتقدم علي الفيزا انهاردة يبقي تعمل حسابك انك مسافر كمان شهر او اتنين

٣- كل بلد ليها طلب استخراج للفيزا Application (دايما بيبقي موجود علي الموقع الرسمي للسفارة) تنزله وتملاه.

٤- تحجز طيران مبدئي من اي شركة سياحة – بونص: الخطوط التركية بتديك حجز طيران مبدئي من الانترنت لمدة ٤٨ ساعة.

٥- تحجز فندق من علي: Booking.com يكون في نفس مواعيدك اللي حدتها ويكون الالغاء ببلاش Free Cancellation عشان لو قررت تلغي او لا قدر الله ماخدتش الفيزا ماتدفعش حاجة.

٦- تروح البنك تطلع كشف حساب بالانجليزي لمدة ٦ شهور (يعني ترجع لورا ٦ شهور) ويكون فيه مبلغ معقول يعني لو مسافر اسبوع مثلا من ٢٠ لـ ٣٠ الف معقول جدا ومنطقي.
٧- تجهز اثبات العمل او القيد او السجل (علي حسب) المهم يكون بالانجليزي ومختوم وممضي ويكون موجه للسفارة اللي انت رايحها ويكون مكتوب فيه الوظيفة والمرتب وان مافيش ما يمنع من سفرك.

٨- تجهز الصور الشخصية (خد معاك صور زيادة) والرسوم  وصور من الباسبور والاوراق وتتجه علي السفارة، تاخد دور وتقدم الورق. علي حسب كل سفارة الموضوع بياخد من يومين ل اسبوعين، وخد بالك ان مواعيد التسليم مختلفة عن مواعيد استلام الباسبور.

تأشيرات-تايلاند-Thailand_Visa
تأشيرات-تايلاند-Thailand_Visa

ومبروك اول فيزا 🙂 تابعنا في المقال اللي جاي هنتكلم عن الفيزا الشنجن.




[:]

518 replies on “(انا مصري وعاوز اسافر – الفيزا (ج٢”

.جميل جدا
طب بالنسبه لاتبات العمل (او الافادة) ان الشخص الفلانى يعمل لدينا وهكذا لازم تكون موجهه للسفارة تحديدا
مينفعش مثلا الى من يهمه الامر ,دا فى حاله السفر عن طريق دعوه لقضاء مده محدده والعودة مرة اخرى؟؟

يحبذ انها تكون موجه للسفارة لو هتقدم في سفارة رخمة من اللي بيدققو في كل فسفوسة، لاكن في بلاد ما بتدققش زي تركيا ولبنان وتايلاند مثلا لو قدمته لمن يهمه الامر هتمشي

لا طبعا دول هيدققو في كل حاجة ولازم كل حاجة تبقي منطقية جدا جدا، كندا من البلاد الصعبة فلازم كل حاجة تتعمل مظبوط عشان يوافقو

طب الدعوة من صديق ازاى و يبعتها ازاى ليا وهو يعمل ايه عشان يعملها

معظم الدول بتطلب جواب من الصديق او القريب (خطاب مكتوب فيه انه مستعد لتكفل كافة المصاريف والاقامة والانتقالات في خلال الفترة ومكتوب فيه بياناته ومحل اقامته) وكمان صورة من اثبات الشخصية بتاعة في البلد عشان تثبت انه له حق اقامة هناك، طبعا في بلاد بتحبقها شوية بتخلي الصديق ده انه يروح مكتب الشرطة يستخرج دعوة رسمية ليك، ف انا بنصح انك تتأكد من السفارة واهلا بيك في المدونة 🙂

انا عاوز اسافر لبنان تلات شهور زيارة لعمي هناك والجواز السفر بتاعي سليم بس عاوز يتجدا وسفرت لبيا قبل كدة اعمل ايه واروح ازاي شكرا

اهلا علاء، اولا لازم تجدد الباسبور دي حاجة مافيهاش كلام، ثانيا تحجز طيران وتجيب خطاب من قريبك انه موفق علي تحمل مصاريف اقامتك ويكون مكتوب فيها بياناته كامله وبعد كدة تروح تقدم علي فيزا من السفارة في مصر او تاخدها من المطار في بيروت بس لازم يكون معاك ٢٠٠٠ دولار كاش،

حاجة مهمة لازم تطلع تصريح سفر من مجمع التحرير قبل ما تسافر باسبوع علي الاقل وربنا يوفقك

صباح الفل..سؤال..
عندك فكرة ينفع السفر لماليزيا حاليا من غير تصريح.؟
Honeymoon..?!
لأني مش هلحق اطلع إذن السفر..!

صباح الجمال، بص القانون لازم تصريح، بس لو انت صاحب شركة او مكتوب وظيفة كوبسة في الباسبور واكيد هيبقي معاك عقد الجواز ممكن تعدي، بالافضل تسأل في المجمع عشان ما تبوظش الهانيمون ومبروك يا بيتر باشا ابقي احكلنا عن ماليزيا لما ترجع

لو سمحت انا بجهز لرحلة لهونج كونج وماليزيا …
هو انا ينفع يبقى مسار الرحلة
– القاهرة >> هونج كونج
– هونج كونج >> كوالالمبور
– كوالالمبور >> القاهرة

ولا لازم ادخل واخرج من نفس البلد ..
يعنى تبقى
– القاهرة >> كوالالمبور
– كوالالمبور >> هونج كونج
– هونج كونج >> كوالالمبور
– كوالالمبور >> القاهرة

هو التكلفة يعتبر واحدة..
بس أنهو الأفضل والأصح !!

اهلا بيك،
الحلين زي بعض تقريبا، انا انصح تاخد الراوت الاول لانه اقصر في عدد السفريات بس لازم تكون حاجز الرحلة كلها وانت داخل اول بلد لان المهم عنده انه يشوف انك خارج من البلد، مش مهم خارج علي مصر ولا خارج في حتة تانية،

كمان البلاد دي بلاد سهلة ومش بتصعب الامور، يعني لو نفس الموضوع مع اوروبا كنت قلتلك لا لازم ترجع البلد الاول.

بالتوفيق ويا ريت لما ترجع احكيلي علي هونج كونج انا مازرتهاش قبل كدة

انا عاوز اسافر لبنان سياحة
وجهزت كل الورق المطلوب وقدمته لشركة سياحة لتسهيل الامر
والسفارة رفضت تديني تاشيرة .. اكتر من مرة ليه مش عارف؟؟؟

اهلا جمعة، الموضوع مع لبنان دلوقت صعب شوية عشان الاجرائات الامنية والفيزا دلوقت بتاخد اكتر من 40 يوم، بس في حل جميل وسهل، وهو انك تاخد الفيزا من المطار هناك يعني تحجز طيران وتسافر وفي المطار هناك هتوريهم انك معاك فلوس (مش اقل من 2000 دولار، ممكن تستلفهم وترجعهم لما ترجع) وهتدفع تمن الفيزا 20 دولار وتدخل لبنان عادي جدا لمدة 15 يوم

مافيش حاجة مضمونة اليومين دول بالذات (عشان الاحداث الامنية في مصر وفي لبنان) بس انا شخصيا سافرت لبنان مرتين واخدت الفيزا من المطار بس تاني لازم يكون معاك ٢٠٠٠ دولار كاش وحجز اوتيل وطيران، ماتقلقش لو كل حاجتك سليمة دوس بقلب جامد، لو عندك حاجة خايف منها اسأل هنا الاول وربنا يوفقك

طيب سؤال اخير …
لو هاخد الفيزا من مطار بيروت محتاج تصريح امني … مع العلم ان المهنة صاحب مكتب استيراد وتصدير……. والف شكر يا مشيل

التصريح مطلوب وانت خارج من مصر، ممكن يبقي مش مطلوب لان مكتوب صاحب شركة، بس برضه اطلع علي المجمع واتاكد

اهلا حمد، بالفعل بعد اخر قرارت، لازم تصريح من المجمع (في بعض الحالات اللي راحت المجمع وقالولهم لا مش عاوزين) فا لازم تروح تتأكد عشان دي مافيهاش مجازفة، وربنا يوفقك

محتاجة أسأل عن التصريح الأمنى بتاع تركيا انا مكتوبلى فى الباسبور ليسانس مش مكتوبلى الوظيفة و مفيش وقت حاليا أروح أغير قبل السفر و بالفعل أخت الفيزا..بس يا ترى موضوع عدم وجود وظيفة فى الباسبور ممكن يوقف الموضوع؟ ولو ينفع أجيب جواب من الشغل؟
أسفه على التطويل و شكرا بجد

اهلا مريم،
انتي بالفعل محتاجة تصريح سفر امني من المجمع، و عادي جدا انك تكوني حاصلة علي ليسانس، خدي معاكي جواب من الشغل وروحي اعملي التصريح هتاخديه في خلال اسبوع وتسافري بالسلامة.

علي فكرة موضوع التصريح المفروض الغرض منه كشف العناصر الارهابية ف ماتقلقيش. بالمناسبة لو حد كبير مسافر معاكي بتفرق يعني والدك او والدتك.

نصيحة بخصوص تركيا: ماتفوتيش رحلة بورصة والشوي فوق الجبل 🙂

بالتوفيق و ماتنسيش تحكيلنا عملتي ايه هناك.

شكرا ميشيل علي مجهودك و مساعدتك لكل الناس
بإذن الله ان عايز اسافر تركيا و الفيزا بإذن الله هتخرج يوم الخميس الجاي
بالنسبة للتصريح الامني اية اللي ممكن يخلي الواحد ميأخدوش لو ورقه سليم او مش ملاحق أمنيا
و هل هو عبارة عن انترفيو مع ظابط ولا اية و بعدين اية الاسئلة اللي بيسألها
و التصريح بتستلمه في نفس اليوم ولا لأ
و لو مش في نفس اليوم , لازم تستلمه بنفسك

شكرا جزيلا و اسف علي الاطاله

اهلا عمرو، لا شكر علي واجب،
بالنسبة لموضوع التصريح الامني، دي البيانات بتاعته: ١- المكان مجمع التحرير ٢- المطلوب الباسبور وصورته وصور من الفياز اللي خدتها قبل كدة وممكن يطلبو صور من الحجوزات وطلب بتشتريه من هناك ٣- العملية بتروح المجمع وتطلع لمكتب اسمة ظابط الاتصال انصحك تطلب من العسكري انك تقابل الظابط شخصيا وتوريله الباسبور وتقوله مسافر فين بعد كدة هو هيقولك اذا كنت محتاج تصريح ولا لاء، طيب بتقف في طابور كبير (يا ريت تروح بدري) وتشتري الطلب وتملاه وتقف في طابور تاني عشان تقدمه مع صور الاوراق اللي فوق ٤- المدة مش اقل من اسبوع بس انت بعد ٤ ايام روح اسأل التصريح خرج ولا لسة — اخر معلومة لو انت مكتوب في باسبورك مهنة ذي مدير او صاحب شركة ممكن ماتحتاجش تصريح بس الظابط هو اللي يقول، مافيش حاجة تمنعك من انك تاخد التصريح طلاما مش مطلوب امنيا، اعتقد لازم تستلم التصريح بنفسك وربنا يوفقك

تنبيه هام:
كل الشباب اللي سألت او مهتمة تسافر لبنان، في بيان جديد من الحكومة اللبنانية بيقول انك وانت راجع لازم تروح المطار قبل معاد الطيارة ب ٤ ساعات علي الاقل لوجود اجرائات امنية جديدة وربنا يوفقكم بيان هام من الحكومة اللبنانية

السلام عليكم ورحمة انا من سوريا وزوجتي مصريه وارغب بالسفر من سوريا الى تركيا هل تعامل معاملت السوريين ام تحتاج لتاشيره قبل السفر

اهلا تامر، لا تاشيرة قبرص مش صعبة بس لازم يكون معاك حجوزات، طيران واوتيل، وخلي بالك قبرص احلي في الصيف، ماتنساش تزور ايا نابا وادعيلي، ربنا يوفقك

لو سمحت مدة استخراج التصريح لتايلاند بتكوت في قد ايه ؟؟ و هل المجمع شغالين يوم السبت

لو سمحت انا مسافر دبي سياحة هقعد فيها يومين.
ومن دبي هسافر لبنان سياحة لمدة اسبوع وارجع منها علي القاهرة.
طبعا دبي مالهاش تصريح او اذن سفر من ظابط الاتصال.
لكن لبنان ليها . بس انا لو روحت الاول دبي ومنها سافرت علي لبنان.
هل يبقى في مشكلة ولة لازم اعمل تصريح سفر من هنا ..
ممكن تفيدني فى دة؟

اهلا بيكي، تصريح السفر الغرض منه خروجك من مصر، وبالتالي في المطار مالهمش دعوة انتي هتعملي ايه بعد دبي حتي لو بلد لازم لها تصريح، لان تاني اللي عاوز التصريح الحكومة المصرية مش حكومة البلد اللي هتروحيها، ربنا يوفقك وتيجي بالسلامة

بالنسبه لتاشيرة الشنغن او امريكا او كندا ينفع اقدم بحساب خالي او عمي .. وهو المتكفل بالتكاليف … للعلم انا طالب 20 سنه ووالدي يعمل في السعوديه

اهلا مروان، لا طبعا ماينفعش خالك او عمك ولا حتي والدك، لازم الحساب يبقي باسمك او اسم مراتك لو متجوز، اقرا اول مقال في الموقع هنا بعنوان ابتدي ازاي، علشان تعرف تفاصيل اكتر، وربنا يوفقك

شكرا لحضرتك جدا انا اول مرة اقرأ الحاجات دي ربنا يباركلك بجد …
سؤالي دلوقت انا عارف ان حضرتك شرحت و وفيت جدا ..

انا خريج كلية تربية خريج السنة دي يعني و طلعت باسبور و معفي من الجيش نهائي و مكتوبلي ان ليسانس اداب و تربية .. و محتاج اعمل فيزة سياحية لدولة مقدونيا او اي دولة شنجن ايه اسهلهم من الدول يعني و ايه الاجراءات ال مفروض اعملها هل فعلا لازم اغير الباسبور و اعمل المهنة hr من شركة و ازاي اعمل كدة ؟؟

اولا لا شكر علي واجب،
اولا يفضل يكون عندك وظيفة او صاحب شركة في الباسبور ازاي هتلاقيه مةتوب في المقالات الاولي،

نصيحة بلاش تقدم شنجن اول فيزا، يعني قدم علي فيزا سهلة الاول وسافر مره باعدين قدم علي الشنجن، وربنا يوفقك

محتاج أعرف تفاصيل التصريح الأمني بتاع تركيا *انا مسافر لوحدي مش مع اهلي
انا طالب ثانوية عامة و عمري 18 سنة و طالع سياحة و معايا فيزا الكترونية
عايز اعرف الاوراق و هل و انا رايح لازم بابا معايا و لا لا
و هل فعلا عشان مسافر سياحة لوحدي مش هيرضوا يطلعولي التصريح ؟
و اية اللي اكتبه في سبب السفر يخلي الضابط يوافق
طبعا معليش قضايا او مسجل خطر 🙂
و شكرا

اهلا خالد،
بالنسبة لموضوع التصريح الامني، دي البيانات بتاعته: ١- المكان مجمع التحرير ٢- المطلوب الباسبور وصورته وصور من الفياز اللي خدتها قبل كدة وممكن يطلبو صور من الحجوزات وطلب بتشتريه من هناك ٣- العملية بتروح المجمع وتطلع لمكتب اسمة ظابط الاتصال انصحك تطلب من العسكري انك تقابل الظابط شخصيا وتوريله الباسبور وتقوله مسافر فين بعد كدة هو هيقولك تعمل ايه، طيب بتقف في طابور كبير (يا ريت تروح بدري) وتشتري الطلب وتملاه وتقف في طابور تاني عشان تقدمه مع صور الاوراق اللي فوق ٤- المدة مش اقل من اسبوع بس انت بعد ٤ ايام روح اسأل التصريح خرج ولا لسة — اخر معلومة لو انت مكتوب في باسبورك مهنة ذي مدير او صاحب شركة ممكن ماتحتاجش تصريح بس الظابط هو اللي يقول، مافيش حاجة تمنعك من انك تاخد التصريح طلاما مش مطلوب امنيا، اعتقد لازم تستلم التصريح بنفسك وربنا يوفقك

معلش مردتش عليا في موضوع هل عشان مسافر لوحدي هيزاولوني و لا لا
و المفروض يبقي معايا كاش كام ؟ و المطار يطلب مني كاش كام ؟
و اخد كاش و لا فيزا احسن ؟
و هحتاج بابا معايا و انا بطلع التصريح و لا لا ؟ انا 18 سنة

معلوماتي، انهم بيرخموا علي الشباب الصغير اللي مسافر لوحده، معاك كام كاش خد جزء كاش وجزء في الفيزا، مثلا 50 دولار لليوم، المطار مالوش دعوة انت معاك كاش كام واعتقد مش محتاج والدك في موضوع التصريح

من فضلك انا عايز اسافر تركيا الجواز بتاعى مكتوب فيه مصمم اعلان غير مطلوب للتجنيد انا بشتغل حر من خلال النت ايه المطلوب علشان اطلع فيزا وايه المطلوب علشان اعمل تصريح امني والمدة

اهلا عبد العزيز، انا جاوبت علي الاسئلة دي في الكومنتات الي علي البوست وفي مقالة كاملة علي الفيزا موجودة علي المدونة

طب لو سمحت انا ووخطيبى عايزين نطلع شهر عسل فى بالى او تايلاند ووانا ىسمعت ان التصريح الامنى بيطلعع فى حدود اسبوعين وهو اصلا مهندس فى السعوديه و نازل قبل الفرح باسبوع فلازم التصريح ده و هو مهندس ولا ايه؟ولو تعرف حضرتك معلومات عن البلدين ياريت تقولها و شكرا مقدما

اهلا دينا، اولا مبروك وربنا يتمملكم علي خير، في الحالة دي لازم حد يروح المجمع ويقابل ظابط الاتصال ويسأله لأن دي حالة خاصة انا مش عندي المعلومة الدقيقة، بالنسبة بقي للبلدين ارشح تايلاند انا قعدت هناك ١٥ يوم في شهر العسل وكانت من اجمل البلاد اللي زورتها، هحاول اعمل موضوع خاص بيها، لاكن لغايت ما الموضوع ينزل اقري كتيير علي تقارير الاعضاء في منتدي المسافرون العرب (هتلاقيه علي جوجل) وربنا يوفقكم

أولا: شكرا على الموضوع المفيدز

وثانيا:
هل عندك فكرة عن تأشيرة المكسيك ؟
وهل مبلغ 17000 كفاية لمدة 14 يوم ؟

اعمل بالسعوديه ومقيم بها هل ينفع اخذ خروج نهائي من السعوديه واسافر علي الصين او كوريا اوتايلاند ارجوا الرد وشكرا ماهي الاجراءات

كنت كتبت لك اسأل لو عندك معلومات بخصوص فيزا دولة المكسيك، لأني عايز اقدم الورق الأسبوع القادم بإذن الله…
لو أمكن ترد عليا أكون شاكر لك جدا.
وتسلم على ترتيب الموضوع بالشكل دا.

أتمنى ألا يتسبب طلبي في إزعاجك.

لو سمحت فيه جديد عن موضوع سفر الطلبه …. مؤخرا سمعت ان فيه قرار بمنع سفر الطلبه الا للعمره والحج ولو عائلته عايشه بره هل ده صحيح ولا الكلام ده اثناء فتره الدراسه بس ومسموح في اجازه نص السمه واخر السنه ؟

لا للأسف الخبر صحيح، لو في احد الطلبة اللي متاجل الجيش بتاعة عشان الدراسة لن يسمح له بالسفر لغرد السياحة (اي حد متاجل جيشه عشان بيدرس من الطبيعي انه بيجيب تصريح سفر من التجنيد دي حاجة قديمة ومعروفة بس ماكنش ليهم دعوة انت مسافر ليه) دلوقت لو مسافر سياحة مش هيدوك تصريح وبالتالي مش هتعرف تخرج من المطار، – طبعا نستثني الناس اللي اصلا معندهاش جيش ومش مطلوبة وطبعا نستثني البنات ارجو اني اكون وضحت الامر

شكرا مايكل جدا جدا علي ردودك المفيده والسريعه.. ربنا يجازيك خير..

انا معنديش سؤال.. انا بكتب الكومنت عشان اشكرك بس واضيف نقطه صغيره اذا سمحتلي..
انا مسافر تايلاند كمان 3 اسابيع ان شاء الله. وكنت لسه بتكلم مع ظابط جوازات صاحبي وقالي ان السفر لتايلاند مش محتاج تصريح الا للفئات الدنيا بس.. عاما دي كانت صدمه ليا.. فانا هروح المجمع يوم الاحد وهسأل عشان أتأكد..

اهلا وائل، لا شكر علي واجب،
فعلا كلام صاحبك مظبوط بس ساعات بيرخموا في المطار ف احسن حاجة تروح تسأل فعلا ويا ريت لو تيجي تفيدنا هنا عملت ايه 🙂

لو سمحتوا ان شاء الله هسافر انا وزوجتى لتايلاند فى شهر العسل وعندى سؤالين
الاول انا موظف ايه هى الاوراق المطلوبه لاستخراج التأشيرة وصيغه خطاب العمل باللغه الانجليزيه
ثانيا انا خطيبتى لسه طالبه فى البطاقه وفى جواز السفر فيه حاجه تمنع التأشيرة ليها وايه هى الاوراق المطلوبه ليها وفى حاجه تمن السفر ليها من الاساس
ثالثا الجواز مش مثبت فيه انها متزوجه لان لسه مش كتبنا الكتاب فى اى مشكله
وهل فعلا يوجد تصريح امنى مع العلم انا عرفت ناس ما اخدتش اى تصريح
وشكرا ليكم

اهلا محمد، اولا الاوارق المطلوبة هتلاقيها مكتوبة فوق في المقال ده بالتفصيل، ثانيا موضوع خطيبتك مفيهوش اي مشكلة سفارة تايلاند كويسة مش بتصعب الامور وعادي يبقي مش مكتوب متزوجة بس خد معاك قسيمة الجواز احطياتي هو ماحدش هيطلبها منك بس لو حد سأل يعني، الاوراق المطلوبة ليها نفس الاوراق بس لو لسة بتدرس هتجيب جواب قيد من الكلية وبالفعل في تصريح امني بس فعلا مش مع كل الناس، لازم تاخد الباسبورات وتروح المجمع تسأل عشان دي مافيهاش كلام واكيد مش هتبوظ شهر العسل

من فضلك انا ناوية اروح ماليزيا اسبوع او 10 ايام مع صاحبتي من غير شركة سياحة وكنت محتاجة اسأل علي كام حاجة:
1-انا نفسي اروح مزارع الشاي في الكاميرون، والunderwater في لانكاوي، وجزيرة اندا في سيلاجور ..ده غير المزارات بتاعة كوالا..السؤال بقي: ايه افضل مسار للرحلة؟ وهل ينفع احجز المده كلها في فندق في كوالا واتنقل للاماكن التانية بالمواصلات من غير ما انزل في فنادق تانية (بما ان الاماكن كلها قريبة لبعضها الي حد ما)
2- ايه افضل و ارخص الفنادق اللي احجز فيها وتكون قريبة من اماكن التسوق والمترو.
3- اجراءات السفر ايه؟ يعني احجز طيارة الاول وبعدين احجز فندق من علي النت وبعدين اروح المجمع عشان التصريح وبعدين…
4- اعمل حسابي يكون معايا مبلغ اد ايه علي الاقل للفسح والاكل والهدايا؟
5-انا بفكر اطلع تبع شركة سياحة بدل وجع الدماغ اللي انا فيه ده 🙂 لان دي اول مرة اسافر بس في نفس الوقت مش عايزة اصرف كتير عالفندق و الطيران بدل الفسح (في شركة عاملة عروض ب 6 و 7 الاف فندق وطيران) ايه رايك احجز معاهم احسن؟ لاني لما حسبتها لقيت الطيران هيتكلف من 4700 الي 5000 وانت طالع والفندق هيتكلف حوالي 1000 غرفة مزدوجة ..يعني مافرقش عن الشركة السياحية

اسفة للإزعاج و شكرا مقدما

اهلا بيكي يا ياسمبن، اولا انتي عاوزالك مقالة خاصة عن ماليزيا وده هيحصل فعلا بس هاحاول اجاوب علي قد مااقدر،

اولا انسي شركة السياحة انتي طالعة تتفسحي وتستمتعي مش مجبرة او واجب عليكي وبالتالي جزء كبير من متعة السفر التخطيط للرحلة ولو تفتكري او قريتي باقي المقالات هتلاقي اني كاتب لازم نذاكر البلد كويس وكاتب ازاي
ثانيا كل الاجابات عن المزارات وكدة هتلاقيها في منتديات العرب المسافرون افتحي جوجل واكتبي تقارير ماليزيا العرب المسافرون واقري كتير كل ماتقري كل ما توفري وتتعلمي، ماتخاليش حد يقولك روحي كذا وكذا مش يمكن انا ليا زوق مختلف عنك اوبحب حاجات غير اللي انتي بتحبيها؟ يبقي واحد نسكافيه انتي وصاحبتك وتمسكو الموضوع واحدة واحدة
ثالثا اجرائات السفر ماليزيا مالهاش فيزا يعني تدوري علي ارخص تذكرة طيران باعدين تدوري علي ارخص اوتيل في نفس الفترة وخلي بالك لانكاوي دي جزيرة بعيدة عن كوالا وهيبقي في طيران داخلي بعد كدة تشوفي المزارات قبل ماتحجزي الاوتيلات عشان لو هتقربي للحاجات اللي عاوزة تزوريها ماتقلقيش من المواصلات ماليزيا بلد متحضرة جدا وعندهم كل الوسائل

رابعا اد ايه فلوس الاكل في اليوم في حدود ١٠٠ جنيه يعني الف جنيه اكل (ممكن يبقي اقل علي حسب كل واحد) وفسح وهدايا الف ونص يعني تاخدي مثلا تلات الاف معاكي، تاني اول سفرية خططيلها كويس وسيبك من شركة السياحة اقري المقالات هنا هتعرفي كل حاجة وربنا يوفقك

متشكرة جدا علي اهتمام حضرتك 🙂 للأسف أنا حجزت خلاص تبع شركة لأن أهلي مش هيوافقوا أسافر غير كده 🙁 بس أنا بحاول أخطط دلوقت للجولات اللي هاعملها. ملحوظة: انا بحثت كتير عن الموضوع ده ودخلت علي مواقع زي booking , tripadvisor, agoda, ده غير المنتديات بس لاحظت ان كل العرب غالبا سعوديين بتبقي ارائهم سلبية اوي عن كل الفنادق!! يمكن عشان بيقارنوها باللي في بلادهم اما المنتديات بيكلموا عن برامج 5 نجوم. ملحوظة تانية: انا قريت كل اللي كتبته في المدونة هنا و استفدت كتير..مستنية مقال عن ماليزيا بقي 🙂

انا روحت اطلع فيزا للبنان من السفاره ..قالوا ان لازم تجيلك تاشيره من لبنان لانك اول مره تدخل لبنان..روحت المجمع عشان اخد موافقه امنيه واخد الفيزا في بيروت قالولى الموافقه الامنيه لازم تكون سافرت اى بلد قبل كدا ..تفتكر ايه الحل 🙂

حاول تغير المهنة ل مرشد سياحي او صاحب شركة او شغال في شركة، الموضوع هيفرق كتيير بس برضه معلومة جديدة وغريبة انه يقولك لازم تكون سافرت قبل كدة، انصحك برضه تدخل لظابط الاتصال شخصيا وقوله الناس اللي اول مره بتسافر بتعمل ايه

بالعكس الموظفه قالتلي لما يبقي مكتوب بكالوريوس افضل ..ولما دخلت للظابط قاللي هجيبلك مالاخر بترجع للظابط اللي هيطلعك من المطار يا يعديك او لا الموضوع تقدير الظابط اللي في المطار !!

شكرا جزيلا لو امكن صيغه خطاب العمل باللغه الانجليزيه
لو فى ترشيح لاماكن معينه للزيارة فى تايلاند

اهلا محمد، صيغة خطاب العمل مكتوبة هنا واماكن تايلاند ممكن تلاقيها في منتديات العرب المسافرون دور علي جوجل تقرير تايلاند

بجد انا مش عارف اشكرك ازاى ..سؤال كمان لو سمحت انا خطيبتى لازم تكون معايا وانا رايح السفارة اقدم على التاشيرة ولا ممكن نا اعملها ليها
وكمان سؤال ممكن اعرف اخد معايا مصاريف شخصيه كام ؟ ونظام ماكينات ال atm هناك تسحب لحد كام وشغال طول الاسبوع ولا فى مشكله …وانا متأسف على الاسئله الكتير

لاشكر علي واجب، افضل تروح معاك لان لسه مافيش صلة قرابة او ممكن تعمل تفويض (الافضل تتصل بالسفارة تتاكد)، المصاريف علي حسب المدة مثلا لو اسبوع مش اقل من ٢٠٠٠ جنيه اكل وفسح وكدة تايلاند رخيصة بس لازم تاخد معاك فلوس احتياطي لاي ظرف وربنا يوفقك

لو سمحت انا مسافر لبنان
وانا مراتى لبنانية ومعايا وثيقة زواجنا بس انا مسافرتش لبنان قبل كدا.بس سافرت الخليج اكتر من مرة
والوظيفة فى الجواز فني شبكات بجامعة عين شمس
هل يلزمني تصريح سفر ولة اعمل اية وانا لازم اسافر لبنان خلال الفترة الجايا؟

اهلا احمد، المفروض ان طلاما مراتك من نفس جنسية البلد اللي هتسافرلها مايبقاش ليك تصريح، بس انت عارف مصر، افضل شئ روح اسأل في المجمع

الف شكر ليك ياميشيل وربنا يعوض تعب محبتك . انا حاجز تزاكر طيران وفندق للسفر لماليزيا لشهر العثل عقبالك . وكانت الوظيفه فى البطاقة صاحب شركة استيراد وتصدير وتوكيلات تجاريه ولكن الباسبور حاصل على كليه…. وزهبت للمجمع التحرير وطلب منى دعوة من ماليزيا ووضع المهنة بالباسبور وعملت كده ووضعت المهنه بالباسبور بس مقدرتش احصل على دعوة من ماليزيا وبعدين الظابط الاتصال قالى مكتوب فى الباسبور صاحب شركة استيراد وتصدير ممكن تسافر من المطار عادى ومش محتاج تصريح .. هل ده ممكن ولا لا.

اهلا بيك عماد، لاشكر علي واجب، اولا الف مبروك وربنا يكملكم علي خير انا سبقتك بس روحت تايلاند في الهانيموون، انت فعلا طلاما مكتوب صاحب شركة في الباسبور والظابط قالك مش محتاج يبقي تمام اطلع وانت متطمن،

مايكل هنري

لو سمحت انا عايزه اخد فيزا تشنجن وجوزي حاليا مش شغال للأسف والمشكله حاليا في خطاب العمل بس صاحبه عنده شركة وممكن يعمله الخطاب ده ويختمهوله بس المشكله هل السفاره ممكن تكتشف ده؟ وهل بتقدم للخارجيه ولا ممكن تعدي

اهلا بيكي، لا طبعا السفارة مش هتكتشف واقصي شئ يعملوه انهم يتصلوا بالشركة ويسالو اذا كان هو شغال هناك ولا لاء، ف بما انه صديق فا مافيش مشكلة، وربنا يوفقكم

بس يا ريت تساعدو باقي الناس بالخبرة اللي ماريتوا بيها وتعالو احكولنا عملتوا ايه

لو سمحت انا خاريج تجارة و البطاقة و الباسبور حاصل على بكالوريوس تجارة و عاوز اسفر تركيا علاج
-هل لازم اغير الوظيفة ؟عشان التأشيرة والتصريح
-ولو لازم اغير الوظيفة لازم اكتب محاسب فى شركة كذا ولا محاسب كيفية
ملحوظة:ممكن اجيب دعوة من المركز الطبى

اهلا محمد اولا الف سلامة وربنا يكتبلك الشفاء العاجل، حالات العلاج بتتعامل بطريقة مختلفة ومعظم السفارات مش بتدقق قوي في موضوع الوظيفة بس المهم يكون ورق العلاج ده مظبوط، فا ممكن تقدم علي فيزا علاج من تركيا عادي بالوظيفة دي، وربنا يوفقك

بعد اذنك يا مايكل (او ميشيل ?)…هل لازم الHR يبقى مكتوب فيه المرتب؟…وهل لازم كشف الحساب يبقى بالانجليزى لان البنك رفض …شكرا

اهلا شادي، انا مايكل ? ناس كتير بتتلخبط في الاسم،

بص يا سيدي، ال HR لازم يكون فيه المرتب و تاريخ التعيين وان الشركة ماعندهاش مانع من سفرك، وبالنسبة لكشف الحساب لازم بالانجليزي او اضعف الايمان الاسم يكون بالانجليزي زي اللي مكتوب في الباسبور، غير كدة هتضطر تترجمه انجليزي لان معظم السفارات مش بتقبل ورق بالعربي خالص

انا رايح بعد بكرة ان شاء الله ?….طب انا محتاج اشوفك عملت ايه . وهل بيبصوا فى الورق ولا بيقلبوا ?… ممكن اكلمك ع ال facebook لو عندك account ؟؟؟

لو سمحت يا مايكل انا من اسكندرية وعاوز اروح التحرير عشان التصريح الأمنى لتركيا انا الوظيفة ال مكتوبة ف الباسبور حاصل على بكالوريوس تجارة
و ممكن اجيب جواب من الشغل بس انا لسا جديد ف الشغل ومدخلتش تامينات..
-انت اية رأيك ممكن اخد التصريح بجواب الشغل ولا احتمال صعب
-هل التأمينات ليه علاقة بالتصريح
انا من الاسكندرية ف لو تقدر تفدنى اكون شاكر جداا عشان المشوار بجد صعب

موضوع التصريح هتلاقيه في الكومنتات علي باقي المقالات، انا بنصح انك تكتب وظيفة لاكن ده مش اجباري، وموضوع التصريح لتركيا بالزات مطلوب. هات معاك كل الورق المتاح عشان المشوار واطلع علي المجمع.

كله مشي تمام الحمد لله،
اولا روح الساعة 9 اقف علي الباب السفارة زحمة، انا دخلت 9:30 مشيت 12:30
ثانيا اعمل حسابك انك هتملي الابليكيشن تاني هناك لان اللي علي النت اتغير.
ثالثا خد بالك من الورق، البنك مش اقل من 10 الاف في حساب عليه حركة. والصورة تبقي حديثة، ولو مراتك او خطيبتك مسافرة معاك تاخد ما يثبت عقد جواز او تقدملها بنك ستيتمنت و خطاب عمل لوحدها.
الموضوع بياخد يومين عمل وربنا يوفقك ?

السلام عليكم ممكن سؤال انا هجيب تاشيرة زياره من السفاره وبالنسبة للموافقه الامنيه هيطلبو من اوراق مثلا كشف حساب بنك مع العلم متزوجه سوري

التصريح الامني لا يحتاج الي حساب بنكي فقط صورة الباسبور والتاشيرة واي تاشيرات اخري علي الباسبور والطلب من المجمع

لو سمحت انا مسافر تايلاند و انا طالب فى الجامعة و طالع مع شركة سياحة و لما روحت المجمع عشان اجيب الموافقة قالى لو انت طالع مع شركة السياحة مفيش موافقة امنية لأن الشركة هى اللى مسؤلة عنى ؟ انا عايز تعرف الكلام ده صح ولا ؟

اهلا كريم، طبعا الكلام مظبوط وخصوصا مع تايلاند(المجمع هنا اللي قالو كدة)، بالمناسبة انا طالع اخر فبراير انت طالع امتة؟

انا طالع 2/2 …
يعنى المفروض ان شركة السياحة بيطلع مندوب معانا فى المطار ولا ايه?

لو سمحت ايه الورد اللى قدمته للسفارة علشان التأشيرة بما ان انت طالب

انا جالى فيزا عمل بالاردن ايه المطلوب منى بعد كده هنا كشف طبى او تصريح سفر وهو لازم اول مره اسافر الاردن للعمل يكون عن طريق ميناء العقبه البحرى ولا ممكن طيران

اهلا بيك، من مصر مش مطلوب حاجة غير تصريح السفر من المجمع وطبعا ينفع تروح طيران عادي، اما لو هما هناك طالبين اوراق اضافية دي حاجة تاني

لو تسمح انا عاوز اسافر سنغافورة للعمل … ازاي اطلع فيزا او الشروط ايه عشان اسافر سنغافورة للعمل بس انا معنديش حساب في البنك ويا رب ما تتسد في وشي

اهلا محمد، مافيش حاجة كبيرة علي ربنا، اعقلها وتوكل. بخصوص موضوع الشغل في اي بلد في الدنيا لازم يبتدي من هناك، يبقي عندك حل من اتنين يا حد يبعتلك شغل من هناك وبالتالي يعملك عقد عمل وبالعقد ده تروح تطلع تاشيرة عمل من السفارة. الحل التاني انك تسافر سياحة لفترة قصيرة وتدور علي شغل وانت هناك، الموضوع محتاج مجهود وصبر، ربنا يوفقك

بعد اذنك ممكن اي حساب ليك فيس بوك واتس فيبر اي حاجة عاوز اكلمك ضروري انا متفائل بحضرتك وحاسس اني هستفيد كتير من حضرتك يا ريت يا ريت تقبل انا منتظر ردك

اهلا محمد، بص انا افضل انك تسألني هنا عشان الناس تستفيد بس لو في بيانات او موضوع خاص انا الاكونت بتاعي علي فيسبوك موجود في الموقع في اخر جزء تحت

السلام عليكم كف الحال ان شاء الله بخير ..
انا مصري بس عايش في المملكة العربية السعودية . وعايز اروح اندونيسيا 10 ايام كدة .
هل لازم اراجعهم من السفارة ولا عادي يدوني التأشيرة في المطار لما اوصل ارجو ان تفيدني في اقرب وقت حبيبي لاني حجزت الطيارة بعد اسبوع ..

ولما دخلت الموقع ده اتفاجأت .. فلو هيحتاجو تاشيرة من السفارة بتاعتهم اطلعها قبل ما اسافر ..

وشكرا على مجهودك .. بجد موقع مفيد ..

حبيبي تسلم والله أشكرك بجد على سرعة الرد .. انسان محترم والله واخ عزيز ..

شكراَ لك

السلام عليكم ..انا رايحه تايلاند 1/3 شهر عسل بس خطيبي تركي و خلص حجز الطيران و الفندق و فاضل بس الفيزا بتاعتي لانه هو يقدر يسافر بدون فيزا ..يا تري انا لازم لي ايضا كشف حساب بنكي مع العلم انه ليس لدي حساب في البنك.

اهلا نجلا، لو في ما يثبت زواجكم، يبقي نكتفي بكشف حساب الزوج، لو مافيش ما يثبت من عقد زواج يبقي لازم تجيبي كشف حساب خاص بيكي، بالمناسبة ممكن كشف حساب والدك، في بعض الحالات بيمشي. والف مبروك وربنا يوفقكم

مايكل معلش متلخبطة .. التصريح بيكون بعد الفيزا ؟ يعني لازم يبقي في تذاطر و حجز اوتيل و فيزا و بعدين التصريح ؟

مش شرط ممكن تقدمي عليه الاول، بس الفكرة انه بياخد وقت، بصي كدة كدة هتروحي المجمع مرتين، فا روحي اتاكدي من المطلوب ويكون معاكي الباسبور بحيث لو تمام تقدمي علي طول، و ياريت تبعتلنا عملتي ايه

حضرتك ممكن تنزل موضوع عن السفر بس للعمل في البلدان السهلة للمصريين لو سمحت

اهلا محمد، طبعا ممكن بس انا لسة مش عندي معلومات اكيدة عن موضوع الشغل، اول ما يبقي تحت ايدي حاجة مؤكدة هعمل موضوع عن العمل بالخارج.

السلام عليكم أخ مايكل
دلوقتى انا ليا أصدقاء فى المكسيك وعايزنى اروح لهم ايه المطلوب منى ومنهم علشان مش عارفين اى إجراءات ولا انا عارف ايه برضو الإجراءات اللى امشى فيها
وهل ينفع اقعد أقامه كامله بعد كدة ولا لازم ارتبط بمدة
ثانيا انا الباسبور مكتوب فيها حاصل على بكالوريوس نظم معلومات هل لازم اغير ولا مش شرط
وكنت سافرت قطر قبل كدة بس قبل حوارات التصريح الأمنى
ولك جزيل الشكر

الافضل، تغير الباسبور لوظيفة، لاء ماينفعش تقعد اقامة كاملة غير لو اتجوزت او اشتغلت هناك، الاوراق انت محتاج فيزا سياحة الاجرائات دور علي موقع السفارة وشوف ايه المطلوب للفيزا السياحة، وهما مطلوب منهم يعملو دعوة ليك، برضو هتلاقي التفاصيل علي موقع السفارة او ممكن تروح السفارة علي طول تستفسر ايه المطلوب، وربنا يوفقك

انا فاهم، اقصد ان اي حد معاه اقامة ممكن يعملك الدعوة، حتي لو مصريين عايشين هناك مش فارق الجنسية المهم يكون ليه حق قعاد في البلد

تمام
طب أولا اغير الوظيفة ازاى
ثانيا المفروض الورق بتاعهم بيتعمل منين علشان هما مش عارفين هناك

تغير الوظيفة يعني تغير البطاقة وده مكتوب بالتفصيل في اول مقال هنا في المدونة،
بالنسبة بقي للناس بتوع هناك، هما ولاد البلد مش عارفين انا هعرف منين 😀

عموما الموضوع بيتعمل في حاجة تبع البوليس او ادارة الهجرة اكتر من كده معرفش

طب ممكن الرابط بتاع عمل وظيفه فى الجواز مش لاقيه أو مش واخد بالى ومتاسف

بصراحه انا مش عارفه ابدأ منين
فى البدايه انا عايزه اسافر لبنان ..اشطه !
وحتى مطلعتش باسبور
واتا عندى 17 سنه
ونفى اوى اسافر لبنان سياحه
ياريت يعنى لو هينفع ترد عليا وتقولى اعمل ايه وايه الاجراءات اللى لازم اعملها عشان اسافر وهل لازم حد يسافر معايا
لانى عايزه اسافر لوحدى
وهل لازم اكون سافرت اى بلد تانيه عشان اسافر لبنان
وكونى طالبه لسه دا هيياثر
ولا اى
وحاجات كتير
عايزه اعرف كل التفاصيل
ياريت ترد عليا

اهلا يا نيهال، اولا لازم تطلعي باسبور، ثانيا نجيب عليه فيزا او تسافري علي طول وتاخدي الفيزا من المطار بس لازم يبقي معاكي 2000 دولار، المشكلة بقي انه لازم تصريح امني وهو دة اللي ممكن يوقفلك الحلم ده، بس انا رأي تكتبي مهنة في باسبورك وممكن تسافري علي طول من غير تصريح، ازاي بقي تعملي كل ده، اقري باقي المقالات اللي هنا في البلوج وهتعرفي كل حاجة، وربنا يوفقك

انا حاليا طلعت فيزا سياحه لدبي. و انا بعدها حاجز ذهاب و اياب لدوله تانيه بس هرجع على دبي تاني الاول مش على مصر. هل هيرضوا يرجعوني مره تاني دبي بالفيزا السياحيه اللي معايا؟ مع العلم انها هتكون لسه صالحه لشهر كمان

لو الفيزا متعددة الدخول او مكتوب عدد مرات الدخول مرتين او اكتر، يبقي مافيش مشكلة، لاكن لو لدخول مرة واحده ايوة مش هيدخلوك تاني الامارات.

طيب مفيش حل؟ لاني خلاص اخدت الفيزا و طبعا مش هينفع اروح اقدم على واحده تانيه 🙁 الفكره ان من دبي للدول اللي رايحا الطيران سعره معقول انما لو مش هرجع علي دبي هيكون السعر اربع اضعاف :/

لا لأسف مافيش حل، كان لازم تطلب الفيزا مرتين دخول علي الاقل، او تطلع فيزا تانية وانت في البلد اللي بتتكلم عليها، بس بعد ما تروح.

كيف حالك يا مايكل لو سمحت انا عاوز فيزا سياحه لقبرص اليونانية الباسبور مكتوب فيه ليسانس. ايه الاوراق المطلوبة للحصول على الفيزا؟

اهلا محمود، انصح بكتابة وظيفة في الباسبور ان امكن، الاوراق المطلوبة مكتوبة في المقال، انصحك تكلم سفارة قبرص وتعرف طريقة التقديم. وربنا يوفقك

انا ممكن أقدم للتصريح الأمني بصورة جواز السفر من غير الأصل ﻹن جواز السفر في سفارة سنغافوره لسه ماستلمتهوش و فاضل أسبوع بس على السفرو أنا واخده تأشيرة تركيا و خايفه كدا مش حالحق آخد الموافقه الأمنيه

شكرا ميشيل علي ردودك الطيبه واهتمامك الرائع
انا مقيم في السعوديه واقامتي علي وشك الانتهاء وهعمل خروج نهائي يعني مش هجدد الاقامه هل ينفع اسافر من السعوديه للمغرب طبعا مطلوب فيزا لكن هل يقبلوا اصدار فيزا دخول للمغرب بدون اقامه او بخروج نهائي من السعوديه .واسف جدا علي الاطالة

اهلا احمد، لا شكر علي واجب، انت تقدر تقدم علي فيزا من اي بلد يكون ليك حق الاقامة فيها، وبالتالي لازم تقدم علي الفيزا قبل اقامتك ما تخلص، لان غير كده هيقولك قدم من مصر، وربنا يوفقك.

اهلا ميشيل انا كنت مقدمة علي فيزا تركيا و جت بس ماعرفتش اخد التصريح الامني علشان الباسبور مش مكنوب فيه وظيفة فكلمت سفارة تركيا اسالهم لو كتبت المهنة في الباسبور اقدر ارفق الباسبور الجديد مع القديم اللي اخدت الفيزا عليه قالولي لا لازم اعمل كل اجراءات و ورق الفيزا تاني هل ده صح

اهلا اية، للاسف السفارة صح، ماينفعش تاخدي فيزا علي باسبور وتستخدمي باسبور تاني حتي لو الفيزا سارية، لازم تعيدي موضوع الفيزا علي الباسبور الجديد. — مايكل هنري

لو سمحت يامايكل انا لسه مجدد جواز سفرى ومكتوب فيه بكالوريوس خدمه اجتماعيه ،هل علشان اطلع تصريح سفر الى الاردن لازم يكون مهنه مكتوبه وليس المؤهل ؟؟

بص هو مش شرط، لاكن ممكن يرخموا عليك، افضل شئ تتاكد من المجمع، و ممكن تجرب علي طول وتستخرج تصريح، كده كده الاردن مم غير فيزا فا مش هتخسر حاجة.

مع العلم انى جيالى فيزا عمل وسافرت قبل كده قطر والفلبين وسنغافوره وجوازى القديم كان مكتوب المؤهل قبل مايطلع موضوع التصريح ده

مش هتفرق معاهم في حاجة، دلوقت الموضوع رخم، ولسه كان في حد كاتبلي انها جابت الفيزا وكل حاجة ومرضيوش يطلعولها التصريح عشان مش مكتوب وظيفة في الباسبور

لو سمحت مايكل
لو حد بعتلى فيزا زيارة من تركيا
ايه المطلوب منى فى مصر

اكيد تقصد دعوة زيارة، عشان تستخرج فيزا من السفارة في مصر، هتاخد الدعوة مع باقي الاوراق اللي مكتوبة هنا في المقال وتقدم علي فيزا سياحة لتركيا، وربنا يوفقك

مايكل لو سمحت انا دلوقتي ان شاء الله رايحة شهر العسل تايلاند اخر الشهر و انا مكتوب كتابي و مثبت في الباسبور و جوزي في الامارات و خلاص اخد الفيزا و انا هروح السفارة علشان الفيزا بتعتي السؤال بقي اخود معايا صورة من فيزا جوزي كمان ولا ايه !! وكمان موضوع التصريح الامني دا المفروض اعمل في ايه احنا كده هنحتاج تصريح يعني !

اهلا هدير، اولا الف مبروك وربنا يتمملكم علي خير، انتي عندك حالتين، اول حالة انك تقدمي لوحدك ودي بتطلب كشف حساب من البنك وخطاب من جهة العمل، هتلاقي موضوع خاص عن فيزا تايلاند في المدونة هنا.

الحالة التانية انك تقدمي ورق جوزك معاكي، يعني تاخدي صورة من باسبوره ومن الفيزا بتاعته والحجوزات بتاعتكم وتقدمي هنا، وفي الحالة دي مش بتحتاجي كشف حساب وخطاب عمل. اما بخصوص التصريح تايلاند مش بيرخموا عليها، بس يحبز انه يكون مكتوب وظيفة في الباسبور بتاعك، وربنا يوفقكم.

هل هحتاج كشف حساب بنكى ولا مش ضرورى ؟
وما الوقت التى تاتى فى دعوة الزيارة من تركيا ؟

أستاذ مايكل انا هكون موجود فى تايلاند فى نفس الوقت اللى هتكون موجود انت فيه هناك أن شاء الله فلو كدة ممكن نتقابل بس انت هتكون فى اى مدينة

لو سمحت انا طالب ثانوية عامة و عمري 18 سنة و طالع سياحة و معايا فيزا الكترونية
عايز اعرف الاوراق المطلوبة غير التصريح الأمني هل أحتاج تصريح سفر (تأجيل) ..ومكتوب في جوازي يصرح له السفر حتى 1/8/2018

بص في قرار جديد من الجيش مافيش تصاريح لاي طالب الجيش بتاعه مؤجل عشان بيدرس، ممكن تتاكد من منطقة التجنيد في شارع جسر السويس، حاجة تاني يؤسفني اقولك ان في احتمال كبير بنسبة 90% هيرفضوا التصريح الامني بتاعك عشان طالب، روح اسال برضه في المجمع وربنا يوفقك

هى هونج كونج محتاجة تصريح رضه من المجمع و لا لا؟
انا كنت مسافر تركيا و رفضوا يطلعولى التصريح عشان انا طالب حتى اخويا مكتوله حاصل على في الباسبور مرضيوش و قالوا لازم يبقي مكتوب في الباسبور بتشتغل و مش بندى تصريح لاى طالب, هونج كونج ليها تصريح برضه و لا ايه؟

ده اكيد؟ اصلها مش من البلاد اللى مكتوبة في اليافطة اللى هما معلقينها

مايكل هو أنا لو عايز أسافر البرازيل , اجراءات الفيزا صعبة؟ مع العلم ان خت موافقات لدول سابقة الامارات و البرتغال شنجن
بس أنا سمعت ان البرازيل ممكن أطلع فيزا سياحية مدتها طويلة مش محددة أوى زى شنجن, عندك أى تفاصيل؟

بصراحة ماعنديش تفاصيل لفيزا البرازيل، بس هي اكيد مش صعبة زي الشنجن، وطالاما اخدت شنجن قبل كدة يبقي اكيد تقدر تاخد البرازيل

لو سمحت يا مايكل انا عاوزة اطلع التصريح الامني لدولة لبنان. مطلوب بس صورة الباسبور واصل الباسبور؟ ولا في اوراق تانية مطلوبة؟ كمان هاخد التصريح بعد كام يوم؟ انا سمعت انه بياخد اسبوعين؟ 🙁

اهلا سالي،
بالنسبة لموضوع التصريح الامني، دي البيانات بتاعته: ١- المكان مجمع التحرير ٢- المطلوب الباسبور وصورته وصور من الفياز اللي خدتها قبل كدة وممكن يطلبو صور من الحجوزات وطلب بتشتريه من هناك ٣- العملية بتروح المجمع وتطلع لمكتب اسمة ظابط الاتصال انصحك تطلب من العسكري انك تقابل الظابط شخصيا وتوريله الباسبور وتقوله مسافر فين بعد كدة هو هيقولك اذا كنت محتاج تصريح ولا لاء، طيب بتقف في طابور كبير (يا ريت تروح بدري) وتشتري الطلب وتملاه وتقف في طابور تاني عشان تقدمه مع صور الاوراق اللي فوق ٤- المدة مش اقل من اسبوع الي اسبوعين، بس انت بعد 7 ايام روحي اسأل التصريح خرج ولا لسة — اخر معلومة لو انت مكتوب في باسبورك مهنة ذي مدير او صاحب شركة ممكن ماتحتاجش تصريح بس الظابط هو اللي يقول، مافيش حاجة تمنعك من انك تاخد التصريح طلاما مش مطلوب امنيا، اعتقد لازم تستلم التصريح بنفسك وربنا يوفقك.

أهلا. أستاذ ميشيل
انا سن 17 سنه ومعيش باسبور وعمري ما سافرت قبل كده كنت عاوز اسافر سياحه لمده اسبوع ل روسيا عاوز اعرف جميع الترتيبات اللازمه
وشكرا

اهلا احمد، اول حاحة لازم تطلع باسبور، ولو بتشتغل ياريت تكتب الوظيفة لان طول ما انت طالب هيبقي دايما عندك مشكلة مع تصريح السفر، وبعد ما تطلع الباسبور تقدم علي فيزا سياحة لروسيا وبعد كده تحجز طيران واوتي وتسافر، بس تاني اتاكد من موضوع تصريح السفر قبل ماتسافر، وربنا معاك

يا مايكل. انا روحت المجمع النهاردة عشان التصريح الامني بتاع لبنان. الموظفة بصت غي الباسبور وقالت لي انتي مش محتاجة ولو مصممة تطلعي تصريح هاتي لي فيزا،، دخلت علي ظابط الاتصال وشاف الباسبور وقالي طالما هيبقي معاكي الالفين دولار والباسبور فيه تاشيرات قديمة ومهنة مش هيمنعك من السفر ومش محتاجة تصريح.. انت ايه رايك؟ فيها مخاطرة لو طلعت ع المطار علي طول؟ ولا اطلع فيزا احسن؟

لا خلاص كدة مافيش مخاطرة، تقدري تسافري علي طول، اكيد مكتوب وظيفة او مؤهل عالي في الباسبور بتاعك، كمان احسنلك تاخدي الفيزا من المطار لان فيزا لبنان دلوقت من مصر بتاخد 40 يوم ويمكن اكتر، كمان وانتي راجعة لازم تروحي مطار بيروت قبل الطيارة ب 3 ساعات علي الاقل عشان في اجرائات امنية كتيير دلوقت فا بيتاخروا، وربنا معاكي

شكرا مايكل علي مقالاتك الرائعة عندي سؤالين بالنسبة للحساب البنكي عشان الشنجن انا حسابي توفير مش جاري عادي ولا لازم يكون جاري و بالنسبة لتركيا لو طلعت بجواز سفر غير مصري جواز سفر ليبي انا مزدوج الجنسية هيطلبوا تصريح امني؟

اهلا بيك، لا شكر علي واجب، موضوع كشف الحساب مش لازم يجون جاري ممكن توفير المهم يكون عليه حركة يعني لو شهادات ماينفعش.

وبالنسبة لتركيا لو طلعت بجواز مش مصري يبقي مصر ملهاش دعوة بيك وبالتالي مش مطلوب تصريح، بس اعرف في مشاكل بين ليبيا وتركيا ولا لاء الاول، وربنا يوفقك

انا مكتوب فى جواز السفر المهنه “محامى” وانا سافرت العام الماضى أسبوع لتركيا ومسفرتش دول تانية. هل ممكن اسافر لبنان من غير تصريح امنى ومعايا 2000$ واخد التاشيرة من المطار فى بيروت؟ وشكرا

اعتقد ينفع لانه مكتوب وظيفة، انصحك برضوا تتاكد من ظابط الاتصال في المجمع، انت عارف مصر كل يوم بقرار وكل يوم براي

انا بشتغل مصور فيديو حر . يعنى مفيش حد يدينى ورقه تثبت شغلى وباسبورى مكتوب فيه حاصل على بكالوريوس تجاره .. هل دى مشكله فى السفاره ؟ وبردو بالنسبه لل hr letter انا مفيش حد ممكن يعمله ليا علشان شغلى حر .. ازاى اعمله ؟

انا معايا كارت دعوه لاسبانيا . استخدمه حيكون احسن ولا اروح اقدم عادى على سياحه ومستخدمهوش انهى الافضل ؟

مساء الجمال يا مايكل
انا باسبوري اختصاصي تسويق و مقيم في السعوديه و زوجتي وواولادي في مصر عايز اطلع ماليزيا سياحه انا و عيلتي في اجازتي الصيفيه هاحجز تذاكري و الفندق اون لاين
لازم تصريح امني عشان اسافر ماليزيا من مطار القاهرة؟

سلام عليكم استاذ مايكل لو زوجي مكتوبله في الباسبور مصور و عندو تأمينات و معاه فيزا تركيا يقدر يطلع التصريح الامني بس هوا اطلا مؤهل متوسط9

هاي ميشيل كنت عايزه اسأل ف حاجه انا ف كليه اداب جامعه زقازيق ومش ماشيه فيها وكنت عايزه اقدم في جامعه الخرطوم وعرفت اني لازم تصريح علشان اسافر رحت مجمع التحرير قالولي روحي الامن الوطني مع العلم اني عندي ٢١ سنه وهسافر اقدم لوحدي عايزه اعرف ايه الاوراق اللي لازم اقدمها لاستخراج التصريح وهياخد وقت قد ايه وشكرا

اهلا بيكي،
بالنسبة لموضوع التصريح الامني، دي البيانات بتاعته: ١- المكان مجمع التحرير ٢- المطلوب الباسبور وصورته وصور من الفياز اللي خدتها قبل كدة وممكن يطلبو صور من الحجوزات وطلب بتشتريه من هناك ٣- العملية بتروح المجمع وتطلع لمكتب اسمة ظابط الاتصال انصحك تطلب من العسكري انك تقابل الظابط شخصيا وتوريله الباسبور وتقوله مسافر فين بعد كدة هو هيقولك اذا كنت محتاج تصريح ولا لاء، طيب بتقف في طابور كبير (يا ريت تروح بدري) وتشتري الطلب وتملاه وتقف في طابور تاني عشان تقدمه مع صور الاوراق اللي فوق ٤- المدة مش اقل من اسبوع الي اسبوعين، بس انت بعد 7 ايام روح اسأل التصريح خرج ولا لسة — اخر معلومة لو انت مكتوب في باسبورك مهنة ذي مدير او صاحب شركة ممكن ماتحتاجش تصريح بس الظابط هو اللي يقول، مافيش حاجة تمنعك من انك تاخد التصريح طلاما مش مطلوب امنيا، بالنسبة للمدة التصريح لسفرية واحدة، اعتقد لازم تستلم التصريح بنفسك وربنا يوفقك.

سلام عليكم استاذ مايكل… كنا فاكرين تايلند بدون فيزا للأسف اتسرعنا وحجزنا طيران وفندق )non refundable) في والسفر المفروض يوم التلات بالليل وجوزي اصلا هيجي من الرياض يوم الاثنين:( رحت المجمع النهارده اسال عن التصريح الامني وقالولي مش مطلوب وعرفت من كام ساعه موضوع الفيزا…هل في اي اقتراحات ..انا ممكن اخد اوراقي انا كلها واروح بكره بس بالنسبه له الباسبور مش موجود طبعا هل في اي حل؟ وشكرا مقدما

اهلا بيكي، فعلا موقفك صعب، بس ماتقلقيش هتدفعي شوية فلوس زيادة والموضوع هيتحل، قدامك حلين:

1- انك تكلمي شركة الطيران دلوقتي وتطلبي تعديل مواعيد الحجز لبعد اسبوع ونشوف هندفع كام، وبعد كدة نكلم الاوتيل ونطلب نفس الطلب وندفع الفرق، كده الحجوزات غير قابلة للالغاء بس ممكن نعمل شيفت للمواعيد، وطبعا هتجهزي الورق كله لكل الافراد وتطلعي علي السفارة تقدمي علي الفيزا الموضوع بياخد 3 ايام يعني لو قدمتي انهاردة تستلمي بعد بكرة وماتنسيش مصاريف الفيزا 300 جنيه للفرد.

2- وده حل غريب شوية بس ينفع جدا، هو انك ماتروحيش تايلاند، انتي هتسافري عادي انتي وجوزك وتنزلو المطار بس مش هاتدخلوا تايلاند، هتاخدوا طيارة تانية في حدود 400 جنية الفرد لماليزيا، كاان تايلاند ترانزيت، ماليزيا زي تايلاند في كل حاجة تقريبا، ومالهاش فيزا (ببلاش)، بس كدة هتخسري الاوتيل بتاع تايلاند، وطبعا هتحتاجي تحجزي التذاكر واوتيل ماليزيا، ف احسبيها انهي افضل بالنسبالك ويا ريت تتابعي معايا نعرف عملتي ايه. وربنا يوفقك.

استاذ ميشيل .. انا محامى 26 سنة ومعايا فيزا تركيا سياحة جبتها من اسبوع تقريبا عن طريق شركة سياحة . والباسبور كان فاضى ودلوقتى انا عايز اسافر لبنان سياحة فروحت لشركة سياحة نزلت عرض كويس اوى وهما اللى هيقدموا فى القنصلية .. وطبعا طلبت نفس الاوارق الباسبور وكشف الحساب وخطاب جهة العمل من محامى موجة للسفارة اللبنانية وورقى كلة تمام والرحلة يوم 26 مارس .. عايز اسال حضرتك سؤالين … اولا لبنان اسهل ولا تركيا يعنى هعرف اطلع الرحلة دى ولا هترفض واذن السفر من التجنيد سهل ولا صعب .. وبالنسبة لتركيا التصريح الامنى سهل ولا صعب ولو معايا رتبة فى الداخلية هل ممكن يساعدنى فى الحصول على التصريح الامنى واسف لازعاجك وللاطالة

اهلا بيك، البلدين سهلين جدا، لبنان الفيزا بتاخد وقت اليومين دول اشك انك تلحق تطلع يوم 16 مارس، اذن السفر مافيش اسهل منه، هتطلع علي تجنيد الزتون وتقدم وتاخده باعديها بساعتين، التصريح الامني مش صعب بس ساعات بياخد وقت حوالي اسبوع، بس لو معاك رتبة ممكن تاخده قبل كدة اكيد، وربنا يوفقك

شكرا لحضرتك .. بس بوضح لحضرتك نقطة ان لبنان شركة هى اللى بتقدم وشركة محترمة جدا وكل اللى قدم لفيزا لبنان قدم الاسبوع اللى فات فى الشركة .. فهل ممكن يكون الشركات بتعرف تجيب الفيزا اسرع لانهم بيقولوا بتاخد اسبوع بالظبط

لو سمحت دلوقتى فى عرض من شركة تى شورى للسياحة لبنان ب1990 جنية شاملة كل حاجة وفى ناس كتير بتقول ان الشركة نصابة وخايف اروح احجز فى اى حد عندة معلومة بخصوص الشركة دى وفعلا العرض دة حقيقى ولا نصب

معلوماتي عن شركة تي شوري انها مش نصابة ولا حاجة الفكرة انهم عندهم طيارات شارتر بتاعتهم، يعني بيحمل الطيارة زي الاوتوبيس كدة، لبنان طيران ساعة واحدة فا عادي الرقم ده علي الطيران الشارتر ممكن تحجز عادي ماتقلقش، بس خليهم يعرفوك الفرق بين الطيران الشارتر والتجاري الاقتصادي وربنا يوفقك

استاذ مايكل اسف لازعاج حضرتك مرة تانية … دلوقتى انا معايا فيزا تركيا 15 يوم دخول مرة واحد صالحة ل6 شهور وهيكون معايا فيزا لبنان … دلوقتى انا لو هسافر لبنان الاول وروحت المطار هتمنع من السفر للبنان عشان مش معايا تصريح امنى لدخول تركيا وهل ممكن امن المطار يمنعنى عشان يعتقدوا ان انا ممكن اسافر تركيا من لبنان وان انا معرفتش اجيب التصريح الامنى من مصر ولا عادى اسافر لبنان وانا معايا فيزا تركيا

المطار مالوش دعوة انت هتروح فين بعد كدة، هو ليه اول وجهة ليك ايه واذا كانت محتاجة تصريح ولا لاء، لان لو طلعت من لبنان علي تركيا مطار القاهرة هيعرف منين، ده غير انه مالوش سلطة اصلا انت حر 🙂

استاذ مايكل انا ماعنديش حساب بنكي ومافيش المبلغ اللى ممكن احطو ف حساب وسمعت انى الورقه بتاعة الكشف دى بتتعمل عندك طريقه اوسكه ف الموضوح ده

لو سمحت كان عندي كام سوال كده.
التصريح الامني لتركيا دلوقتي صعب؟
انا لسه طالبه في الجامعه اه المطلوب علشان التصريح؟
بجيب التصريح الامني قبل ماخد الفيزا ولا بعدها؟
الفيزا اونلين لتركيا فيها اي مشكله بنسبه للمطار ؟
انا معنديش حساب بنكي ينفع استخدم بتاع والدي ؟
و شكرا جدا علي مجهودك و ربنا يوفقق .

اهلا بيكي، التصريح للطلبة صعب بس مش مستحيل، بتجبيه بعد الفيزا، الفيزا الاونلاين مافيهاش مشكلة خالص انا سافرت تركيا بفيزا اونلاين وماكانش في مشاكل، لو هتجيبي الفيزا اون لاين مش هتحتاجي حساب بنكي اصلا، بس عموما حساب والدك ينفع في اي سفارة بالنيابة عنك، وتروحي وتيجي بالسلامة.

لو سمحت انا هروح اقدم جامعه ف الخرطوم ومعايا الورق اللي هروح اقدم بيه متوثق من السفاره والضابط قالي وريهم الورقه دي ومش هنحتاجي تصريح اتوكل ع الله واقطع التذكره ولا ايه اصل خايفه في المطار مش يرضو ياريت ترد ع سؤالي ضروري

طلاما الظابط قالك كدة ماتقلقيش، وخصوصا انك مسافرة دراسة مش سياحة فعلا الورقة دي هتفرق معاكي، توكلي علي ربنا

استاذى انا مصرى و حاليا فى اسطنبول- و حجزت طيران لبيروت و مسافر غدا اجازة لمدة 3 ايام و معى فقط مبلغ $900- لم اعلم ان ضرورى يكون 2000 $غير فى اخر لحظة – هل ممكن يتجاوزا او اتفاهم معاهم هناك لان الاجازة قصيرة جدا و ما فيش داعى لحمل مبلغ كبير و ليس لدى وقت لتدبير ال 2000 دولار بالكامل .
احد اصدقائى قال انهم لم يسألوا عن المبلغ اللى معاه و مر من الجوازات على طول

انا سافرت و رجعونى للأسف علشان المبلغ اقل من 2000 و أن الحجزمن بوكينج حجز غير مؤكد!! لازم تحجز فندق و تدفع تمن الحجز قبل الوصول!!- لسه راجع من المطار حالا بعد شدة اعصاب و مسخرة و قلة ادب فوق الوصف.

دلوقتى اتختم فى باسبورى منع دخول فى مطار بيروت – انا طبعا قفلت من لبنان تماما و مش هفكر فيها تانى – لكن هل ده هيأثر عليا لو قدمت على فيزا فى المستقبل لأى دولة تانية؟
خصوصا انى كنت بفكر اخد شنجن خلال الصيف 🙁

موقف رخم جدا، معلش تتعوض، لا ماتخافش الختم بتاع بلد ماياثرش علي بلد تانية الا لو شنجن، عادي جدا ماتشغلش بالك، واسف اني معرفتش افيدك

اقصد لو اترفضت من دولة شنجن ياثر علي باقي دول الشنجن لان سيستم الفيزا واحد، لاكن في حالتك ممكن تقدم شنجن عادي

دلوقتى انا قدمت على فيزا لتركيا واستلمتها امبارح..,والباسبور مكتوب فيه حاصل على بكالوريوس, مع العلم اني باشتغل فى شركة وممكن اخد معايا HR Letter وكمان برنت تأمينات, ودي اول مرة سفر ليا. فهل ده كافي عشان اطلع التصريح ولا لا!؟ لانى سمعت ان موضوع التصريح بيكون صعب

فعلا موضوع التصريح لتركيا صعب جدا بدون وظيفة مثبتة في الباسبور، بس مافيش مانع تاخد معاك الاوراق دي وتطلع علي المجمع تستفسر، وربنا يوفقك

أشكرك ع الرد السريع…….هاجرب, بس ال HR Letter يكون موجه لادارة الجوازات ولا لايه بالظبط؟

استاذ مايكل فى شركة اسمها tishoury فى مدينة نصر نزلت اعلان رحلة للبنان ب2000 جنية شامل كل حاجة ما عدا التاشيرة واستلمت الورق من اسبوع والرحلة المفروض كانت يوم 25 او 25 وقدمت الورق قبل الرحلة ب 12 يوم وازاى وتاشيرة لبنان بتاخد شهر على الاقل وبيمضونا اقرار فى حالة رفض التاشيرة فى خصم 100 جنية وبيقولو ان التاشيرة بتاخد وقت اسبوع بس واتصوا عليا اول امبارح بيقولو انهم قدمو الورق للسفارة يوم الحد واترفض ومفيش حل غير انى اوفر 2000 دولار وطبعا انا شكيت فى الشركة من السعر والاقرار وان التاشيرة بتاخد اسبوع بس وفعلا شركة مش كويسة

اهلا بيكي، انا عارف شركة تي شوري بس ماعنديش معلومات اذا كانوا كويسين ولا لاء، فكرة السعر القليل ده مش معناه انهم نصابين لانهم عندهم طيران شارتر او طيران عارض يعني عندهم طيارات صغيرة بتاعتهم اكبر من الاوتوبيس بحاجة بسيطة ف بيتحكموا في سعر الطيران ممكن الطيرات رايح راجع يبقي ب 800 جنيه و 1200 اربع ايام في اوتيل 3 نجوم، فا انا انصحك جمعي ال 2000 دولار واطلعي معاهم عادي، بخصوص موضوع الفيزا اخر معلومة عمدي من السفارة كانت شهر يناير وقالو مش اقل من 40 يوم وفي حالات رفض كتير، فا افضل حل تتاخد من المطار. وربنا يوفقك

بالنسبة للسفر لتركيا انا عمري ٣١ سنة و المهنة حاصل علي ليسانس اداب فى الباسبور فدا هيأثر على انى اخد الفيزا ؟ و ممكن اقدم على فيزا مستعجلة ؟ و لو ينفع مدتها بتكون اد ايه

مافيش فيزا مستعجلة تركيا بتاخد من 4 ايام ل اسبوع، ومافيش مشاكل في الفيزا المشكلة اللي هتقابلك تصريح السفر، لتركيا بالزات لازم يكون في وظيفة مثبتة علي الباسبور

لو سمحت يا استازى بالنسبه لفيزا الدراسة فى استراليا لو حد هيبعتلى فيزا دراسة فى استراليا
دورة اللغه الانجليزيه وهو الى هيبعت الفيزا والتذكرة وكل حاجة ومتكفل بالمعيشة والمصاريف
ايه المطلوب بالنسبة ليا من مصر
وهل هما بيطلبوب حساب بنكى ولو مش معايا حساب بنكى ممكن هو يعمل ايه
وهل من الممكن يعملى تصريح امنى من هناك علشان خاطر الحساب البنكى

بص يا رامي مافيش حاجة اسمها حد يبعتلك فيزا، الحد دة ممكن يبعتلك دعوة او يقدملك علي دراسة عشان تاخد المستندات دي وتقدم انت بيها علي فيزا من السفارة هنا.

بالنسبة لفيزا تركيا بحتاج كشف حساب بنكي و بيكون مبلغ كام و دا بحتاجه للفيزا بس و لا التصريح الامنى كمان و بحتاج برينت تامينات لحاجة منهم و جواب العمل دا عشان يثبت اني شغال فى المكان دا و بحتاجه للاتنين الفيزا و التصريح

والله انا مجاوب علي السؤال ده في المقال وفي التعليقات، اتعبوا نفسكم واقروا شوية يا جماعة،

مافيش فيزا لاي حتة من غير كشف حساب، ويكون فيه مبلغ منطقي، لو هتقعد اسبوع يبقي في حدود ال 10 الاف والتصريح مش عاوز كشف حساب وبرنت التأمينات ده علي حسب الحالة لو للفيزا محتاج جواب من جهة العمل بس، وربنا يوفقك يا خالد باشا

طب ياريت حضرتك ترد على الفيس ضرورى لا نى عايز اسال على حاجه مش هينفع اقولها هنا بعد ازنك انا بعتلك رساله على الاكونت بتاعك

سؤال بخصوص التصريح الامنى لتركيا والباسبور مكتوب فية محامى حر مطلوب اية بالظبط غير الباسبور وصورتة ولازم حجوزات الطيران والفندق تبقى حقيقية وممكن احصل على التصريح قيل السفر بشهر واية الورق المطلوب تانى غير اللى قولتة لحضرتك

لازم تجيب فيزا من شركة سياحة مخصصة من السفارة وطبعا مش هيجبولك الفيزا غير لما تحجز معاهم طيران واوتيل، غير كده لازم دعوة من حد او شركة هناك

نصيحة مضيعش فلوسك ايرجعوك من مطار كوريا لان مصريين كتير دخلوا البلد وعملوا لجوء فبقت مستحيلة الا لو معاك اقامة اوربية او راجل اعمال مسافر بلاد كتير قبل كده

عندي سؤال هو انا دلوقتي عايزه اسافر ايطاليا سياحه انا ووالدتي وهي معاش وانا مكتوب في البطاقه مهندسه معماريه ومتسجله تبع النقابه بس مش شغاله حاليا فهل ممكن يرفضوا يدوني الفيزا ع اساس مفيش حاجه تضمن الرجوع ولا يكفيني اني كاتبه في الجواز مهندسه او والدتي تعتبر ضامن عشان بس الموضوع ده مقلقني

في الفيزا الشنجن مافيش قواعد، لازم تحطي احتمال الرفض، المهم انك تعملي اللي عليكي وتقدمي الورق زي ما السفارة بتقول بالظبط عشان فرص الرفض تقل، المهنة مش محتاجة تتغير لانك ممكن تشتغلي شغل حر، موضوع انك مسافرة مع والدتك دي حاجة كويسة لموقفك مش العكس، وربنا معاكي

اعتقد انه مش محتاج لاني ماشفتهاش في اي خبر، بس برضه انتي عارفة بلدنا الجميلة لو خلاص ناويتي السفر انصحك تعملي مشوار للمجمع تتأكدي، بس عاوز اضيف معلومة لو اللي مسافر مكتوبله مهنة في الباسبور حتي لو بلد محتاجة تصريح مش لازم يجيب تصريح، مثلا تايلاند وماليزيا انا سافرتهم من غير ما اطلع تصريح وماحدش كلمني في المطار،

اخر حاجة اقري التقرير بتاع تايلاند الجزء الاول اتكلمت علي حاجة ممكن تساعد في موضوع التصريح، وربنا يوفقك

طبب معلش يا مايكل آخر سؤال و انا آسفه جدا و الله معندكش فكره التأمينات بتاخد وقت اد ايه ؟

مساء الخير استاذ مايكل..بشكرك على مجهودك وسعة صدرك..انا جالى منحة تدريب في المحكمة الجنائية في هولندا المشكلة ان انا مش عندي حساب في البنك وجوزي حسابه في البنك في شكل شهادات ادخار والسفر بعد شهر لكن فيه ضامن مالي جنسيته هولندي ممكن الضامن المالي يغني عن تقديم حساب البنك وايه الشروط؟ شكرا جزيلا

اهلا بيكي، ممكن جدا تقدمي كشف حساب باسم والدك، ولو زوج حضرتك هيسافر معاكي ممكن يعمل حاجة اسمها كشف ارصدة مع كشف حساب والدك وما يثبت موضوع الضامن الهولندي، كدة الموضوع هيبقي علي بعضه مقبول، كمان اعتقد ان حساب الشهادات بينزل الفوايد في حساب جاري فا ممكن يتحط مبلغ في الحساب دة ونطلع كشف حساب عادي، وربنا يوفقك

طب انا عايزة اخد تاشيرة تركيا لشهر العسل انا مصرية وخطيبى مصرى بس هو بيشتغل فى السعودية اعمل ايه

مساء الخير واسفه علي الازعاج بس عندي استفسار ضروري انا بتركيا من حوالي 4 شهور وعسان اعرف اخد تأشيره وموافقه امنيه عملت سجل تجاري وبطاقه ضريبه لكني حاليا اعمل بتركيا معلمه ومربيه اطفال لملحق بالسفاره السعوديه بتركيا وعندي عقد عمل من مختوم من السفاره السعوديه بتركيا واقامه تركيه مثبت عليها اني بعمل لدي الملحق بالسفاره السعوديه وحابه اجي مصر اجازه وارجع تركيا تاني فهل احتاج لتصريح امني مره اخري قبل السفر لتركيا او حاملي الاقامه التركيه لا يحتاج لموافقه امنيه وشكرا جزيلا

اهلا بيكي، لا طبعا انتي مش محتاجة تصريح، اولا علشان الباسبور مكتوب فيه مهنة كويسة وكمان عشان عندك اقامة في البلد اللي رايحاها، ده كلام المنطق والعقل، لاكن انا دايما بنصح ان طلاما هتتعامل مع الحكومة المصرية اتاكد تاني، فا انا انصحك انك تبعتي صورة من الباسبور والاقامة لحد من اصدقائك هنا ويروح المجمع يتاكد من ظابط الاتصال، وربنا يوفقك

دلوقتي انا سالت في السفاره ايطاليا اني وظيفيه مهندس حر بس هم رفضوا وقالولي لازم يكون ليكي وظيفه برقم ضريبي او خطاب من جهه عملك غير كده مينفعش تبقي المهنه مهندس حر.. فهل ممكن مثلا اقدم ع الفيزا ع اساس اني مرافق لوالدتي وهي معاش اساسا فمفيش مشكله في ورقها ولا برده مش حينفع

لا انا انصحك تشوفي حد من صحابك يعملك خطاب من جه العمل وتقدمي بيه هما في اغلب الاحوال مش بيرجعوا يتصلوا بالشغل

صباح الخير يا مايكل وبجد شكرآ كتير على زوقك ومجهودك وتعاونك الرائع
انا ليا استفسار اذا تكرمت
عندى صديق ألمانى هيبعتلى دعوه علشان ازوره يا ترى فى أنواع لصيغة الدعوات
بمعنى إيه أقوى صيغه مطلوبه حتى لو مثلا من الجوازات فى ألمانيا وكده هو مش معترض كمان هو هيكون كفيلى فى كل شئ السكن والمصاريف وكل شئ يا ترى كده ممكن يغنى عن تقديم كشف الحساب
وللعلم انا عندى تأشيرة شنجن على الجواز القديم من 2010 كان مدتها ستة أشهر ولم استخدمها اخدتها من دوله خليجيه من سفارة ألمانيا هناك وطبعا معايا فى الجواز القديم اقامات مختلفة فى الخليج واختام دخول وخروج لقطر والسعوديه
لكن مهنتى فى الجواز حاصل على ليسانس
وممكن يكون في مشكله في كشف الحساب
كمان ممكن أجيب جواب من نقابه معينه يفيد أنى عضو منتسب مثلا ده اقدر اجيبه
ولو تقترح عليا تغيير المهنه يا ترى الأفضل إيه
أخيرا صديقى الالمانى مستعد يعمل أى حاجه هناك فى ألمانيا علشان يخدمنى
آسف للاطاله
تقبل تحياتى

اهلا بيك، نظام الدعوات في دول الشنجن نظام موحد هو بيروح ادارة تبع الجوازات والهجرة وبيعمل دعوة رسمية متصدق عليها من الحكومة هناك بتبقي حاجة شبه الشهادة كدة وبيعلم علي تكفل الاقامة والمصاريف وسبب الدعوة وبعد كدة بيبعتلك الاصل بالبريد السريع عشان بتقدم الاصل هنا في السفارة. موضوع كشف الحساب شئ اساسي في التقديم هنا مش هيقبلوا الورق من غيره، وموضوع الوظيفة اي حاجة تنفع لو في تامينات او تعمل ورق شركة وتكتب صاحب شركة موضوع التاشيرات والاقامة هتساعد موقفك اكيد، في نوعين من الاوراق المطلوبة اوراق اساسية واوراق مساعدة لموقفك فا اي ورقة تحس انها هتفيد موضوع سفرك قدمها وربنا يوفقك.

لو سمحت انا هسافر في شهر 7 انا وخطيبي شهر عسل تايلاند بس معنديش حساب في البنك ينفع اطلع الفيزا مع العلم ان احنا مش هنكتب كتابنا غير في 7 و المفروض نقدم على الفيزا في 5 و حتى لوعملت حساب مش هيكون عدى عليه 3 شهور مع العلم اتسرعنا و حجزنا كل حاجة طيران و فنادق ومش بترجع ولا بتتغير للاسف

اهلا بيكي، اولا فيزا تايلاند بتاخد 3 ايام بالظبط في موضوع كامل عن فيزا تايلاند موجود هنا في المدونة، فا ممكن تقدموا لما تكتبوا الكتاب وساعتها هتقدموا كشف حساب بتاع خطيبك بس وصورة من عقد الجواز وترجمته بالانجليزي، او كل واحد يقدم لوحده وساعتها هتقدمي كشف حساب بتاع والدك بيقبلوا بيه عادي، كمان في تقرير شامل هنا في المدونة عن السفر لتايلاند هتستفادي منه جدا، والف مبروك مقدما.

تسلم يا باشا وان شاء الله هظبط كشف الحساب مش مشكله
لكن من فضلك إجراءات الشركه كلها بتصرف كام
كمان محتاج رقم المحامى اللى انت تعرفه بخصوص أوراق الشركه لانى شوفتك كاتب أنها ممكن تصرف 2000 وده مبلغ مش كبير وكده تكون المشكلة اتحلت
بخصوص جواب الاتش آر
ومن فضلك مثلا انا لو هروح أسبوعين المفروض يكون فى الحساب كم فلوس وهل التأشيرة إذا فى نصيب وطلعت بتكون على قد مدة الزياره ولا ايه
وآخر سؤال هل فى السفارة الألمانية فى مصر نوع من التأشيرات اسمه تأشيرة أو فيزا البحث عن عمل
شكرآ جزيلا

الشركة بتكلف في حدود الفين فعلا بيانات المحامي لو ممكن تبعتلي ايميل وانا هبعتهالك افضل من اني اكتبها هنا ايميلي m.henry@kenrys.com

بخصوص موضوع كشف الحساب لو اسبوع يبقي في حدود 15، 20 الف مصري او اكتر، والمدة بتكون بالايام علي قد ما انت كاتب بالظبط، لا مافيش النوع دة في اي سفارة انت بتقدم سياحة عادي، وربنا يوفقك

اوك يا باشا بعتلك إيميل وفيه رقم الواتس
طيب انا كنت فاهم أن الواحد بياخد فيزا أقل شىء3 شهور وبتكون متعددة الدخول مثلا
اللى فهمته من كلامك أن الواحد بياخد الفيزا محدده فقط بالمده اللى هيقضيها هناك
يعنى مثلا لو رايح أسبوع هياخد فيزا مدتها أسبوع ولو رايح شهر هياخد فيزا مدتها شهر وهكذا صح كلامى كده ولا انا فهمت غلط
انا بسأل علشان موضوع كشف الحساب
بمعنى ميتفعش كشف الحساب مثلا يكون فيه مبلغ 50 الف والواحد يقدم على شهر مثلا
شكرا جزيلا

بعتلك بيانات المحامي، السفارة بتدي علي اد المدة بالظبط وماينفعش تقدم علي مدة طويلة لانه هيبقي مش منطقي انك طالع سياحة وهقعد فترة طويلة ليه؟ وربنا يوفقك

بعتلك بيانات المحامي، السفارة بتدي علي اد المدة بالظبط وماينفعش تقدم علي مدة طويلة لانه هيبقي مش منطقي انك طالع سياحة وهتقعد فترة طويلة ليه؟ وربنا يوفقك

دلوقتي انا مقدمه في وركشوب مدته 3اسابيع تبع الجامعه في روما ايطاليا وهم بعتولي ورق اثبات اني مقبوله عندهم فالمفروض اقدم ع اي نوع فيزا في السفاره معتقدش انها student عشان ده دوره زي الكورس كده لمده 3 اسابيع بس مع العلم اني مش شغاله بس مكتوب مهنه في الجواز السفر فمفيش ورق لاثبات العمل عشان كانو عقدو الموضوع المره اللفاتت بس المره دي عندي دعوه من الجامعه هناك فهل ده تسهل الفيزا وايه هي نوعها وشكرا

اهلا بيكي، نوع الفيزا سياحة عادي لمده 3 اسابيع وطبعا طبعا تاخدي كل المستندات وتطبعي كل الايميلات اللي بتثبت حضورك للوركشوب، وطبعا موقفك افضل

للاسف ماعنديش معلومات عنها خالص، انصحك تبتدي بموقع السفارة وتقرا كل التفاصيل او تعرف السفارة فين وتروح تسال هناك علي طول

شكراً جزيلاً يا باشا
ممكن أن شاء الله أقدم على 3 أسابيع ماشى الحال خصوصا أنى هكون طالع زيارة مش سياحة ومعايا دعوه رسمية من هناك
لكن السؤال بقى يا باشا
طبعا التأشيرة أو الفيزا شنجن يعنى ينفع اسافر على ألمانيا فى الأول ثم بعد كده مثلا اتحرك براحتى داخل دول الشنجن خلال فتره الفيزا صح كده
تانى سؤال بالنسبة لفيزا دراسه اللغه الألمانية في ألمانيا بمعنى احجز على دراسة كورس ألمانى هناك وبكده ممكن الفيزا تكون أطول من السياحه أو الزيارة
يا ترى وجهه نظرك أيه فى الموضوع ده نصائحك وتوجيهاتك انا أقصد دراسة كورس لغه فقط وليس الدراسة في الجامعة
وعلى فكره كلمت المحامى وإن شاء الله هنرتب مع بعض
تسلم يا باشا

لا شكر علي واجب، لازم فعلا تدخل من البلد اللي اخدت الفيزا منها، وبعد كده جوه براحتك بقي لف البلاد اللي انت عاوزها، موضوع الدراسة انا بصراحة مش عندي معلومات عنه فا مش هعرف افيدك، وربنا يوفقك

انا مكتوب المهنه ف جواز السفر مترجمة لانى خريجة كلية ألسون واشتغلت فعلا مترجمه لمدة سنتين وكم شغلانه بس غير معترف بيهم يعنى مش شركة او كده بس فتحت حساب ف البنك موخرا ومعاياا 3500 دولار نفسسسسى اسسسسساااافر امريكا مع العلم انى معايا جواز سفر وتاشيره لانى كنت مقيمة قبل كده ف السعودية بسبب شغل والدى لحد مطلع عالمعاش ونزلنا مصر هل اسافر ا بلد من دول شرق اسيا زى تايلاند ومن هناك اسافر لماليزيا بما انهم قريبين من بعض واظن التكلفة بسيطه وبعديها ااقدم فيزا لامريكا ولا اعمل ايه ؟

اهلا بيكي، المهنة تمام وموضوع الاقامة بتاعت السعودية كويسة طبعا بس مع امريكا انا بنصح انك تسافري الاول اي حتة وطبعا الاحلي شرق اسيا بلاد في منتها الجمال، وبعد كده تقدمي علي امريكا، وبما انك مترجمة لما تيجي تقدمي علي امريكا دوري علي كورس هناك او ايفنت في مجالك وقولي انك رايحة تحضري الكورس وفي نفس الوقت تتفسحي، وربنا يوفقك

اضافه انا بنت خالتى امريكية معها الجنسية وعايشه ومولوده هناك وانا وهى اصحاب جدا يعنى ممكن تعمل دعوه لو ينفع لو عملتلى invite اتقبل ف السفاره وبدل مثلا مااجيب ورق حجز الاوتيل ااقولهم هعيش معاهاااا وممكن اديهم رقمها بتاع امريكا ويستفسرو منهاا وانا مترجمه وكليه السون قسم انجليزى وواخده كورسات من the Amideast ده تبع السفاره الامريكية ولغتى فى ال american eng تمااام peeerfeeect ! وعندى حساب ف البنك بس معنديش لا عقد جهه عمل ولا اي حاجه

لا بلاش تجيبي سيرت قريبتك لان ده ممكن يديهم ايحاء انك مش هترجعي تاني، انا راي انك تتصرفي في خطاب عمل من اي حد من صحابك وتقدميه مع موضوع الكورس وتاخدي معاكي شهادات الكورسات اللي اخدتيها هنا، الفكرة اللي عاوزين نوصلها انك بتعشقي اللغة وبتشتغلي في المجال ده وبتتعلمي وتضيفي لنفسك فا هتروحي تكملي هناك بكورس قصير، وهترجعي تاني عشان شغلك (لازم تاكدي موضوع انك راجعة ده) وبس كده

انا قدمت فى مجمع التحرير عشان التصريح الامنى وهما خدوا الورق وقالوا تعالى يوم الاربعاء ومكتوب التاريخ فى الباسبور .. المفروض انا اروح استلم التصريح ؟ ولا ممكن يتفرض وممكن يطلبوا حاجة تانية ؟ ولو اترفض التصريح ممكن اقدم تانى ؟

اه اكيد انت هتروح تستلم التصريح وماعتقدش في حالات رفض، ولو حصل تقدر تقدم تاني بس مش بنفس الحالة يعني اكيد هيكون في سبب للرفص ده فا لازم تعالجه

طب لو هقدم في التشيك او البرتغال
بتبقي درجه الرخامه عاليه.
ولو انا طالب و بشتغل ااقدم انهي خطاب ولا اثبات قيد.؟؟؟؟
و
وهيسئلو انا جبت الفلوس ال في البنك ديه منين؟؟؟؟
شكرا

بص لو اول مره تسافر ناتجربش مع اي حاجة شنجن خصوصا وانت باسبورك مكتوب فيه طالب، ولو قدمت هتقدم خطاب العمل وكشف الحساب، وماحدش هيسالك انت جبت الفلوس منين، ربنا يوفقك

انا عايز اسافر المانيا ومكتوب في الباسبور الوظيفه حداد وعمي هيبعتلي دعوه هو طلب مني صوره الباسبور هل الوظيفه هتعرقلني ولا اغيرها :/

انا ختمت البطاقة اخيرا من جهة العمل بس الوظيفة هتكون كول سنتر متلقى طلبات بس هتتكتب متلقي طلبات من غير كول سنتر فدا ممكن يكون مشكلة عشان اخد فيزا سياحة لتركيا او للتصريح الامني لان الوظيفة فى الباسبور حاصل علي ليسانس اداب دلوقتي و السن ٣١ . عارف انى عاملك ازعاج بس الواحد عايز يشوف الدنيا. عايزين نبل الشربات و نفرح و ننبسط

موضوع الفيزا المدد الطويلة مش سهل، بس عموما لو معاك مش هتعرف تستخدمها غير لقبرص لانها خاصة بقبرص بس، الا لو معاك اقامة في قبرص وبالتالي تعامل معاملة الاتحاد الاوروبي وساعتها تقدر تدخل دول الاتحاد الاوروبي بدون فيزا

شكرا على رد حضرتك…هيا التاشيره مدتها سنه لقبرص..بيسموها اقامه قصيره متعددة….ممكن اوريك صوره للتاشيره لصديق جبها عل الخاص…

بشكرك جدا على كم الاستفاده من هذه المواضيع ولي سؤال ضروري حضرتك تجاوبني عليه انا اخدت تاشيره تايلاند وتنتهي في 17 ابريل 2016 هلو لو سفارت قبل انتهائها بيوم او يومين و فضلتمثلا في البلد اسبوع فيها مشكله او غرامه ارجو من حضرتك تفيدني ضروري واسف على الاطاله

اهلا بيك، لا شكر علي واجب، طبعا فيها مشكلة وغرامة، بس في حل لطيف جدا، وانت في المطار اول ما توصل هتروح علي قسم الجوازات وتقدم علي تمديد فترة الفيزا لمدة شهر وتدفع الرسوم في الغالب بتبقي في حدود ما يوازي 300 جنيه وتاخد ختم تاني علي الباسبور، ولو ظابط الجوازات وانت داخل سالك هتعد ازاي وانت الفيزا هتنتهي كمان كام يوم قوله هقدم طلب تمديد للفيزا، القانون بيسمح بكده، وربنا يوفقك.

انا نجار وعايز اسافر ليبيا ينفع اسفر السودان ومن اسودان علي لبيا

ليه تعمل في نفسك كده، الفلوس اللي هتصرفها علي السفر اعمل بيها مشروع في النجارة، وطلاما كتبتلي الكومنت ده يبقي ليك في النت ممكن تسوق شغلك وتبيعه علي النت ولا الحوجة لحد يزلك في ليبيا، عموما سفر ليبيا من مصر ممنوع، وفكره انك تسافر السودان الاول ممكن بس انا ماعرفش السودان وليبيا علاقتهم ايه مايمكن زي مصر مانعين السفر لهناك، ربنا يعملك الصالح

لو سمحت اعمل التصريح الامنى فين فى اسكندرية ولا هوا لازم فى المجمع فى القاهره؟

سلام عليكم كنت عايزه اسأل انا سافرت الصين ٣مرات والباسبور حاصله علي ليسانس معايا عقد عمل اني بشتغل في الصين وعايزه اسافر الاْردن هل محتاجه تصريح أمني برضوا ؟

لا للاسف ماليش حد في سنغافورة، بس انت مش محتاك حد عشان تعرف معلومات عن البلد ربنا يخلي النت، دور بنفسك واستمتع

انا عندي مؤتمر في تايلاند خلال عشرة ايام وحسابي البنكي من شهرين بس و مش عارف اطلع الفيزا حد عنده حل لاني في مازق فعلا لاني دفعت بالفعل تكاليف المؤتمر

الاخ سمير. نصيحه لوجه الله. سنغافوره صعبه لدرجه لا تتخيلها.. هقول لك علي اللي حصل معايه ومع كل اللي بيروحوا مفكرين انها دوله غنيه… اولا الدوله غاليه جدا اقل فندق فيها 70 دولار في اليوم. اقل وجبه 8 دولار غير المواصلات والانتقالات… تيجي للشغل محدش هيرضي يشغلك لان الدوله تتجه دلوقتي انها تخفض البطاله لمواطنيها وانسي انك تشتغل عند حد غير قانوني. لان الكاميرات في كل مكان وغرامة علي صاحب المحل خمسين الف دولار وانت حبس..ده في وضع البلد باختصار… مش هتصدقني. يبقي روح جرب وتعالي هنا..تاني قول انا صادق واللا كذاب وربنا يوفقك

لو سمحت انا مصري مسافر قبل كدا قبل موضوع التصريح الامني لبنان و تركيا و دبي و بفكر اروح لبنان فيزة سياحة اكيد تاني باسبوري مكتوب فيه بكرليوس صيدلة لاني طلعتوا بعد الجامعة و صالح ل ٢٠١٨
هل احتاج تصريح امني ؟
اغير الباسبور تاني؟ و اخليه صيدلي احسن ؟
هل لو رحت دولة جورجيا مثلا و طلعت منها علي لبنان احتاج تصريح ؟
و هل لو غيرت لبنان بتايلاند محتاج تصريح ؟
عندك معلومات عن السفر لروسيا
شكرا جدا هتعبك معايا معلش
مايكل

لو روحت لبنان تاني هتحتاج تصريح لان الباسبور مش مكتوب وظيفة، لو روحت جورجيا وطلعت لبنان مش محتاج تصريح، ولو غيرت لتايلاند مش محتاج تصريح، بس انصحك تغير الباسبور بالمرة افضل، وربنا يوفقك

كنت عايز اسأل بس لو هسافر بحاجة ذهب زى خاتمين مثلا و ساعات اعمل ايه عشان متحصلش مشكلة و انا مسافر.فى ناس بتقول الحاجة دى بتتثبت فى الباسبور بس مش عارف ايه اللي يتعمل

لو هتبقي لابسهم محدش هيقولك حاجة دي استخدام شخصي عادي في نطاق المسموح بيه، ولو حد طلب تثبته علي الباسبور ماشي مافيش مشكلة بس لازم ترجع بيهم

متشكر جدا يا استاذ محمد وربنا يجعله فى ميزان حسناتك طيب ايه رايك لوذهبت بالامارات ودورت على شغل احسن

شكرا علي الرد بس ازاى هثبتهم علي الباسبور ؟ و بالنسبة للساعات لازم اثبتهم برضه علي الباسبور ؟ و لا الدهب بس؟

الاخ سمير.. الامارات طبعا افضل بكتير وممكن تروح زياره وتدور علي شغل هناك وكل اللي اعرفه وعمل كده ربنا كرمه وحصل علي فرصه. او لو تعرف تروح كوريا برضه اسمع انها كويسه جدا بس فيه صعوبه لدخول المصريين هذه الايام لانهم بيقعدوا في البلد غير قانوني. انما سنغافوره هتصرف فلوسك وترجع تجر اذيال الخيبه زي ما حصل مع الناس. ولو رحت هتلاقي فيه بلد جنبها كده اسمها جوهور تبع ماليزيا كلها مصريين برضه كان عندهم نفس الحلم ولما لقوا الوضع مختلف رفضوا انهم يروحوا بلدهم ايد ورا وايد قدام ونزلوا علي ماليزيا وبيشتغلوا يدوب بمصاريفهم لان ماليزيا الاجور هناك مثل مصر بالظبط وبرضه في الاخر بيرجعوا مصر لان الشغل في مصر افضل من جوهور

متشكرين يا استاذ محمود حضرتك انسان محترم وربنا يوفقك قليل زى حضرتك تلاقيهم الزمن ده متشكرين جدا

طيب عاوز اسال الاستاذ مايكل او الاستاذ محمود اليابان بلد كويسه بالنسبه العمل للمصريين والا افيدونى جزاكم الله خير على فكره يا استاذ محمود انا اخذت تاشيره سنغافوره ومش مسافر عشان انت نورتنى بكلامك

بصراحة انا ماعنديش معلومة عن موضوع الشغل في اليابان، لاكن انصحك بالامارات علي الاقل قريبة ف تكلفة الطيران مش هتبقي كبيرة وانصحك تسافر من برج العرب بتبقي ارخص بكتير من القاهرة

عارف انى ازعجتك بس الف شكر على المساعدة بس بجد انت امل ناس كتير انك ترد على استفسارتهم . واحد زي حضرتك دا اللى المفروض يكون فى حاجة زى وزارة السياحة كفاية قدرتك على التواصل و عدم مللك من الاسئلة و بجد مش كلام .تخيل كدا المرمطة اللى كانت هتجصل للواحد لو فكر يعرف الاجابات دى من الموظفين

ربنا يخليك، انت عندك حق في موضوع ان المعلومات مفروض تبقي متاحة للناس من الهيئات المختصة، ان شاء الله هنبقي افضل، والف شكر علي كلامك

هو سؤال بس عن hr letter فى الشركة اللى شغال فيها الاتش ار بعافية شوية فبيسالوني ايه اللى المفروض يكون مكتوب فيه و يكون موجه لمين و دا بحتاجه فى سفارة تركيا بس و لا كمان عند ضابط الاتصال و شكله كدا هيكون بالعربي
مستني رد حضرتك

اهلا بيك، ماينفعش يكون بالعربي، دور علي صيغة لجواب عمل موجه للسفارة هتلاقي كتير قوي علي النت ونزله وعدل بياناتك وخليهم هما يمضوا ويختموه، عموما لازم يكون فيه اسمك زي الباسبور بالكامل ويكون مكتوب تاريخ التعيين و الوظيفة والمرتب ويتكتب انهم ماعندهومش مانع من انك تسافر وربنا يوفقك

عايز اسافر المانيا سياحه ١٠ ايام ايه الاوارق المطلوبه وهل سهلة ولا صعبة

صعبة، والاوراق هتلاقي الاساسيات هنا في المقالات وتراجع الباقي من موقع السفارة، كل سفارة بيبقي ليها طلبات، وربنا يوفقك

جواز امي مختوم عليه صالح للسعوديه والاردن ِ ده معناه مينفعش تسافر بيه مكان تاني علما باني مقيمه في السعوديه وهي معايا وسفرنا بعد اسبوع

انا روحت السنه اللى فاتت القنصليه التركيه عشان اطلع فيزا سياحه وانا طالب جامعى وكان معايه شهاده القيد بتاعه كليتى بس كان مكتوب فيها الى من يهمه الامر ومعرفتش اخ الفيزا للاسف بس كنت رايح لوحدى
دلوقتى عاوز اروح تانى بس مع واحد صاحبى عاوزين نطلع اسبوع سياحه ممكن حضرتك تقولنا ع ضمانات تضمن حصولنا ع الفيزا ؟؟ شكرا

انصحك تخلي شركة سياحة تجبلكم الفيزا، هما بيبقوا متمرنين علي ده كل يوم وبيزودا حوالي 100 جنيه فوق تمنها وتريح بالك

مساء الخير مايكل انا سافرت تركيا مرتين اول مره جبت التاشيره من السفاره و السنه الماضيه جبت التاشيره الالكترونيه و السنه دى كان فيه تغيير لان مطلوب سنى يكون فوق ٤٥ و انا عمرى ٤٣ علما انى مسافره مع زوجى و هو مصرى بريطانى هل هناك مشكله ان اقدم كشف الحساب الخاص بزوجى و العام الماضى ذهبت للمجمع للحصول على تصريح و الضابط قاللى انه لا احتاجه فهل هذا العام سيكون كذلك و هل الحصول على التاشيره سيكون سهل

اهلا بيكي، طبعا ينفع كشف حساب زوجك، بالنسبة للفيزا سهلة مافيش مشكلة، موضوع التصريح انصحك تسالي تاني في المجمع اللي اعرفه انهم مشددين علي تركيا بس قوليلهم انك مسافرة مع زوجك وربنا يوفقكم

لو سمحت يا مايكل كنت عاوزة اسالك عن لبنان. انا دلوقت هاخد الفيس باذن الله من المطار بس انا حجزت الفندق من موقع بوكينج دوت كوم. هل لازم يبقي تمن الفندق مدفوع؟ يعني هيطلبوا مثلا ايصال اللي دفعت بيه هنا في المطار!؟ انا لسه قريت فوق في التعليقات ان في واحد رجع من المطار بسبب الموضوع ده؟ وكمان عشان مش معاه ال2000 دولار، انا ال 2000 دولار هظبطها باذن الله بس انا دلوقت خايفة من الفندق لاني حجزت عن طريق بوكينج دوت كوم مش شركة سياحة. ممكن لو تفدني في القصة دي؟

بيتم ارسال ايميل للفندق عشان يبعتلك فوتشر تقدميه مع حجز الطيران وال 2000 دولار عشان الفيزا، ولو معرفتيش تجيبي من الفندق تقدري تكلمي اي شركة سياحة يعملولك فوتشر وهمي تقدمي بيه، وربنا يوفقك

مشكور يا أستاذنا على مجهودك انا بالسعودية وعايز اسافر الصين ومنها على تركيا فيها أي معوقات

أولا بشكرك علي المجهود الرائع ، فعلا بتساعد كل الناس ، كنت عاوز أسألك بخصوص التصريح الأمني الخاص بتايلاند انا باسبوري مكتوب فيه حاصل علي بكالوريوس نظم المعلومات الإدارية هل هحتاج تصريح ولا لأ ؟ شكرًا وآسف علي الأزعاج.

اهلا بيك ولا شكر علي واجب، دلوقت تايلاند مش بتحتاج تصريح للمؤهلات العليا واللي مكتوبلهم وظيفة علي الباسبور، الكلام ده مؤكد من شهر تقريبا، انا انصحك اتعب وروح المجمع برضه اتاكد قبل السفر انت عارف مصر ممكن يعدلوا قرار ولا حاجة وماحدش يعرف، وربنا معاك

يعنى لو مكتوب فى جواز السفر المهنه ممرضه ؟؟؟ لازم تصريح امنى ولا عادى ؟؟ وانا مش بشتغل حاليا اعمل ايه فى hr letter

لا ممكن مايطلبوش تصريح لو في بلاد سهلة لاكن لو تركيا او قطر لازم تصريح وموضوع HR ممكن تشوفي حد يعملهولك او تعملي ورق شركة وتغيري الباسبور والبطاقة

اخر سؤال علي جواب الاتش ار ممكن اضربه و لو ينفع ممكن حضرتك تفيدني عشان الانش ار بتاع الشركة كسل الدنيا فيه و يمكن ميرضوش يملوا الاستمارة بالانجليزي و لازم يكون فى ختم و لا بس اني شغال من تاريح كذا لتاريخ كذا و صافي المرتب

علي حسب السفارة، في سفارات سهلة ومش بتدقق فا ممكن تفبرك اتش ار وتعدي لاكن في سفارات ممكن توصل انهم يكلموا الشغل ويستفسروا عن المعلومات المكتوبة، موضوع الختم المفروض انه شئ اساسي

انا سمعت ان ينفع اعمل التصريح الامنى من الامن الوطنى بالاسكندريه؟

ماعنديش معلومة بصراحة، انصحك دايما تروحي المصلحة وتسألي هناك اي معلومة من اي مصلحة حكومية فيها احتمال كبير للخطاء

استاذ مايكل ازى حضرتك….استفسار تانى لو سمحت انا كت سالت حضرتك بخصوص التصريح الامنى ليا ولزوجتى ان شاء الله لتايلاند هل ف جديد فى حين ان خطيبتى الباسبور مكتوب فيه طالبه

لا مافيش جديد ولا حاجة انت بس ممكن يطلبوا شهادة قيد من الجامعة بس المعلومة دي مش اكيدة انصح تتاكد من السفارة

شهاده القيد دى للسفارة تمام كده وتكون انجلش…..انما التصريح الامنى مفيش تصريح على اخر كلام؟

بص يا باشا بقا انا عندى مشكله ومش عارف اعمل ايه انا موظف فى بنك التنميه الزراعى وحبيت اسافر اشتغل بره فى الامارات ليا ابن عمى شغال هناك كلمته فبعتلى فيزا رحت اقدمها مع طلب الاجازه فطلبو منى الاصل ويكون موثق من القنصليه بالاماره وايضا موثق من وزاره العدل الاماراتيه ومن الخارجيه بمصر فكلمت ابن عمى فاخد الفيزا وراح يوثقها من الامارات قالو له دى مبتتوثقشى دى بتاخد ختم وزاره الداخليه الاماراتيه فقط زى ماهو عليها كده وخلاص فانا دلوقتى معتش عارف اعمل ايه فابن عمى طلب منى انى اخد اجازه اعتياديه لمده اسبوعين واسفر له الامارات لكى اقوم بعمل الاقامه واستخراج عقد العمل وتوثيقه وبعد كده انزل مصر واقدم العقد للشغل عندى واخد الاجازه واسافر تانى الامارات
السؤال هل ينفع اسافر الامارات اعمل كده واجى ولا مينفعش
اسف للاطال وشكرا لحضرتك وياريت سرعه الرد

وحاجة تاني لو الفكرة انهم يشوفوا اي فيزا الاصل طب ما تجيب اي فيزا لتايلاند مثلا ب 300 جنيه وبعد كده سافر اي حتة هما مش هيفرق معاهم

استاذ مايكل لوسمحت
انا عايز اسافر الامارات ومنها لتركيا سياحة
جواز السفر مكتوب في حاصل على دبلوم صناعي ايه الورق المطلوب مني وهل مطلوب ورق بحساب بنكي وهل هتسال بالمطار نازل عند مين وهتعمل ايه بالامارات او تركيا

هتجيب فيزا سياحة للامارات من اي شركة سياحة وتسافر عادي جدا ماحدش هيسالك هنا رايح فين لاكن هيسالوك وانت داخل الامارات ساعتها لازم ترد بكلام منطقي لو جاي سياحة يبقي اكيد هتنزل في اوتيل او عند حد يبقي في مستندات تثبت كلامك، وبعديها بقي لو هتسافر تركيا لازم يكون معاك الفيزا بس لو جبت فيزت تركيا من هنا قبل ما تسافر لازم تعمل تصريح امني ف فالغالب الاتنين مش هاينفعوا مع بعض، اعملهم سفريتين او حاول تحط وظيفة علي الباسبور واكيد اي بلد ليها فيزا هيطلبوا كشف الحساب بتاع البنك

السلام عليكم…
لو سمحت انا عايزة اطلع مؤتمر في بوينس ايريس، الارجنتين و مش عارفة هل الافضل احجز اون لاين ولا عن طريق شركة سياحة؟ هل في شركة معينة حضرتك تنصح بيها؟ و ايه نظام تأشيرة الارجنتين و بتاخد اد ايه؟ و اخيرا…لو الرحلة بتعمل ترانزيت في اسطنبول هل كده انا محتاجه تأشيرة تركيا؟
Thanks alot for ur efforts

اهلا بيكي، بصراحة ماعنديش اي معلومات عن الارجنتين بس دايما بنصح انك تعملي كل حجوزاتك بنفسك وهتلاقي الطريقة مكتوبة هنا في المدونة، ولو الرحلة بتعمل ترانزيت مش محتاجة فيزا الا لو حابة انك تخرجي من المطار وتدخلي بلد الترانزيت هنا محتاجة فيزا وربنا يوفقك

عايز اسافر ممكن اخاد من وقتك دقيقتين وتعرفنى اسافر ازاى با اسهل الطرق للخارج بجدا ممكن تساعدنى ودلنى يا استاذ انت بجد بتكلم صح وانا كرهت العيشة فى مصر باس عايز حاد يسهلى طريقة سافرى ويكون جامبى لحاد مااوصال اول الطريق وهاكون شاكرلية واشتغلفى الخارج اى شغلة بس مهم الاقامة والساكن والحريةبرة

محمد باشا، كلامي هيبقي ناشف فا استحملني، انت متخيل ان ممكن حد ياخدك من ايدك يعملك كل حاجة ويسفرك؟ تبقي بتحلم وكمان مش عاوز تتعب نفسك يبقي مش هتنول اللي عاوزه، انصح نصيحة من اخ حاول حتي تقرا الكلام اللي موجود ده بجد بيرد علي سؤالك اسافر ازاي، والشغل برة مش املة وربنا معاك

السلام عليكم ورحمه الله
انا حجزت طيران الي ماليزيا وترنزيت عمان وانا في باسبوري مكتوب مدير وشريك شرمه جينرال سيرفيس استيراد وتصدير
ومعي ذالك بعد البردنج ظابط الاتصال في المطار قلي موش هينفع تسافر وانا كان معي تصريخ الجيش وي 8000 دولار واخي هناك بيدرس ومعه زوجته بيعمل دكتوراه وريته فيزت اخي ولاكن كل تعليقه لازم تصريح من محمع التحرير وانا كنت رحت قبل السفر الي مجمع التحرير وقال طلما مكتبلك مهنه ملكش تصريح وكان معي السجل التجاري احد اصدقاء الظابط دخل وحب يتفزلك قلي السجل ده لازم يبقي راس المال 50 الف وهوه 12 المهم رجعت وتاني يوم رحت المجمع ودخلت رايس ظابط الاتصال هوه عميد وقلي نفس الكلام وقلي دحكو عليك روح وجرب تاني وهدفع 800ج عشان اغير الغرامه لشركه الطيران ايه راي حضرتك اني عايز اغير الوجهه واروح تايلاند ومن هناك اروح ماليزيا وانا مترجم السجل ومختوم ولا اروح الامارات ولا اعمل ايه انا خايف اجرب تاني تايلان يعملو كده وانا اول مره اسافر بره مصر

اولا هما فعلا مالهومش حق لانه كلام الناس بتوع المجمع واضح وانت مكتوبلك مدير، وانصحك تجرب تاني ولو حد كلمك اعملهم فضيحة وعلي صوتك واطلب انك تقابل مدير امن المطار، موضوع انك تروح تايلاند فكرة كويسة بس هتعطل كام يوم هما بيدوك الفيزا في 3 ايام وتقدر تروح من تايلاند لماليزيا بمبلغ بسيط، بتاسفلك بالنيابة عن البلد الوسخة

معلش سؤال ثاني انا معي اصال تحويل الفلوس من مصري الي دولار 10000 دولار وحسابي لم يكن فيه رصيد ذات قيمه بس حساب والدي فيه وهوه شريكي في الشركه والسجل التجاري فهل يسمح لي بكشف حسابه ولا ايه الحل

لو سمحت انا كنت حاجز طيران لماليزيا وكان ترانزيت عمان ورحت لظابط الاتصال في المجمع واخدت معي السجل التجاري وتصريح الجيش وطلبت منه تصريح سفر قالي انت مكتوب لك مدير شركه استيراد وتصدير ملكش تصريح اطلع علي المطار ده كان رتبته مقدم وبعدين رحت في معاد رحلتي يوم 19 امبارح بعد البردنج الظابط قلي ادخل للظابط دخلت قال انت رايح ليه ؟ قلتله سياحه وزياره لاخي هناك بيعمل دكتوراه ووريتو الفيوا بتعتو طلب التصرح الجيش ادتهولو طلب السجل ادتهولو قلي معاك كام قلتلو معي 8000دولار قلي لا موش هينفع تسافر ليه سعدتك قلي البسبور فاضي قلتلو لو سفرت هيتملي قلي لا لازم تصريح من المجمع قلتلو رحت وقالي لا انت مكتبلك مهنه قلي ضحك عليك ولغالي الرحله ورحت انهرده الي المجمع ودخلت لمدير ظابط الاتصال عميد قلي نفس الكلام ملكش عشان انت مدير وصاحب شركه ضحكو عليك طيب سعدتك ايه الحل قلي روح وجرب تاني وموظفه الاتصال حبه تساعدني قالتلي روح من اي بلد تنيا من الامارات او السعوديه
انا هغير الوجهه الي تايلاند ومعي السجل مترجم ومختوم ولاكن حسابي المعاملات موش كتير بي 2000 مثلا علي مدار سنه ونص حساب والدي في مبالغ اقدر اقدمه وانا معي اصال تحويل نقديه الي دولار من اسبوعين 10000 دولار ؟؟ وهل هيرجعوني تاني عشان انا هدفع غرامه في شركه الطيران ؟؟؟

أستاذ مايكل أنا حماده كنت كلمتك قبل كده علي تغير المهنه أنا جيت من السعوديه من يومين كنت بعمل عمره 10ايام وجيت وطبعا الباسبور اللي سافرت بيه حاصل علي دبلوم فبستشيرك بعد أما اغير المهنه في الجواز الجديد ينفع ادخل علي تأشيرة الاحتراف الشنجن ولا لازم تاشيره لتايلاند ولا تركيا وشكرا ليك يا غالي

بالنسبة للتصريح الامني للسفر الي لبنان يطلع عادي من غير فيزا عشان انا ناوي اخد الفيزا من مطار رفيق الحريري وياريت تقولي ايه الاوراق المطلوب لخروج التصريح الامني بالظبط

موضوع التصريح الامني مكتوب التفصيل في التعليقات السابقة، وبالنسبة انه من غير فيزا ايوة ينفع وربنا يوفقك

استاذ مايكل
بأسبور ابيض ومرشح سياحى ورصيد كويس ف البنك
فرصتك كويسة بالنسبة لقبرص ولا صعب طالما الباسبور ابيض ؟

ازيك يا مايكل.. انا لو تفتكر كنت كلمتك من كام يوم هنا علي سفرية لبنان.. انا اتصلت بالفندق ودفعت الحجز وبعت لي فوتشر الحجز خلاص.. بالنسبة للتصريح الامني اما كنت روحت المجمع الشهر اللي فات والرابع هناك قالي طالما في مهنة في الباسبور انتي مش محتاجة وكلما كمان ظابط في المطار وقالي انتي مش محتاجة.. تمام كده ولا ايه؟
كده هل هيكون في اي اوراق تانية مطلوبة احدها معايا المطار غير الفوتشر والالفين دولار؟

لا كده كله تمام جدا، بس ماتنسيش انهم هيسالوكي علي حجز طيران راجع لمصر ف اتاكدي انك طبعتي التذكرة وربنا معاكي

الخطاب الوجه لضابط الاتصال فى التحرير بيكون زى الاتش ار ليتر و لا ممكن بيكون زى مفردات المرتب مثلا؟ بيكون بالانجليزى عادى و لا لازم بالعربي.

حضرتك انا عاوز استفسر على حاجة بس
انا مندوب فى شركة كبيرة لاستيراد العربيات وقطع الغيار فى حالة ان الشركة ادتنى جواب انى رايح ايطاليا فى شغل تبع الشركة اية نوع الاجرائات اللى بتم
او الورق اللى بيطلبوه
وشكرا لحضرتك

بتجهز الورق اللي مكتوب في المقالات هنا في المدونة وبتضيف عليه تامين سفر و خطاب جهة العمل وبتروح تاخد معاد من السفارة وتقدم، وربنا يوفقك

المختصر، انت محتاج جواز سفر ومحتاج فيزا سياحة او زيارة لايطاليا، عشان تطلع الفيزا مطلوب اوراق زي خطاب جهة العمل وحساب البنك وشهادة تحركات تامين سفر وحجوزات طيران واوتيل والخطاب بتاع الشركة، التفاصيل هتلاقيها هنا في الموقع والباقي من موقع السفارة، انا كاتب كل التفاصيل هنا عشان الناس تتعلم تعمل كل حاجة بنفسها وربنا يوفقك

بليز ميشيل عايزه اعرف اجراءات السفر للاردن بالتفصيل كامل

مافيش اجرائات، الاردن من غير فيزا ممكن تحجزي طيران واوتيل وتسافري علي طول بس اتأكدي من موضوع التصريح الامني من مجمع التحرير

استاذ ميكل حبيبي اشكرك جدا جدا واسال الله ان يكون في عونك كما كنت في عوننا الحمد لله قدمت علي تايلاند بس للاسف السفاره وخده اسبوع اجازه والاستلام 4.5.2016
دعواتك كده والله ضاعت مني مصالح وفلوس الله يخرب بتهم زي ما ضيعوني حسبي الله
انا هستلم الفيزه وهطلع علي المطار الطياره 9.30 ادعيلي وهبعتلكم الي حصل باذن الله

كنت عايز اضيف حاجه الي بيقدم لفيزا الي تايلاند لازم لازم كشف حساب لاخر 3 شهور علي الاقل ولو معاك اكثر من جواز هتهم او ورقه تحركات من المجمع وصوره حديثه خالص ومالي ادق التفاصيل الي في الابلكيشن عشان موش بيكتبلك حاجه لو ناقص تاريخ الوصول مثلا وقدامه التزكره مش هيكتبها وهيرجعلك الورق والرجوعه او لو حاجه ناقصه ضاع اليوم لانهم بيفتحو 9:30 وبيقفلو 11:30 خلي بالك بالثانيه ومحدش يكتب انه هيروح ماليزيا من تايلاند لاني ناس كتبوها وقلهم روحو جبولي موافقه ورجعهم بيعلقو علي حجات غريبه ويكون حجز السفر والفندق لازم يكون تارخهم بعد يوم الاستلام يعني لو هتقدم انهرده ولو نفترض يوم واحد اعمل السفر يوم 10 ولو هتوصل 11 اعملو للفندق ولازم يكون في بانكوك عشان واحد قدامي جايب حجز علي فندق في جزيره قلو لا هات حجز علي فندق في بانكوك ولو انت متزوج لازم تجيب قسيمه الزواج لمراتك حتي لو اسمك مكتوب في جواز السفر والبطاقه لا يعتدو ترجمه ورفقه معي الورق عشان هيرجعك معندهمش تفاهم وربنا يوفقكم يا رب

تمام بس موضوع حجز الجزيرة ده ينفع لو انت هتنزل بانجكوك ترانزيت وتطلع مثلا علي بوكيت لاكن تلاقي الراجل ده مثلا نازل بانجكوك وجايب حجز بعديها بكام يوم لبوكيت فا لازم يطلب منه حجز اوتيل في بانكوك، حاجة تاني موضوع قسيمة الزواج في حالة واحدة لو اسم الزوج مش مكتوب في باسبور الزوجة بالانجليزي وربنا يوفق الجميع

بالنسبة لفيزا الامارات (دبي) بتاخد وقت اد ايه ؟ وومكن انا اعملها من مصر و لا لازم عن طريق الاوتيل او دعوة من صديق

بتاخد في حدود اسبوع والفيزا بتبقي عبارة عن ورقة كده عادية بتتعمل من خلال شركة سياحة او اوتيل هناك وممكن تتعمل من خلال شركات سياحة هنا وبتتكلف في حدود 950 جنية، طبعا لو في صديق مقيم هناك ممكن يعملهالك من هناك وبتتكلف نفس السعر تقريبا وربنا يوفقك

كل سنة و انت طيب يا كبير و يا رب متكونش خربت الدنيا فى شم النسيم

السلام عليكم .. اسف للازعاج يا فندم.. بس انا كنت بسأل عن حاجه كدا …دلوقتي انا مسافر سنغافوره واتعملي دعوه وورقها معايا والاي دي وجواز سفر صاحبي اللي عاملي وهقدم الورق في شركه تبع السفاره فدلوقتي بقولهم هتحتاجوا كشف حساب في البنك قالي لا نهائي .. مع ان صاحبي قالي اتأكد عشان متعملش مشاكل لنفسك في سنغافوره ودلوقتي السفاره مش بتتعامل مع الجمهور وبتبعتنا لشركات ..مع العلم انا هيبقى معايا الف دولار كاش وانا مسافر.

اهلا بيك، كلام شركة السياحة هو الادق، لو محتاجين كشف حساب كانوا طلبوا طلاما انت جايبهم من سفارة سنغافورة، ومافيش مشاكل هناك ولا حاجة انت حر تصرف كاش مش لازم بنك، ده لما تروح يعني

دلوقتي انا هقدم علي فيزا شنغن ان شاء الله ف شهر 6 تقريبا بس المشكله كلها ف الحساب البنكي
اولا الحساب البنكي بتاعي حساب توفير مش جاري المبلغ ال فيه مش قد المقام يعني ? بس الحساب ده في عباره عن فوايد الشهادات البنكيه يعني الفوايد دي بقالها فتره بتتحط عل الحساب بمعني ان الحساب الرسمي مثلا فيه 5 الاف من غير فوايد الشهادات لكن +فوائد الشهادات يعمله مبلغ اكبر بكتيرفهل بقي ممكن اقدم الحساب ده للسفاره بمعني اني هطلب من البنك يعملي كشف حساب ورصيد كامل ف هيكون جواه المبلغ الاصلي 5 الاف+فوايد الشهادات ولا لازم اقدملهم كشف حساب من غير فوايد شهادات ؟
تاني حاجه معلش لو انا حطيت مثلا كل فتره فلوس لحد شهر 6 عشان ال5 الاف مثلا يبقوا 30 الف ده هيبان عندهم بمعني انه هيترفض ولا ده حل ؟ او ايه الحلول المتاحه بقي ؟ اسف جدا علي الاطاله

اهلا بيك، كل شوية روح حط فلوس واسحبها بعديها بيومين عشان تعمل حركة علي الحساب وبعد كده اطلب كشف حساب عادي من البنك هيبان فيه الفوايد ومافيش مشاكل انه يبقي توفير المهم انه عليه حركة وربنا يوفقك

بص في واحد صاحب والدي مسافر ايطاليا من زمان وبعد الشر عننا عمل حادثه المهم انو معاه ورق ايطالي من المستشفي هناك فيه نسبه العجز ومكتوب في الورق انو محتاج مرافق او مساعد السؤال بقي1… ينفع اروح معاه كمرافق
2. المهنه في الباسبور اكتبها حاصل علي بكاليريوس تجاره ولا اعمل برضوا سجل تجاري وبطاقه ضريبيه
3..ايه موقفي قدام السفاره في المقابله هل دا سبب مقنع للسفر ولا ايه
4.. اللي مفروض يروح السفاره ياخد معاد المقابله انا ولا هو علشان هو محتاج مرافق
5.. في المقابله هبقي لوحدي ولا احنا الاتنين سوا للعلم انا رايح علشان اشتغل معاه ان شاء الله يعني هكسر الفيزا زي ما اي حد بيعمل ياريت ترد عليا ??

تكسر في ايطاليا؟؟؟ عموما براحتك، اولا هتقدموا سوا وهتروحوا سوا وافضل تكتب وظيفة عرفت ماشي ماعرفتش يبقي اكتب حاصل علي عشان صاحب شركة وجاي مساقر مرافق؟ طب شركتك عتعمل فيها ايه؟ بالنسبة للسبب مقنع بس هما ممكن مايقتنعوش وممكن يقولك طب عندك شهادة تمريض او علاج طبيعي او بتعرف تدي حقن حتي؟ شوف بقي انت جاهز ولا ايه ظروفك، في السفارة كل واحد بيخش لوحده بس ممكن يستدعوا الطرف التاني. وربنا يوفقك بس ابقي قوللي عملت ايه

اولا انا بشكر حضرتك جداااا علي الرد .. حضرتك بتقولي تكسر في ايطاليا ؟؟؟؟قصد حضرتك ايه بكدا ….بالنسبه لحضرتك بتقولي ممكن ميقتنعوش علشان مليش في التمريض وكدا طاب انا ممكن حضرتك اقولهم ابقي مساعد ليه في حياته اليوميه وحتي اوديه لاي مكان واجيبه من اي مكان اقصد ان مش لازم تمريض ممكن حتي اوديه للمستشفي واجيبه حضرتك فاهمني انا قصدي ايه ؟؟؟؟ هو الورق اللي معاه مش طالع من المستشفي بيقولي طالع من مكان اسمو embs (امبس) انا معرفش ايه هو دا بس بيقولي ورق اشد واكثر اثبات من ورق المستشفي المهم انا طلعت الباسبور الحمد لله حاصل علي .. والخطوه الجايه عاوز اخد معاد في السفاره علشان نروح احنا الاتنين يااااااريت حضرتك ترد عليا علي كل الاستفسارات وانا عاجز عن الشكر بجد ??

اه انا مستغرب انك تكسر وتقعد في بلد غير قانوني وتبقي ماشي زي المجرمين خايف لا حد يوقفك ويحبسك وتترحل علي مصر، اظن تفكر الف مره من انك تعمل كده، برضه هقولك انهم ممكن مايقتنعوش بالموضوع ده، بس عموما في الفيزا الصعبة التجربة افضل حاجة، جرب وربنا يوفقك

حضرتك مفيش حد سافر اوروبا بغرض الشغل الا وسافر سياحه وكسر الفيزا …بس في ناس بتجيب عقود عمل بس قليل جداااااا اكيد حضرتك عارف حاجه زي كده وهناك ربنا بيسهلها من عنده بقي المهم انك توصل ويكون ليك حد هناك يفهمك الدنيا ماشيه ازاي بس كده وفي الاول وفي الاخر كله بتاع ربنا …. معلش حضرتك مردتش برضوا عليا .. عاوز اخد ميعاد في السفاره علشان نروح احنا الاتنين اعمل ايه ؟؟؟؟؟ السؤال الاهم …لاقدر الله لاقدر الله لو خدت رفض ايه الوضع ؟؟؟؟ اعمل باسبور جديد بمهنه صاحب شركه وكده واديه لواحد عندنا بيجيب تأشيرات مقابل فلوس ولا الموضوع هيبقي صعب حتي علي الراجل دا علشان خدت رفض قبل كده ؟؟؟؟؟ معلش يا كبير انا تعبك معايا والله بس بحاول افهم واستفيد من حضرتك ??

يا مصطفي باشا، افضل واسلم حل هو ان حد يعملك عقد عمل من هناك، طريقة التقديم بتاخد معاد مع الشركة اللي تابعة للسفارة، ادخل علي موقع السفارة هتلاقي طريقة التقديم، وربنا يوفقك

بالنسبة لفيزا سياحة لتركيا لمدة اسبوع حساب بنكى ب ٥٠ او ٦٠ الف كفاية و الوظيفة فى الباسبور بيدققوا فيها يعنى ممكن اترفض عشان وظيفة معينة مثلا لو كول سنتر و المرتب ١٢٥٠ و حاجة تانية لو انا عايز اروح ان شاء الله تركيا يوم ٢٠/٧ ينفع اقدم علي الفيزا من دلوقت ولا لازم قبل السفر بفترة بسيطة

المبلغ كفاية، اي وظيفة تمام، حاول تجيب خطاب عمل بمرتب اكبر لو عرفت، الوقت مناسب ممكن تستني تقدم اخر مايو بحيث يبقي فاضل شهرين وربنا يوفقك

مساء الخير.
أنا عايز أسافر تركيا أشتغل. أعمل إيه بالظبط بالتفصيل الله يباركلك. مع العلم مكتوب في الباسبور حاصل علي معهد فني تجاري فكرك هغيرة انا حاليا شغال في فندق سياحي .
بالله عليك فيدني بجد

دور علي حد يعملك عقد عمل هناك ويبعتلك التفاصيل، او دور علي النت علي وظايف متاحة وقدم او سافر سياحة وانزل منطقة المصانع ولف عليهم لو عاوزين ناس تشتغل، وربنا يوفقك

اولا كل سنه وانت طيب مستر @michael Henry
كنت طالب منك لو عندك اكونت فيس بوك او واتس اب
عشان اقدر اكلمك برايفت ، لو مش هيزعجك..
وشكرا جدا ليك ..

هقولك ليه ماكتبتش لحد دلوقت عنها، لان انا سافرتها بس من 2011 والمعلومات اللي عندي قديمة نسبيا يعني مثلا ماكنش في نظام فودافون و في اف اس والكلام ده وبالتالي مش هكتب اي عك او اكتب معلومات الناس كلها عارفينها، بس عاوز اطمنك اني مسافر تاني قريب وهكتب عن التجربة كاملة مع الفيزا الشنجن، وربنا يوفقك

ربنا يوفقك انت كمان بس كنت عايز اسألك سؤال بسيط اكيد من خبرتك فى السفر هاتعرف اجابته عموما انا جاتلى دعوه من اختى فى هولندا ليا انا وزوجتى واولادى الاثنين 7سنوات و3سنوات ايه نسبه قبولنا من وجهه نظرك هل عشان احنا اسره ممكن تبقى مشكله مع انى مهنتى owner of company ومعايا كشف حساب لا بأس به لكن زوجتى دبلوم تجاره وايه كمان احسن مكتب ترجمه معتمد ؟

اهلا بيك، بص مافيش مقياس هنا التجربة افضل شئ، افضل مكتب ترجمة اللي تقول عليه السفارة، كلم السفارة وقولهم انا عاوز المكاتب المعتمدة عندكم، هيدوك التفاصيل وربنا معاك

ازيك يا مايكل..تحياتى ليك على مجهودك و على المدونة الرائعة
كان عندى استفسار عن السفر لاوكرانيا هل الفيزا اللى هاحتاجها عادية ولا شنجن؟المفروض واحد هايبعتلى من هناك زيارة
تانى حاجة انا مكتوب فى الجواز المهنة صيدلى و انا شغال فى شركة مش مثبتة فى الجواز هل لو جيبت جواب من الشركة للسفارة عشان الفيزا هايبقى فيه مشكلة فى الاختلاف بين المهنة هنا و هنا؟
اخر سؤال معلشى هاتقل عليك..عندى حساب بنكى فيه حوالى 5000 جنيه و 500 يورو و 1700 دولار..دة كافى ولا قليل؟
شكرا و تحياتى ليك مرة تانية

اهلا بيك، اوكرانيا مش شنجن، هتحتاج فيزا لوحدها، لا مافيش علاقة بين الوظيفة وخطاب العمل، لا المبلغ قليل شوف الحساب اللي عليه حركة كتيير و حول مثلا اليورو لمصري وخد معاك كشفين حساب واحد بالمصري وواحد بالدولار، لاكن ماتقدمش المصري وهو فيه 5 الاف اكيد مش كافي، وربنا يوفقك

تسلم يا باشا..اعتقد هاخلى الحساب مثلا فيه 20 الف مصرى و 2000 دولار

تسلم يا باشا..اعتقد هاخلى الحساب مثلا فيه 20 الف مصرى و 2000 دولار اتمنى يكون كفاية
سؤال تانى معلشى..الفيزا الشنجن بتحتاج حساب فيه قد ايه

أنا مسافر من مصر لماليزيا إن شاء الله
وهعدي على عمان ترانزيت
هل هحتاج تأشيرة لعمان ؟
هتتطلب مني في مطار القاهرة وانا مسافر يعني خصوصاً ان ماليزيا ملهاش تأشيرة ؟

السلام عليكم انا عايز اسافر الاردن عمان 3ايام سياحة لازم فيزة واية الاوراق المطلوبة وممكن تدلنى على شركة سياحة تساعدنى

الاردن من محتاجة فيزا، المصرين يدخلوا الاردن عادي، مافيش اوراق مطلوبة وانت مش محتاج شركة سياحة، اقرا المقالات هنا وهتعمل كل حاجة بنفسك، انت محتاج حجز طيران و حجز اوتيل وبس كده، ربنا يوفقك

اهلا أستاذ مايكل كنت كلمتك على الخاص فى الفيس ومردتش عليا
كنت عايزك فى استفسار ضرورى

لو سمحت يااستاذ مايكل انا عملت فيزا زياره لتركيا وفاضلي بس التصريح من الامن القومي هل ممكن يدهولى ولا صعب ولازم واسطه وحاجات كدا

من المعلومات اللي عندي الزيارة بتطلع عادي والمفروض مش محتاج واسطة ولا حاجة، بس لو طبعا لو في الموضوع بيبقي اسهل

السلام عليكم

لو سمحت انا مسافر بنجلادش عن طريق الطيران التركي فهعمل ترانزيت في اسطنبول هل هحتاج لموافقه امنيه ؟؟؟ ام لو لدي تذكره للبلاد الاخيره لن احتاج ؟؟؟ مع العلم ان لدي فيزا بيزنس لتركيا لمده. سنتين فهل من الممكن ظابط المطار يطلب الغائها مني لاي سبب ؟؟

في الطبيعي انت مش محتاج تصريح، بس خلي بالك انهم ساعات بيبقوا مش تمام وبيتغابوا وممكن يشطبولك علي فيزا تركيا، مش عارف اقولك تعمل ايه بس لو عرفت توصل لظابط الجوازات في المطار قبل ماتسافر وتسال يبقي افضل كتيير

سلام عليكم.انا موجود بتركيا والاقامة بتاعتي ان شاء الله استلمها اول شهر سته اللي جاي .لو عايز ابعت دعوة لزوجتي والاولاد قبل ما احصل علي الاقامه .هل ينفع؟ ولو ينفع ممكن تقولي التفاصيل بتاعت الدعوة والتكلفة الماليه المطلوبة وشكرا لكم

لا ماينفعش تدعو حد لبلد وانت مش معاك اقامة البلد دي، بخصوص التفاصيل هناك انا ماعرفهاش لان انا مقيم في مصر فا يفضل تسأل حد هناك وربنا يوفقك

طيب لو سمحت انا دكتور بيطري بس لسه مشتغلتش و كنت عايز اسافر ايطاليا اتفسح لأني لسه مخلص جيش و ملحقتش لسه اشتغل، فا قالولي لازم خطاب عمل، فا انا ليا ابن خالتي عنده شركة ادوية و ممكن يديني ورقة على اني شغال معاهم، فهل كدا عادي ولا السفارة بتتصل و بتتأكد و الكلام دا، مع العلم ان انا كل الباقي تمام و الحساب تمام فيه مبلغ كويس جدا

شكرا جدا

انا احمد ممرض وموظف حكومى وكنت عاوز اروح امريكا سياحه بس للاسف باسبورى ابيض لسه مافهوش اى ختم ياترى عادى ولا ماقدمش احسن

لو سمحت عندى سؤال غريب شوية انا فى مصر و ليا واحد صاحبى فى قطر عايزين نتقابل فى لبنان بس هو لما سأل فى سفارة لبنان فى قطر قالولو لازم يقدم و يطلع الفيزا من قطر قبل ما يسافر مش هينفع اون بورد فى مطار لبنان، بس الكلام مش مقنع هل عندك فكرة تقدر تفدنى ،شكرا

هو الكلام غريب لان انت تقدر ك مصري تدخل لبنان بالحصول علي الفيزا اون ارريفال لو معاك حجز اوتيل و2000 دولار كاش، بس خلي بالك دي السفارة يعني كلامهم يمشي، ممكن جدا يكون في توتر في العلاقات مابين قطر ولبنان وبالتالي اي حد جاي من قطر يطلع فيزا الاول ده تحليل شخصي غير مؤكد

انا عايز اروح التشيك لاستيراد قطع غيار وليا صديق ف النمسا هياخدني من التشيك للنمسا
هل الحصول ع الفيزا صعب ولو حصلت عليها لازم احجز فندق وهل هينفع اروح من التشيك الي النمسا

ايوة فيزا التشيك، شينجن وبالفعل مش سهلة وعشان تحصل عليها لازم تقدم حجز فندق، وينفع تروح من التشيك للنمسا بالاوتوبيس كمان

شكرا ليك عالمقال

بالنسبه بختم الدخول فى ماليزيا، هيبقى ل٩٠ يوم حتى لو قلتلهم نقعد اسبوع؟ يعنى لو حبيت اطول اسبوع كمان، ممكن تغيبى ميعاد تذكرة العوده واقعد عادى ولا هيكون فى مشكله؟

و بالنسبه لترجمة السجل التجارى فى العموم، لو عايز يكون معايا منه نسخه انجليزيه متمده من وزارة الخارجيه، بروح للوزاره تترجمه و تعتمده؟

شكرا ليك مره تانيه

اه فعلا بتاخد 90 يوم وبتقعد المده اللي انت عاوزها، الترجمة بتبقي من مكتب معتمد وبعد كده بتتصدق من الخارجية، لاكن الخارجية مش بترجم

شكرا ليك، اخر سؤالين معلش، وانا طالع الطياره من مطار القاهره ظابط الجوازات هيطلب يشوف تذكرة عوده؟ و فى مطار ماليزيا بيعترفو بحجز AirBnB؟ ولا لازم فندق؟ شكرا مره تانيه

لو سمحت انا وبنتي ناويين علي تركيا واخدنا فيزا سياحه بس بنتي مكتوب طالبه جامعيه في جواز سفرها مع العلم انها تعمل في مدرسه دوليه ومعاها hr من المدرسه موجه للسفاره والامن موقفها ايه من تصريح الامن مع العلم انها سافرت للهند ولبنان من قبل مع الشكر لمجهودك الرائع…..

سؤال كمان لو تكرمت هو تصريح الامن ليه مده صلاحيه يعني ممكن يستمر قد ايه وشكرا…

اهلا بيكي من اعتقد التصريح الامني ممكن يترفض عشان مافيش وظيفة والفيزا سياحة مش زيارة، والمدة بصراحة مش عارفها، انا افضل ان حضرتك تسألي ظابط الاتصال شخصيا في المجمع مش اي موظف او اي عسكري، اطلبي تقابلي الظابط

انا مكتوب في الباسبور صيدلي حر. كنت عايز اسافر 5 أيام سياحه هونج كونج. عايز اعرف
انا محتاج تصريح امني ولا لأ
لازم يبقي معايا مبلغ معين ولا عادي، ولو لازم يبقى اد ايه
حجز الفندق من علي booking عادي بيقبلوه في المطار مع العلم ان هدفع فلوس الفندق لما اوصل
في حاجه معينه اخد بالي منها عشان الدنيا تمشي تمام عشان انا عارف مفيش فيزا مطلوبه
وشكرا مقدما

مطلوب تصريح امني وبالنسبة للمبلغ ايوة ممكن جدا يطلبوا يشوفوه في المطار هناك، كام بقي دي لازم تبقي منطقي يعني انت قاعد ٥ ايام اعتقد من ٥٠٠ الي الف دولار معقول جدا ويا ريت بعد ما تحجز الفندق من بوكنج تبعت للفندق ايميل تطلب فيه فوتشر حجز عشان ساعات في المطار بيحسوا ان حجز بوكنج مش مؤكد وممكن يتلغي في اي وقت

لو سمحت مستر ميشل انا بعمل في مجال السياحة /فنادق خبرة اكتر من عشر سنوات وكنت بدول الخليج.
وعندي مشكلة قضية بخصوص البنك )؟ قضية جزئية بمحكمة الكويت. )؟
السؤال هنا حضرتك ) هل ممكن ادخل الإمارات او قطر.
وبنسبة لفيزا السياحة ) تركيا. قبرص اليونانية. سنغافورة. كوريا. هل ممكن أغير فيزا السياحة هناك الي عمل ؟ بعدما سافر من القاهرة الي اي بلد
ومصداقية الشركات السياحة. جواز السفر صاحب مهنة ،!) أخصائي موارد. بشركة ……..؟
نصيحة حضرتك. شكرًا جزيلا

تقدر تدخل الامارات، والفيزا السياحة صعب انها تتحول وانت هناك من غير ماترجع، مش فاهم مصداقية شركات السياحة يعني اية؟

طيب انا ربة منزل ومعايا حساب فى البنك وعايزة اسافر امريكا انا وولادى الاتنين اية افضل طريقة اروح سياحة ولا ليا قريبة هناك اخليها تبعتيلى احسن

هتسافري سياحة، بس انصحك تسافري بلد تانية قبل ما تقدمي علي امريكا، عشان الفرصة بتبقي اكتر ولاكن ده مش قانون ممكن تجربي علي طول

انا طالب وعايز اسافر الإمارات انا ف 2 كليه وعايز اعرف ليا تصريح سفر ولا ايه ولو مليش ممكن بوسطه من الاخر اعرف اجيبه ولا

لو الجيش بتاعك متاجل علي حس الكلية المفروض انه ملاكش سفر، او مش هيرضوا يطلعولك تصريح من التجنيد، لو معاك واسطة دي ترجع للوسطة مين، اكيد ظابط غير المشير

لو سمحت فتاة مغربية هترسل دعوة لى للزواج هل يلزم وجود حساب بنكى لحصول على تاشيرة المغرب فى هذة الجالة و ايضا المهنة فى البطاقة الشخصية حاصل على ليسانس حقوق هل اقوم بتغيرها لصاحب مهنة حتى يمكنى الحصول على تاشيرة المغرب
و هل خطاب جهة العمل بالراتب ضرورى تقديمة للسفارة فى هذة الحالة
شكرا

انا دلوقتى بملى نموذج الفيزا على موقع السفارة التركية بس فى حاجة مش عارف اكتب فيها ايه بالانجليزى
Issuing Authority
اكتب فيها ايه بعد اذنك بالانجليزى

انا لقيتها ان المفروض اكتب
Ministry of interior’s travel documents; Immigration and nationality administration
لما بكتب كدا اخر حاجة بتتكتب
Ministry of interior’s travel documents; Immigrati
و لا ممكن اكتب اختصارها TDINA يا ريت الرد فى اسرع وقت لانى محتاج اقدم على الفيزا فى اسرع وقت

مبدئيا انا بشكر مايكل وكل الناس اللى انا استفدت منها كتير علشان استخرج التاشيرة
وعلشان كده انا هكتب بالتفصيل ازاى اخدت تاشيرة تايلاند
البدايه بعد تجهيز الورق اللى هوة ايه بفى ؟
مع العلم ا زوجتى طالبه / طلب استخراج تاشيرة وده موجود ع الموقع الخاص بالسفارة اطبع واملا اللى تعرفه واللى مش تعرفه هناك اسال وكمله طبعا طلبين ليا وزوجتى 2- صورة واحده شخصيه ليا وزوجتى 3-كشف حساب بنكى بفضل يكون فيه مبلغ كبير وحركات كتيربردوا ودا كان صورتين 4- الجوازات اكيد 5- القسيمه عربى ومترجمه انجليزى ومعتمده من مكتب ترجمه اى سنتر ترجمه ودا اللى انا مكنتش عامله وروحت عملتها ف 10 دقايق فى سنتر جنب السفارة بس حراق شويتن 6- شهاده قيد لزوجتى من الجامعه ترجمه انجلش 7- حجز طيران ليا وزوجتى 8- حجز فندق بالمده وده سهل من على بوكنج 9- 600 ثمن التاشيرتين 10- حطاب جهه العمل بتاعى انجلش 11- صور للجوازات
وبس

لو سمحت لو هسافر الى جورجيا ومنها الى تركيا هحتاج الى تصريح امنى؟؟؟

شكرا اوى على مجهودك الرائع انت شجعتنى اطلع اول طلعه ورحت جورجيا واتبسطت جدا دلوقت انا بخطط انى اروح سنغافوره على رأس السنه كده 🙂 هل الفيزا بتاعتها سهله كده زى جورجيا ولا ايه النظام انا هؤوح السفاره واسأل على كل حاجه بس كنت حابب انك تدينى معلومات بخبرتك اكيد تعرف اكتر وشكرا ليك

لو سمحت انا 22 ومسافرتش قبل كدا دي اول مره للعلم انا طالب ف 3 معهد نظم ومعلومات هسافر ولما ارجع هبقي اكمل السنه الرابعه ينفع ولا لاء وعايز اسافر شغل مش سياحه وهمشي علي الخطوات الي انت بدأتها ف المقال الاول بس مش عارف اسافر فين ممكن حضرتك تساعدني بخبرتك او لو منزل مقال عن الشغل مش السياحه تنزلي اللينك بتاعه ارجو الرد وشكرا مقدما

بعد اذنك استاذ مايكل….كنت عايز اسافر تونس سياحه ممكن اعرف الحساب البنكي يكون قيمته كم؟؟

السلام عليكم. لو سمحت حضرتك عندي سؤال.. بس في الاول احب اشكرك فعلا علي المقال الرائع والمفصل ده.. عاوز اعرف معلومات عن السفر للعمل في الخارج وانا بشتغل مسؤل اول ونائب مدير في شركه تمويل متناهي الصغر؟؟

انا طالب ومتزوج وعاوز اسافر اسبوع اسبانيا وحساب البنك ده مش عارف اعمل ايه فيه هل مشكلتي هتبقي في حساب البنك ده ولا ممكن الاقي حل

لو سمحت عايز اسافر اندونسيا وليا هناك حد اتعرفت عليه عايز اعرف الاجراءات المطلوبه ايه بالظبط
اخد معايا كام
احول الفلوس لدولارات ولا لروبيه
ايه الا ممكن يوقف الموضوع
ارجو الرد بسرعه عايز اعرف كل حاجه ممكن تتعمل عشان اسافر مع العلم مش هقعد اكتر من اسبوعين وفي صديقه هناك مستنياني

أستاذ ميكل ازيك..لو سمحت انا ليه صديقه ف البرازيل عايزه تبعتلي دعوه استضافه او زياره بس مش عارفه ازاي ممكن تقولي ايه التفاصيل عشان نتم الاجراءات وايه المطلوب مني

لو سمحت يامستر ميشيل .. انا عايز اروح زيارة الجزائر اسبوع ومش عارف الخطوات ؟ لكن لما سالت مكتب سفريات قالى ان التأشيرة بتاخد وقت طويل وممكن ما تطلعش … كمان حابب اعرفك انى فى الباسبور مكتوب حاصل على كلية … حابب منك اعرف ايه خطوات اللى اعملها وتكون اسهل لى ,؟؟ ارجوك رد عليه

لو سمحت انا في جده و بقدم علي فيزا لسنغافورة و استوفيت كل الشروط ماعدا جواب دعوة من شخص سنغافوري .. هل في طريقة اقدر احصل بيها علي الجواب او اتخطي الشرط ده

اول مره اقرأ بالتفصيل المريح الله يباركلك ..عندي سؤال لو سمحت انا سافرت سلوفاكيا من 12 سنه وتأشيرتها علي باسبوري القديم وكذلك نفس الباسبور عليه تأشيره للسعوديه وطبعا سافرت ورجعت .انتهي الباسبور وجددته وانا في ميلانو ومكتوب مستخرج من ميلانو بس مفيش عليه تأشيره ايطاليا ورجعت مصر وبعد فتره سافرت تركيا ومعايا اقامه فيها وفي باسبور من باسبوراتي عليه 3 تأشيرات لتركيا وعمري 38 سنه وعاوز اسافر بلد اوروبي تاني بس معنديش حساب في البنك مع العلم اني معايا الرقم القومي الايطالي بتاعي القديم ..اعمل ايه عشان اسافر تاني ..واسف للاطاله

لو سمحت Michel بالنسبة لفيزا سنغافورة ايه المطلوب ليها وهل استخراجها سهل ام صعب

لو سمحت عايز اسافر أوكرانيا انا صاحب شركة بس خايف يبقا فيه رفض ممكن اعرف الأوراق المطلوبه عشان موضوع الرفض وشكرا

انا قدمت ع تاشيره تركيا ودفعت 60دولار وروحت بعد اسبوع استلم اخدت رفض هل لو اتبعتلي دعوه من هناك ممكن تترفض تاني وله اي ارجو الرد

لو سمحت انا عايز اسال عن موضوع تصريح السفر انا طالب في اخر سنة كليه العلوم بس عملت تاجيل للسنة الاخيرة و معايا فيزا محلية لالمانيا 3 شهور فهل ممكن طريقة عشان اخد تصريح السفر

ارجوك ساعدني انا مصري وعايز اروح المكسيك مع العلم ليا واحدة مكسيكيه اعرفها هناك وهي كمان عايزاني اروحلاها ومش عارفين نعمل اية؟

انا مصرى و عاوز اسافر سنغافورة

ايه هى الاجراءات بالظبط لو سمحت

رمضان كريم عليكو لو سمحت عايز اعرف اقل مده للسفر سياحه لتركيا عشان يتوافق عليها من السفاره ميتشكش فيها يعني ..زانا مسافر سياحه عدد4ايام فقط هيتوافق عليها ولا المده قليله ؟؟؟

اشكر حضرتك بجد الكلام واضح والشرح جميل جدا وبرجاء التواصل على الايميل او الفيس

لو سمحت انا مكتوب في البطاقه وجواز السفر المهنه بكالوريوس هندسه ، انا شغال في شركه ايه الافضل عشان ميحصلش مشكله مع التصريح الامني الجديد اني اجيب ورق بطاقه واروح اعمله من النقابه اني مهندس كهرباء حر واغير المهنه في البطاقه والباسبور
ولا اجيب ورق من الشغل واكتب في المهنه مهندس بشركه …… ايه الافضل عشان مش يحصل مشاكل

عاوز اسافر كوريا الجنوبيه مع العلم انى روحت على اساس انى لاعب تايكوندو قبل كدا ورجعت مدخلونيش ازاى اقدر اروحها تانى وادخلها باذن الله

اهلا بيتر انا ليا قريب جابلي تاشيرة زيارة للامارات هل يلزمني اجيب تصريح امني علما باني مثبت في الباسبور اني مدرس بوزارة التربية والتعليم

عاوز اروح الي الجزائر واقعد اطول مده فيها ازاي وايه المطلوب ومنين مع العلم اني مصري وبعمل في قطر

عاوز اسافر روسيا و عندي ١٩ سنه و مش عارف اعمل ايه عشان موضوع تذاكر الطيران و عاوز حضرتك تقولي اعمل ايه و شكرًا

لو سمحت انا عندي ٢٠ سنه وعايزه اسافر تايلند ١٠ ايام سياحه وعايزه اعرف ايه الاجرات اللي هعملها و كمان ينفع اختي عندها ١٧ سنه تسافر سياحه برده

والله انت راجل محترم ربنا يكرمك انا هموت واسافر كندا بس انا عارف انى مش هعرف لانى فقير بس ممكن اسافر اى دوله اوربيه المهم اخرج من مصر زهقت نفسى اروج بولندا او لاتيفا اى بلد تنصحنى اروحها فيهم عايز اشتغل واعيش هناك

أنا مصري معلم مقيم بالسعودية حيث أعمل حاليا من بداية شهر سبتمبر 2017 وصدرت لي الإقامة السعودية وأريد أن أسافر إلى لبنان لحضور دورة تدريبية في شهر نوفمبر القادم فكيف أستخرج الفيزا علما بأن المؤسسة القائمة بالتدريب ستتكفل بحجز الطيران ذهاب وعودة وحجز الفندق

يمكنك الذهاب لسفارة لبنان في المملكة واستخراج فيزا او السفر مباشرة بدون فيزا والحصول عليها في مطار بيروت بمبلغ 20 دولار ولامن يجب ان يكون معك كاش 2000 دولار ليضطلعوا عليها

بعد اذنك عاوز اسال علي موقف انا كنت عاوز اسافر اوكرانيا سياحه ومكتوب ف الباسبورحاصل علي ليسانس حقوق ومعايا حساب توفير في 60 الف بس وفي شخص هيبعتلي دعوه من هناك هل الفيزا هتكون سهله ولا صعبه ولو غيرت المهنه لمحامي حر هتكون احلحه ولا لا مع العلم انا اول مره اسافر

شوف اكيد محامي افضل من حاصل علي، لانك بتثبت انك شغال ومسجل في النقابة فا انصحك تغير المهنة الاول، اما بخصوص اوكرانيا هي متوسطة الصعوبة يعني مش سهلة زي تايلاند مثلا ومش صعبة زي الشنجن ، انا لو مكانك هروح بلد سهلة الاول في مقالات هنا في الموقع هتفيدك منهم فيزا تايلاند

Leave a Reply

Your email address will not be published. Required fields are marked *