[:ar]مساء الفل، بقالي كتيير مش بكتب عشان كنت مشغول جدا في الشغل في Kenrys بس نصيب الاسد من الطلبات والاسئلة اللي جاتلي كان الي معشوقة الجماهير وحبيبة قلبي تايلاند.
هتكلم عن استخراج الفيزا لتايلاند سياحة وهتعمل كل الورق بنفسك من غير شركة سياحة، يلا نتكلم في المهم علي طول
الدولة: جمهورية تايلاند
مكان السفارة: 19 شارع هنداوي (اسم اخر للشارع شارع الكاتب)، الدقي، القاهرة، بجانب مستشفي الكاتب
مواعيد تسليم الورق: من 9:30 الي 11:30 صباحا
مواعيد الاستلام: من 3:00 الي 4:00 عصرا
الموقع وتفاصيل الورق والتقديم: هنا
التكلفة: 300 جنية للدخلة الواحدة ممكن تقدم علي فيزا دخلتين او دوبل انتري
الاوراق المطلوبة:
- 1- الباسبور يكون متاح ل 6 شهور وصورة من اول صفحة
- 2- صورة شخصية حديثة 4×6 وياريت تكون فعلا حديثة عشان بيدققوا
- 3- طلب الحصول علي فيزا، ودة موجود في اللينك دة علي موقع السفارة وهتملاه اونلاين وتطبعه
- 4- حجز اوتيل
- 5- حجز طيران مبدئي
- 6- كشف حساب من البنك فيه اكتر من 10 الاف مصري
- 7- خطاب من جهة العمل اوسجل تجاري وبطاقة ضريبية مترجمة للانجليزية
التحضير:
كل الاوراق معروف طريقتها بس انا هتكلم ازاي تجيب حجز طيران مبدئي وحجز اوتيل مبدئي من غير ما تدفع ولا مليم
1- حجز الطيران المبدئي ودة انا دورت فيه كتير جدا وكل الناس قالت ان لازم شركة سياحة هي اللي تعمله، لاكن الكلام دة مش علينا، من انهاردة مافيش شركة السياحة ، انت شركة السياحة.
بص يا سيدي هو اصلا يعني ايه حجز مبدئي؟ يعني حجز موجود علي سيستم الطيران باسمك ولاكن غير مدفوع وبالتالي بيبقي ليه فترة معينة وبينتهي او الحجز بيتلغي، ماتقلقش سفارة تايلاند مش بتزعل لو الحجز اتلغي لاكن بتزعل لما تدرب حجز وهمي ويطلع ان مافيش اصلا طيارة بتروح تايلاند بالبيانات اللي انت مقدمها، يعني مش كدة يا جماعة. المهم بعد البحث والتمحيص لاقيت ان موقع ترافل استارت بيسمحلك تعمل حجز لطيف باسمك كالاتي، هتدخل علي الموقع بعد كده هتكتب من مطار القاهرة (CAI) الي مطار بانجكوك (BKK) وطبعا تختار المواعيد خلي بالك ان المواعيد دي هي اللي هتاخد الفيزا علي اساسها يعني بحبح شوية مثلا لو هتعد اسبوعين اختار 20 يوم، بعد كدة تختار الطيارة او الرحلة وتكمل في الحجز فا هيطلب اسمك برضه خلي بالك تكتب اسمك زي الباسبور بالظبط وبعد كدة تيجي بقي ل اخر خطوة الدفع، احنا مابندفعش، تختار في وسائل الدفع انك هتدفع في حساب الشركة في البنك وتكمل عادي، هيطلعلك شكل الحجز النهائي وفي اتاحة للطباعة تطبع الحجز وكمان هيبعته علي الايميل بتاعك فا ممكن تطبعه في اي مكتب لو مش عندك برينتر. وبكدة بقي معاك حجز طيران مبدئي ساري لمدة 24 ساعة فقط، طبعا لو مادفعتش هيتلغي.
2- حجز الاوتيل هتجيبة من موقع بوكينج وده موقع لحجز الاوتيلات في جميع انحاء العالم هنكتب في السيرش بانجكوك عاصمة تايلاند وهنختار اوتيل 3 ستار يكون سعره معقول بس المهم يكون مكتوب انه الالغاء مجاني او Free Cancellation عشان ممكن نلغي الاوتيل بعد ما ناخد الفيزا، حاجة تاني الموقع مش بيسحب فلوس وكله مجاني بعد كدة هتختار الغرف وتكتب بياناتك بنفس الاسم المكتوب في الباسبور بالظبط بعد كده ندوس علي حجز الان او بووك ناو في الاخر هيطلع تاكيد الحجز او بووكينج كونفيرميشن وهي دي الورقة اللي محتاجين نطبعها ، هما بيبعتوا نسخه علي الايميل فا ممكن لو ماعندكش برينتر تنزل اي مكتبة او مكتب تصوير تطبعها هناك.
طبعا خطاب العمل يكون مكتوب فيه نفس المواعيد اللي موجودة في حجز الطيران والاوتيل وطبعا هي نفس المواعيد اللي هنكتبها في طلب التاشيرة، حاجة تاني كشف الحساب يحبز يكون بالانجليزي والاسم يكون مكتوب زي الباسبور.
كدة ورقك كله في السليم نطلع بقي علي السفارة.
التقديم:
الميزة ان سفارة تايلاند مش بتجبرك تاخد معاد مسبق يعني تاخد نفسك وتروح علي طول، انصحك تكون الساعة 9:00 الصبح هناك وانصحك تروح مواصلات او بتاكسي لان لو معاك عربية مش هتعرف تركن وتستني لما يفتحوا الباب للمواطنين وخد بالك انهم بيدخلو المواطنين من الباب الجانبي مش الباب الرئيسي، هيقابلك شاب مصري زي العسل هيشوف ورقك ويتاكد انك مليت الابلكيشن الجديد ويرتب الورق ويديك ورقة فيها الاوراق المطلوبة مكتوبة كل اللي عليك انك تعلم علي كل خانة انها موجودة يعني مثلا مكتوب حجز طيران تعلم جنب خانة موجود وهكذا بعد كدة نفس الشاب هيكتبلك رقم بالقلم علي ورقك وهيدبسلك الصورة في الابلكيشن ويقولك قدم الورق علي الشباك.
اول ما تدخل تروح علي الشباك علي طول تقدم الورق وتحفظ رقمك كويس خلي بالك السفارة بتبقي زحمة مصر كلها رايحة تايلاند بس انت ماتعرفش بس، بس خلاص هتقعد تستني لما يندهو رقمك هما جوه بيراجعوا طلب طلب وبيشوفو الورق كويس، هيتنده رقمك لو في مشكلة في الورق لا قدر الله او لما يراجعوا ورقك ويلاقي كله تمام تروح علي الشباك تدفع 300 جنية زي الباشا وتاخد الايصال بتاع الاستلام.
الموضوع بياخد يومين بالظبط يعني لو قدمت انهاردة تستلم بعد بكرة من الساعة 3 الي الساعة 4 في نفس المكان، ومبروك يا كبيير
شوية حالات خاصة:
1- لو اتنين طالعين شهر العسل بيطلبو عقد جواز او عقد خطوبة (نص اكليل) وطبعا بيكون مترجم للانجليزي
2- لو الصورة مش حديثة بيرفضوها (واحد كان جايب نفس الصورة اللي في الباسبور) والباسبور معمول سنة 2012 فا رفضو وطلبوا صورة حديثة
3- لو حساب البنك فيه اقل من 10 الاف بيرفضوا لو كشف الحساب شهادات بيرفضوا عاوزين حساب جاري او توفير
4- لو في طفل مسافر بيتعامل نفس معاملة الكبار ولاكن بيتحط صورة كشف حساب الاب مع طلب الطفل
5- لو اتنين هيسافرا شهر عسل ومش هيعرفوا يجيبوا عقد يبقي كل واحد هيقدم سينجل وبالتالي كل واحد يجيب كشف حساب وخطاب من جهة العمل
6- لو متجوزين ومكتوب اسم الزوج في باسبور الزوجة ممكن يكتفي بكشف حساب الزوج فقط بس يكون فيه اكثر من 30 الف جنية وطبعا يكتفي بخطاب عمل الزوج فقط
7- روح بدري عشان لو احتاجت تترجم حاجة او تصور حاجة تلحق تقدم في نفس اليوم
طبعا لو في اي استفسارات اكتبولي في الكومنتات[:]
232 replies on “[:ar]فيزا تايلاند – كل التفاصيل عن استخراج فيزا سياحة لتايلاند من مصر[:]”
انا عايز اقول ان ا/مايكل دة جدع وسألته فى حاجةت كتير مقلقانى بس جاوبنى والحمد لله رحت السفارة و الورق تمام وربنا يكرم وناخد التاشيرة ان شاء الله …..احلى بلوج ?
انت تؤمر يا شادي، ربنا يوفقك وتبقي سفرية حلوة
انت فعلا ساعدتني كتير ا/مايكل وكنت محتاج اعرف حاجه كمان انا كنت عاوز اعرف ازاي املي الطلب اونلاين علشان دي الحاجه الوحيده الي وقفت معايا كمان انا مش موظف ولا معايا سجل تجاري بس انا كنت في تايلاند قبل كده من حوالي 6 شهور والفيزا موجوده علي نفس البسبور الي بقدم بيه تفكر حيبقي فيه مشكله ؟ وارجو الرد علي كيفيه مليء الطلب اونلاين
طيب لو انا مش بشتغل ايه بتكون الاجراءات وعاوزه اسافر
ولو انا مش بشتغل خالص وعاوزه اسافر ايه الاوراق المطلوبة
علي حسب الباسبور مش بتشتغلي ممكن تكوني طالبة او حاصل علي او ربة منزل او لا تعمل وفي معظم الحالات انصحك ببلاد مالهاش فيزا وبالتالي مالهاش ورق زي لبنان وماليزيا واندونسيا
[…] ٢- حجز تزاكر طيران مبدئية ذهاب وعودة (تقدر تعرف ازاي تعمل حجز مبدئي بدون شركة سياحة من المقال دة) […]
متشكرين جدا يا أ/مايكل على المقالات الرائعة اللى حضرتك بتعملها دى لأنها فعلا مفيدة جدا و يا ريت لو تعمل المقال الجاى عن السفر لتركيا و ايه الحاجات اللى ممكن نعملها هناك
اهلا بيك يا بسام، لاشكر علي واجب، ان شاء الله هعمل مقال مفصل عن كل بلد من البلاد المشهورة وطبعا تركيا في اول الليست
السلام عليكم انا عاوز اسافر اوروبا وغالبا هيكون المانيا ان شاء الله ومعايا سجل تجارى وبطاقة ضريبية من اكتر من خمس سنين وسبق حصلة على تاشيرة لروسيا واوكرانيا بس مسافرتش ودى كانت على الجواز القديم الى هو انتها هل دى تساعدنى لو قدمة على تاشيرة اوروبا ولا ايه وشئ تانى لو طلعة بطاقة استيرادية من الغرفة التجارية ومن المينا ان انا مستورد لان السجل التجارى بتاعى عاملة صاحب مكتب استيراد وتصدير وتجارة قطع غيار سيارات وحضرتك عارف ان المانيا اساس الحاجات دى فهل البطاقة الاستيرادية هتساعدنى اطلعه مع العلم هى بتصرف مبلغ مش بسيط بس لو هساعدنى انا مستعد اطلعه والخطوات الصح اى هي علشان امشى فيها وانا اسف جدا على الاطالة وتسلم على الموضوع الشيق
اهلا بيك، اولا اكيد لو معاك فيزا قبل كدة بيساعد في الفيزا الشنجن لاوروبا بس انا انصحك تسافر اي بلد الاول قبل ما تقدم علي اوروبا عشان فرصتك تبقي افضل، السجل والبطاقة تمام مش محتاج تطلع بطاقة استيرادية، المهم ان البطاقة الضريبية يكون مختوم عليها ختم السنة الحالية من المصلحة، بفلوس البطاقة الاستيرادية سافر بلد فيزتها سهلة الاول ولما ترجع قدم علي اوروبا, وربنا يوفقك
انا محتاجة اسأل عن كذا حاجة لاستخراج فيزا تركيا سياحة أتواصل ازاى بعد إذنك ؟؟
اهلا ياسمين، ممكن تسالي هنا او علي الفيسبوك اكونت.
الف الف شكر استاذ مايكل مقال اكثر من رائع ومفيد جدا
كنت عايز استفسرمن حضرتك هل من الممكن تكون السفرية منها سياحه وتجاره بنفس الوقت يعني لو انا حبيت اخد حاجات معايا ابعها هناك ايه اللي ممكن اخده او اجيب حاجات من هناك ايه اللي ممكن اجيبة ويكون سعره كويس وعليه طلب في مصر واسف للإطاله على حضرتك .
اهلا بيك، لا شكر علي واجب، اكيد ممكن بس مش بكميات كبيرة عشان الجمارك هنا وهناك، يعني لو كميات صغيرة او واحدة من كل حاجة ممكن تعدي، غير كده محتاج تبعت الحاجة علي شركة شحن بضائع، ايه بقي اللي تجيبه من مصر تبيعه هناك للاسف مافيش، ايه اللي ممكن تجيبه من هناك يتباع هنا في الغالب كل حاجة بس ممكن نركز علي الملابس والبهارات والاعمال اليدوية، وربنا يوفقك
ازيك يا مايك شكرا علي النصايح والفايدة.. انا كنت عايزة اسأل بس هوة لازم bank statement و يكون في الحساب اكتر من 10000 ولا ممكن 6 شهور حساب جاري ومعاملات عادية .. ده حساب جاري او توفير مش عارفة مع الشركة بتاع مرتب يعني
سؤال تاني لازم التصريح الامني ده اكيد ؟ اصل في فيزا
وبالنسبة لماليزيا واندونيسيا في ناس بتقول عدوا من غير تصريح عادي ولا ايه الدنيا بقي
بجد السفر في مصر مهلك و يزهق 🙁
اهلا ايمان، ايوة ممكن طبعا حساب عادي فيه معاملات يعني بتاع المرتب كويس جدا، بس لازم يكون فيه اكتر من 10 الاف، ممكن تحطيهم تطلعي الكشف بعد كده اسحبيهم،
لازم تصريح امني لاي حد مش مكتوب في جوازه مهنة، يعني لو طالب او حاصل علي لازم تصريح، وبالتالي الناس الللي عدو من غير تصريح اكيد كاتبين وظائف في باسبوراتهم، ومعلش السفر ترتيباته متعبة لاكن متعته اكبر بكتير، ربنا يوفقك
احط مبلغ فااحساب واطلع الكشف و اسحبه طيب كدا مش هيكون عدي ٣ شهور زي ما طالبين ولا ايه ؟؟؟
هو التصريح الامني ده بياخد اد ايه عشان يطلع ومده صلاحيته وكمان معلش الاوراق المطلوبه و شكرا ليك
اهلا عمرو، لا شكر علي واجب،
بالنسبة لموضوع التصريح الامني، دي البيانات بتاعته: ١- المكان مجمع التحرير ٢- المطلوب الباسبور وصورته وصور من الفياز اللي خدتها قبل كدة وممكن يطلبو صور من الحجوزات وطلب بتشتريه من هناك ٣- العملية بتروح المجمع وتطلع لمكتب اسمة ظابط الاتصال انصحك تطلب من العسكري انك تقابل الظابط شخصيا وتوريله الباسبور وتقوله مسافر فين بعد كدة هو هيقولك اذا كنت محتاج تصريح ولا لاء، طيب بتقف في طابور كبير (يا ريت تروح بدري) وتشتري الطلب وتملاه وتقف في طابور تاني عشان تقدمه مع صور الاوراق اللي فوق ٤- المدة من اسبوع لـاسبوعين بس انت هيقولولك تستلمه امتي — اخر معلومة لو انت مكتوب في باسبورك مهنة ذي مدير او صاحب شركة ممكن ماتحتاجش تصريح بس الظابط هو اللي يقول، مافيش حاجة تمنعك من انك تاخد التصريح طلاما مش مطلوب امنيا، اعتقد لازم تستلم التصريح بنفسك وربنا يوفقك
استفسار بعد اذنك اللوقتى انا عايز اسافر تايلاند اقضى شهر عسل وانا مش معايا كشف حساب بنكى وعاوز اسافر فى شهر اربعه اتعامل مع النقطه دى ازاى ليها حل وهل من الممكن وضع المبلغ وسحبه مباشرة من الحساب ولو خطيبتى ليسانس اداب هتتعامل مع نقطه خطاب جهه عمل دى ازاى
لازم السفارة تشوف كشف حساب، عدي عليه 3 شهور، ممكن تقدم كشف حساب باسم والدك، وبالنسبة لخطيبتك مش لازم تجيب خطاب جهة العمل طلاما هترفق عقد الزواج وترجمته مع الورق.
سؤال اخر لو سمحت لو عندى حساب بالدولار هل لو وضعت فيه مايوازى 30 الف جنيه وسحبتهم بعد كده ده هيكفينى انا والمدام لما نيجى نقدم ورقنا بكشف الحساب ده بس
اه طبعا يكفي، بس انصح انك تعمل سحب وايداع كتير قبل ما تطلع كشف الحساب، عشان يبان ان في حركة علي الحساب وبعد كدة اسحب الفلوس عادي
السلام عليكم
ا/ مايكل حابب استفسر من حضرتك علي بعض الامور وهيا .
1- التصريح الامني قبل ولا بعد التاشيرة ?
2- الورق المطلوب للتصريح الامني ?
3- بياخد قدايه علشان يطلع ?
4- التاشيرة بياخد وقت قد ايه ?
5- قسيمة الجواز بالعربي ( الزوجة اخر سنة بالكلية بس الجواز طالبة والبطاقة طالبة ) فهل لازم تترجم ?
6- لو لازم ترجمة دي تتعمل ازاي
اهلا بيك،
بالنسبة لموضوع التصريح الامني، دي البيانات بتاعته: ١- المكان مجمع التحرير ٢- المطلوب الباسبور وصورته وصور من الفياز اللي خدتها قبل كدة وممكن يطلبو صور من الحجوزات وطلب بتشتريه من هناك ٣- العملية بتروح المجمع وتطلع لمكتب اسمة ظابط الاتصال انصحك تطلب من العسكري انك تقابل الظابط شخصيا وتوريله الباسبور وتقوله مسافر فين بعد كدة هو هيقولك اذا كنت محتاج تصريح ولا لاء، طيب بتقف في طابور كبير (يا ريت تروح بدري) وتشتري الطلب وتملاه وتقف في طابور تاني عشان تقدمه مع صور الاوراق اللي فوق ٤- المدة مش اقل من اسبوع الي اسبوعين، بس انت بعد 7 ايام روح اسأل التصريح خرج ولا لسة — اخر معلومة لو انت مكتوب في باسبورك مهنة ذي مدير او صاحب شركة ممكن ماتحتاجش تصريح بس الظابط هو اللي يقول، مافيش حاجة تمنعك من انك تاخد التصريح طلاما طلاما مش مطلوب امنيا، بالنسبة للمدة التصريح لسفرية واحدة، اعتقد لازم تستلم التصريح بنفسك وربنا يوفقك.
موضوع الفيزا بياخد 3 ايام تقدم مثلا انهاردة تستلم بعد بكرة، ولازم كل الورق يبقي بالانجليزي، الترجمة بيبقي في مكاتب ترجمة معتمدة انصحك تتصل بالسفارة تستخدم مكتب الترجمة اللي هما بيرشحوه.
دلوقتى أنا حسابى البنكى لما عملته كنت قاصر و أتعمل بأسم والدتى فا أعمل ايه؟
و حاجة تانية هل لو عندى حساب فى البريد المصرى و عملت كشف حساب هل ينفع يكون بديل عن البنك؟
بص هو الحساب القاصر بيتكتب فيه اسمك برضه فلو مكتوب وهيظهر في كشف الحساب يبقي مافيش مشكلة، لو مش مكتوب ينفع تقدم كشف الحساب بتاع والدتك بس تثبت انها والدتك بشهادة الميلاد وطبعا لازم تكون بالانجليزي فا هتضطر تترجمها، بصراحة ماعنديش معلومة ان حسابات البريد يقبلوها ولا لاء بس ممكن تروح السفارة وتسأل عن الموضوع دة
استاذ مايكل انا عندي استفسار معقد شوية بالنسبة للسفر لتايلاند ( شهر عسل )
دلوقتي انا شغال في السعودية المهنة مهندس وزوجتي لسه طالبة ف هندسة ,
هي دلوقتي عندها باسبور ومقيد فيه اسم الزوج
انا دلوقتي هنزل قبل الفرح ب اسبوع بس ,
دلوقتي هي الي مكتوب ليها ف الباسبور المهنة ( ثانوية عامة ) اخر مؤهل حاصلة عليه ف كدة مش مكتوب مهنة
اسئلتي ليك بقا : هل ممكن انا اطلع الفيزا الخاصة بيا انا فقط من سفارة تايلاند هنا ف السعودية واقدر اسافر بيها من مصر عادي ؟
تاني سؤال : بالنسبة لزوجتي هي دلوقتي هتحتاج ل ايه عشان تقدر تطلع الفيزا من القاهرة عشان زي م قولتلك هي لسه طالبة والي مقيد ف الباسبور ثانوية عامة ؟
تالت سؤال : ايه لازمة التصريح الامني اساسا وهل لازم اطلع تصريح امني ليا وليها ؟ انا عمري م اتسالت ع تصريح امني وانا مسافر ل السعودية وكذلك لتصريح العمل عشان فيه ناس كانت بتقول لازم تصريح عمل
رابع سؤال معلش وده اهم سؤال : لو انا هطلع الفيزا من مصر وانا شغلي اساسا في السعودية هجيب خطاب العمل منين !! هل وقتها اجيب خطاب عمل من شركتي ف السعودية وهل ده هيعتد بيه هنا ف السفارة ولا الحل هيكون ايه ؟؟
واخيرا عشان مطولش عليك نصيحتك والخلاصة ف الحالة دي ايه افضل حل واكون شاكر ليك واسف على الرغي الكتير بس انا ف حيرة فعلا 🙂
اهلا بيك ومبروك مقدما، افضل حل انك تجيب الفيزا انت وزوجتك من هنا من مصر، الموضوع بياخد 3 ايام فا هتلحق، وتقدموا الورق مع بعض طلاما مكتوب اسمك في الباسبور بتاعها وتجيب معاك خطاب عمل من السعودية عادي مش هيعترضوا عليه (نفترض انك في مأمورية في مصر)، وباقي الورق من حجوزات وكشف حساب وكده. سؤالك الاول ايوة ينفع تقدم من عندك طلاما معاك اقامة في السعودية، وتسافر من مصر عادي. بالنسبة لموضوع التصريح الامني مش مطلوب ليك لانك عندك وظيفة في الباسبور، لاكن مطلوب لزوجتك لانها طالبة ولازمته ولا حاجة، قرار سخيف ملهوش اي لازمة الحكومة بتخنق بيه الشعب. وربنا يوفقك
طيب انا مش بشتغل ونفسي اسافر اعمل ايه
اهلا بيكي، اعملي كانك بتشتغلي وهاتي خطاب عمل من حد من معارفك او اصحابك، او ممكن تعملي ورق شركة وتبقي مش بس بتشتغلي لاء صاحبة شركة، وده طبعا علي الورق بس، الموضوع بيتكلف في حدود الفين جنيه لورق الشركة. وربنا معاكي
شكرا يا استاذ مايكل على ردك الوافي , بس هل اكيييد التصريح الامني مطلوب ؟؟؟ هل حد سافر تايلاند تعرفة تم ايقافه ومنعه من السفر بسببه او اتسال حتى عليه ؟
انا سالت شركة سياحية بتعمل رحلات وعروض الى تايلاند اسمها ايجي ترفلر
اكدلي ان تصريح الامن الى تايلاند غير مطلوب نهااااائي
وبالظبط قالي اندونسيا وماليزيا ملهمش تصريح امني بس لازم يكون مثبت ف الباسبور المهنة
اما تايلاند لا بتطلب تصريح امني ولا حتى مهنة مثبتة ف الباسبور , ف دي معلومة لو فعلا صحيحة ياريت تعرف الناس بيها من خلال مدونتك ويكون افدنا الناس برضه ولو معلومة غلط يبقا برضه مفيش مشكلة .
اهلا بيك، وشكرا علي متابعتك، هو كلامك مظبوط فعلا. انا ماحدش سالني بس انا مكتوبلي وظيفة ومش عارف حد جرب من غير وظيفة ولا لاء ومع كل احترامي للشركات، اللي يفصل في الموضوع ظابط الاتصال في مجمع التحرير (مع العلم اني حاسس انهم مش بيسالوا علي اي بلد اصلا دلوقت في المطار) بس الكلام احساس مش مؤكد، طلب اخير يا ريت لو تشيل اللينك لانه يعتبر اعلان لشركة سياحة وهنا المعلومات كلها مجانا بدون مقابل، الف شكر
مايكل يا ريت فكره سريعه عن عملية ترجمة السجل التجارى للإنجليزيه
بتروح عند اي مكتب ترجمة معتمد وتديهم الاصل بيصوروه ويترجموه وبيرفقوا الصورة بالترجمة ويختموا عليه، انصح تروح مكتب من المكاتب اللي بترشحها السفارة اللي رايحها بتبقي بياناتهم موجوده علي الموقع او تروح السفارة تسال وربنا يوفقك
مساء الخير اولا اود ان اعرف ما هو صيغة خطاب العمل وإذا كانت الزوجة لا تعمل و سوف تقدم الفيزا مع الأبناء فقط بدون الزوج ما هي الأوراق المطلوبة البديلة لخطاب جهة العمل لها مع العلم ان لها كشف حساب مستقل
اهلا بيك صيغة خطاب العمل ممكن تجيبها من النت بس عموما لازم تغطي الاسم بالكامل زي الباسبور والوظيفة والمرتب وان مافيش مانع لدي الشركة من السفر، موضوع الزوجة للاسف مش عندي المعلومة هما كاتبين خطاب عمل او سجل تجاري، ممكن تروح السفارة وتسأل قبل ما تقدم، الاطفال عن تجربة مش محتاج منهم حاجة وورقهم بيتقدم مع الام او الاب.
لو سمحت عايز اتواصل معاك على الفيس بوك
اهلا بيك، الفيسبوك بتاعي موجود في اخر المدونة لاكن انا افضل تكتب استفسارك هنا عشان الناس كلها تستفيد
شكرا يا مايكل على تعبك معانا كنت عايز استفسر عن حاجة دلوقتى هوا انا ممكن اقدم لزوجتى من غير متكون موجودة انا اللى هروح السفارة هقدم ليها وليا.
تانى حاجة انا خطبتى لسا طالبة بس مكتوب كتابنا ومعايا عقد الزواج بس مكتوب فى جواز السفراعزب هل حوار طالبة ده لازمها تصريح امنى بردو وهل ترجمة عقد الزواج بيحتاج انه يتختم من الخارجية ولا ايه ؟
تالت حاجة وانا اسف انى بسأل كتير انا حاجز السفر فى يوم 1/8/2016 هل ممكن اقدم على التأشيرة من دلوقتى ويدهوالى بتاريخ اللى هسافر فيه ولا لازم استنى واقدم من قبلها بكام يوم عشان لو قدمت دلوقتى مدة التأشيرة هتنتهى قبل مسافر ولا ممكن عادى دلوقتى وتاريخها يبدأ مثلا من 1/8
اهلا بيك، اولا ينفع تقدم لزوجتك لو معاك عقد زواج، عقد الزواج لازم يكون مترجم بس مش مطلوب ختم الخارجية، بالنسبة ليها كطالبة ممكن يطابوا تصريح سفر انصحك تتاكد من المجمع وقولهم انها مسافرة معاك، موضوع ان الجواز مكتوب فيه اعزب مش مشكله طلاما معاك القسيمة، لا مش هيردوا انك تقدم بدوي كده قدم قبل السفر بشهر بالكتير وكده كده الفيزا بتخلص في يومين، والف مبروك وربنا يوفقك
استاذ مايكل، لو سمحت هو في انترفيو في سفارة تايلاند ؟ او ممكن يتصلو بالشركة الي في خطاب العمل لو انا جايبه من صديق او عمله بنفسي بختم شركة ؟ شكرا
لا مافيش انترفيو ولا بيتصلوا هما مش بيرخموا يعني الموضوع بيعدي
استاذ مايكل مساء الخير..بعد اذن حضرتك عندي استفسار بخصوص حجز الطيران المبدئي من موقع ترافيل ستارت..المفروض ده اعمله واطبعه قبل معادي مع السفارة علي طول عشان يكون نظريا لسة ساري معداش عليه ٢٤ ساعة ولا ممكن اعمله واركنه عندي فترة كبيرة واقدمه لما اروح السفارة عادي؟
اهلا بيك، انصحك تعمله قبل ما تروح علي طول عشان لو عملوا تشك يبقي انت في السليم
طيب ممكن الحساب البنكي يكون باسم الزوجة ؟ مع العلم اني هكون لسة متخرجة و مشتغلتش يعني مفيش جواب عمل بس عملت شهادة قيد من الجامعة
ممكن طبعا بس لازم ما يثبت انك الزوجة، يعني يبقي مكتوب اسم الزوج في باسبورك او يبقي موجود قسيمة زواج مترجمة بالانجليزي
للاسف مفيش حاجه اسمها حجز طيران وهمى لان الموقع مفيهوش اختيار ( دفع فى حساب الشركه ) الموقع فيه debit or credit بس
لا هو كان في ساعت ما البوست دي اتكتبت لاكن دلوقت الموقع شال الاوبشن دة
بعد مساء الخير انا بعمل في الكويت و سوف اقدم علي تأشيرة من القاهرة هل ممكن اقدم خطاب من جهة العمل من عملي بالكويت و هل ممكن كشف الحساب من بنكي في الكويت و شكرًا جزيلا
اهلا بيك، بصراحة ماعنديش معلومة مؤكدة بس منطقي انه ينفع مافيش ما يمنع هو بيبقي عاوز يضمن شغل ومصدر دخل
بعد اذنك عندي استفسار :
انا مصري وعايز اسافر لبنان لمده اسبوع سياحة وطالب في كليه تجاره وكل الي معايا 10000ج المفروض اعمل ايه ياعني دورت كتير على الاوراق المطلوبه للتأشيرة ومش عارف تنفع ليا ولا لا
ياعني ورقه من جهه العمل اجيبها من الجامعه ولا ايه لاني انا طالب ومابشتغلش والوظيفه الى مكتوبه في البطاقة اني طالب فالمفروض اعمل ايه
ولو سافرت وحبيت اخد التأشيرة من المطار في لبنان مكتوب ان المفروض يكون معايا 2000 دولار او شيك وانا معيش المبلغ ده بس لو اتصرفت وحطيت المبلغ ده في حسابي وطلعت بيه شيك مصدق وسحبت الفلوس بعد كده وقدمتلهم الشيك ده هايبقي فيه مشكله ياعني هايستعلموا عن الرصيد الى موجود في الحساب ولا مجرد الاطلاع فقط
ارجوا الرد واسف على الاطالة
اهلا بيك، اولا لو انت ليك جيش مؤجل علي حساب الجامعة كان في قرار نازل انه مش هيدوك تصريح سفر من الجيش غير لو طالع حج او زيارة للاهل، ثانيا موضوع الشيك ده مش صحيح لازم يشوفوا كاش عشان تاخد الفيزا، ال 10 الاف يعملولك رحلة حلوة بس موضوع انك لسة طالب ممكن يبقي عائق، انصحك تشوف موضوع الجيش وباعدين تسأل في السفارة علي موضوع انك طالب ومش بتشتغل وربنا يوفقك
كريم انا سفرت قبل كده لبنان
بص حتة طالب ديه انا مش متاكد منها بس انت غالبا بتجيب ورقة بالقيد من الكليه.
و كلم السفارة و في وحدة هترد عليك و هتسعدك جدا
لو قلتلك مينفعش طالب( و انا لا اظن )فخلي اي حد تعرفوه عنده شركة يعملك ورقة انك بتشتغل في شركته.
بالنسبة لل ٢٠٠٠ دولار فدول لازم و مش هينفع الكلام اللي انت قولته.دول لازم يبقوا معاك كاش و انت في المطار مع ورقة الشغل او انك طالب مع حجز فندق و حجز الطيران رايح جاي.
حاول تستلفهم من حد . سافر بيهم و ارجع ادهملوا تاني.
لبنان جميلة جدا و بيحبوا المصريين جدا و خصوصا عادل امام
اخر حاجة حاول تضبط وسطة في المطار علشان هيه ليها تصريح امني . هما نادرا جدا لما بيرزلوا علي حد مسافر للبنان بس احتياتي يعني.
مش هتعرف تتطلع تصريح امني لانك مش معاك فيزا.
احطياطي*
مايكل موفقوش خالص يدوني الفيزا بسرعة ده كمان رجعوني علشان مشكلة بسيطة في كشف الحساب و لسه هروح بكرة تاني. انا عايز اسألك سؤال بقي ضروري . هو انا لو خت الايصال ده يبقي كده خت الفيزا اكيد و لا ممكن لأ.
لان انا كده متأخر فلو بكره ان شاء الله خدت الايصال هحجز الطيران بكره علطول
شكرا لايفادتك دايما
اهلا باشا، ماتقلقش لو خدت الايصال يبقي هتاخدها اكيد هما لو في مشكلة بيرفضو الورق من الاول، ناس محترمة
عندى سؤال انا عندى كشف حساب بنكى من زمان شغال سحب واداع المهم انا طبعت كشف الحساب بتاع يوم 12 12 2016 وطبعت اهر 6 شهور دولوقتى فات على الطبع شهر تقريبا ينفع اقدم بيه والا اطبع واحد تانى
عندى سؤال انا عندى كشف حساب بنكى من زمان شغال سحب واداع المهم انا طبعت كشف الحساب بتاع يوم 12 12 2016 وطبعت اهر 6 شهور دولوقتى فات على الطبع شهر تقريبا ينفع اقدم بيه والا اطبع واحد تانى رجاء الرد
استاذ اسلام ايه هي المشكله في كشف الحساب ؟
لاني للاسف غلطت وطلعت كشف الحساب بالعربي
هي ده هيعطل الفيزا ؟
شرح جميل جدا جدا و وافي
بس عندي استفسارات رخمة معلش
لو انا معايا الفلوس لكن مفيش كشف حساب بنكي أو عمل ثابت هل في أمل اني اخد الفيزا ؟
أو لو الشغل موجود و مفيش كشف حساب ممكن اروح البنك النهاردة و اقدم علي فيزا بعد يومين
وﻻ ﻻزم موضوع الست شهور ده؟
و شكرا
لا للاسف مافيش امل، لو مافيش شغل ممكن تعدي لاكن مافيش كشف حساب مش هتعدي، ممكن تعدي لو الكشف من 3 شهور لاكن مافيش خالص انسي، لاكن ممكن تقدم كشف حساب بأسم والدك وربنا يوفقك
استاز مايكل استفسر منك لو ماعنديش حساب في البنك بس معايا دفتر توفير وكان فيه 40000 بس دلوقتي فيه بس خمسه وبصراحه مش معايا الاهما في اي طريقه تانيه
ممكن كشف حساب والدك او والدتك مع اثبات صلة القرابة
أصلي شغال و احتمال استقيل قريب جدا
طيب كشف حساب الشغل بيتحط فيه مثلا الف جنيه المرتب بعد الخصومات ههههه و بيتسحبوا علي طول
ممكن احط فيه 10 اﻻف النهاردة و اطلع كشف حساب بعدها علي طول و اروح أقدم بيه وﻻ ﻻزم بالتدريج و علي فترة 3 شهور
ايوة طبعا ينفع جدا، مش مهم بيدخل اد ايه وبيطلع اد ايه، المهم يبقي في 10000 ويكون عده علي فتح الحساب 3 شهور وطبعا في حركة اللي هي المرتب ف انت كدة في السليم
يا باشا
دا بتاع مرتب
يعني فاضي ههههه
ينفع احطهم فيه مرة واحدة النهاردة مثلا
و اطلع الكشف بعد بكرة
و اقدم بعد بعده
ينفع، مع تايلاند ينفع، حط المبلغ وطلع الكشف وباعدين ماهو بتاع المرتب ده يعني بينزل فيه مرتب وباعديها بساعة بتسحبه عادي ماهو كده في حركة سحب وايداع اهو وانت لما تحط المبلغ يبقي كمان الرصيد النهائي مغطي تبقي انت في السليم، قدم وهينفع بعد بكرة ينفع، وربنا معاك
مايكل شكرا لمعلموماتك جدا . بص انا عندي مشكله . انا مسافر انا و خطيبتي تايلاند في شهر ٨ .بس هيا مش شغاله يعني مفيش اتش ار letter.و بصراحه منعرفش حل يجيبو . ولسا كمان مكتبناش عقد الجواز .فهل لو قدمت هيا جميع الاوراق ماعدا خطاب من جهه العمل دا .الفيزا تتقبل ولا لا
علما بان يوجد كشف حساب ب١٥٠٠٠ جنيه
رد عليا يا هنري ضروري ?
الصبر يا عم عمرو انت لسة شهر 8، لاء مش هينفع هتستني لما تكتب الكتاب وتقدم الموضوع بياخد 3 ايام يعني لوقدمت قبليها ب 10 ايام تبقي في التمام، لو هي مكتوب طالبة ممكن تجيب شهادة قيد من الكلية وفي حالة انكم قدمتم كل واحد لوحده قبل كتب الكتاب لازم كشف حساب ليها هي كمان
الف الف شكر يا مايكل بيه
ربنا يخليك للغﻻبة و المشردين و اللي هيستقيلوا قريب هههه
طيب ممكن ينفع مع تركيا و غالبا مستحيل مع الشنجن
ينفع مع تركيا، الشنجن زود الفلوس شوية ل 20 او 30 وهينفع
مايكل
بعد التحيه شكرا مقدما لمساعده الاخرين
استفسار ببساطه اريد السفر للبنان انا وزوجتى للسياحه عده ايام شغال موظف فى شركه كبيره فى مصر ولدى تاشيرات سابقه منها شنجن انا وزوجتى هل للسفر مباشره للبنان احتاج الى تصريح امنى علما بان السن 32 سنه وزوجتى لا تعمل ومكتوب حاصل على ما الوضع لى ولزوجتى
اهلا بيك، انت ماجوبتش علي اهم سؤال المهنة اللي مكتوبة في باسبورك؟ بس عموما ينفع تطلع علي المطار علي طول ولو مكتوب مهنة يبقي مش محتاج تصريح
مايكل باشا..ازيك…انا كان عندى استفسار صغير وارجوك ترد عليه….هل انا محتاج شهادة تحركات عشان فيزا تايلاند ولا لا؟
لا خالص مش مطلوبة
انا معنديش بطاقه ضربيه ولاجهة عمل
لو لسة طالبة ممكن قيد من الكلية، بصراحة مش عندي المعلومة لو حد حاصل علي ومش بيشتغل
مايكل حبيبي انا رحنا خلاص و خدما ايصال , هل كرا معناه اننا هناخد الفيزا انشاء الله ؟
و شكرا بجد ل معلومماتك المهمه
اه مبروك كده انت هتاخدها مؤكد خلاص، بس ماقولتش عملت ايه في موضوع خطاب العمل
مايكل،انا خطيبتي لسه طالبه وهنقدم لفيزا تايلاند ايه اللي هي محتاجاه بالظبط وايه اللي ممكن اقدمه نيابة عنها؟
شكرا 🙂
تقدر تقدم الورق كله بالنيابة عنها، محتاجة شهادة قيد من الكلية وحساب بنك والحجوزات
مايكل انا من مصر
و كنت عاوز كام سؤال لو سمحت
عاوز اسافر النمسا او هولندا او اليونان ايه المطلوب
ثانيا
لو سافرت ماليزيا و انت طبعا عارف ماليزيا من غير تأشيرة و بعد ما ادخل ماليزيا حبيت ادخل سنغافورة ممكن ولا صحب
ارجو الرد
في الباسبور مكتوب صاحب شركة استيراد وتصدير
و في السجل استيراد وتصدير و نقل و تخليص جمركي
و لدي كشف حساب من سته اشهر معاملات تقريبا اتنين مليون و موجود في الحساب دلوقتي 30000 جنيه
ممكن الرد
اهلا بيك، المطلوب فيزا شنجن من اي بلد من دول، الورق بيبقي حجوزات و كشف حساب وخطاب عمل او سجل وبطاقة وتفاصيل الرحلة وبتترجم كل الورق الي الانجليزي وبتقدم تبع شركة تابعة للسفارة.
ماينفعش تسافر سنغافورة من ماليزيا الا لو معاك فيزا لسنغافورة، وربنا يوفقك
انا دلوقت عايزه اعرف بس لو قدمت التاشيرة لتايلاند هسافر ايمتي يبعدها انا طلعت تذكرني يوم الاحد ٢٢،،،هلحق اعمل التاشيرة ؟؟؟أصل منت مستنيه ورق عمل من الشغل
تلحقي طبعا، قدمي بكرة هتاخديها بعدها بيومين
انا عايزه اسافر ماليزيا ومكتوب ف الجواز عندي مضيفه طيران ايه المطلوب مني عشان اسافر ماليزيا وبعدين انا مسافره ماليزيا عشان هي من غير تأشيرة يعني ولا هيحتاجو ورق عمل ولا حاجه طيب هيحتاجو ايه التذكرة بس ؟
مش محتاجة حاجة غير حجز طيران واوتيل وتسافري علي طول، انصحك بس تتاكدي من مجمع التحرير انك مش محتاجة تصريح سفر، المفروض انك مش محتاجة خصوصا انك مكتوبلك مهنة ولو كنتي سافرتي قبل كده، لاكن فين ناس رخموا عليهم في المطار عشان موضوع التصريح
شكرا جدا علي الرد
طب ازاي اجيب فيزا لسنغافورة و انا في ماليزيا بالنسبه للحجوزات الطيران بتتلغي بعد 24 ساعة
لما اقدم في سفارة النمسا الرد بيكون خلال قد ايه علشان ميجيش يعمل تشيك علي الحجز يلقيه ملغي و ايه الحل ارجو الرد
ماينفعش تجيب فيزا لسنغافورة وانت في ماليزيا، لازم تجبها من مصر قبل السفر، بالنسبة لموضوع الحجز المبدئي هما بيبقوا عارفين انه مش مؤكد ولاكن في ناس بتشتري تزاكر قابلة لالغاء وتسترد فلوسك لو لاغيت بس بياخدو عمولة، ودي تخلي شركة سياحة تعملهالك وتاكد انك هتلغيها
شكرا عالمقال 🙂
كنت عايز استفسر, هو الفيزا السياحية لتايلاند 90 يوم؟ حتى لو كنت عامل حجز الفندق على بوكينج لمدة 5 أيام بس مثلا..
يعني ممكن حجز الطيران يكون لمدة شهر (المدة اللي أنا عايزاقيمها هناك) لكن حجز الفندق 5 أيام بس؟ ممكن؟
و كمان عايز اتأكد لو الفيزا ستاندارد 90 يوم… و يقبلوها حتى لو حجز الفندق المبدئي دا كام يوم بس..
شكرا مقدما
اهلا بيك، ايوة هي ستنادارد 90 يوم حتي لو هتقعد يوم واحد
اه و كمان معلش!
أنا كطالب, هل تصريح السفر من التجنيد و من الكلية يغني عن التصريح الأمني؟
(السنة اللي فاتت رحت أوروبا و مطلبوش تصريح أمني ولا حاجه, هو تصريح السفر من التجنيد بس)
لا للاسف مايغنيش، ده حاجة وده حاجة والسنة اللي فاتت ماطلبوش عشان اوروبا مش من الدول اللي محتاجة تصريح، وانت لو مكتوبلك وظيفة في الباسبور مش محتاج تصريح امني لتايلاند، انصحك تبدا بتصريح الجيش الاول عشان ده من غيرة مش هتعرف تسافر وربنا يوفقك
مايكل انا عارف تعبك معايا
بس زي ما اقولتلك انا كنت ناوي اسافر النمسا
و زي ما قولتلك اوراقي جاهزة بس فاضل اروح السفارة
بس عاوز اخد زوجتي معايا و تكون تاشيرة سياحه
ايه المطلوب
و كمان هي عمرها 18 سنه
و حامل الاقامه اد ايه 3 شهور و لا شهر
السؤال الاهم مراتي حامل و انا ناوي اكسر المده و اعيش هناك لو ولدت و احنا هناك الطفل ياخد الجنسيه و لا ايه اللي هيتم
ارجو الرد و شكراً
بص يا استاذ زكريا، لو حضرتك بتابعني هتلاقيني ماليش في السكك الشمال، فا انا ماعنديش معلومة هتعمل ده ازاي بس المعلومة المؤكده ان ابنك هياخد الجنسية لو اتولد هناك بس انت ووالدته هتبقوا قاعدين بشكل غير قانوني، وربنا يوفقك
شكرا جدا
good morning. Bs 3ndi so2l law sm7t
Hal eltasri7 al2mny lturkey s3b 7alya? ana mktoob f alpassport wazifa sa7ib sharika estirad wa tsdeer
Good morning, aywa nesbyan tasre7 turkey sa3b, momkin yob2a sahl law gebt visa zeyara msh seya7a, w bema en fe wazefa, then hyetla3 3ady
اساذ مايكل بخصوص استفسار لبنان الوظيفه مكتوبه فى الباسبور ولكن مراتى حاصل على فقط ها محتاج التصريح ولا اسافر على طول وهل ده متعلق بانك تكون فى جروب سياحى ولا مش لازم اسافر من غير جروب انا وزوجتى بس شكرا ليك
انا سافرت مرتين علي طول انا ومراتي وانا مكتوب وظيفة وهي مكتوب حاصل علي، وماكانش في مشاكل، بس انا برضه افضل انك تتاكد من المجمع وعموما طلاما هي هتبقي مسافرة معاك هيبقي مافيش مشاكل
بص يا معلم انا هقولك علي اللي حصل معايا بالظبط . السفاره مبتحتجش جواب من جهه العمل الا في حاله ان البطاقه مثبت فيها انك شغال او الباسبور .لكن غير كدا اي حد ممكن يقدم من غير خطاب عمل . تاني حاجه ان ممكن عادي شهادات او اي اثبات او دليل ان في 10000 جنيه في البنك باي وشسيله ماعادا الكريدت كارد. دا لكل الناس اللي بتسأل عن جهه العمل . بس اهم حاجه الحجوزات و ال اثبات ان يوجد 1000 فقط
و الحمد لله الفيزا طلعت وكله تمام. و شككرا لمقالاتك بجد ساعدتني جدا . بس فين بقي الجزء الثالث عن بوكيت
تمام جدا، اضافتلي معلومة جهه العمل دي، وهنزل موضوع عن بوكيت قريب ان شاء الله
تسلم يا غاالي علي الموضوع ..
سؤال
بالنسبه لكشف الحساب في البينك ينفع بأسم والدي او والدتي لو انا و اختي مسافرين ؟
و بالنسبه لتصريح الامن سهل اطلعو من المجمع و لا ممكن يترفض , هل هحتاج اكتر من تصريح لاني ماوي اطلع من تايلند علي كوريا و ارجع تايند تاني ؟
اهلا بيك، ينفع باسم والدك لان اسمه مكتوب في البطاقة، والدتك ينفع لو هتجيب شهادة ميلاد وتترجمها، وتايلاند مش محتاجة تصريح لو انت مؤهل عالي او مكتوب وظيفة، لو طلعت علي كوريا مش محتاج تصريح تاني، التصريح وظيفته يخرجك برة مصر بس كده وربنا يوفقك
تسلم يا استاذ مايكل علي الرد
تمااام , طيب بس احنا الاتنين طلبه هنحتاج تصريح ؟
و في رايك احجز احسن فنادق فين بأسعار كويسه و البرنامجبتاعنا نعمله ازاي نخليه مع نفسنا و لا نشووف شركه هناك ؟
و الفيزا بتبقي مدتها ساريه قد ايه من وقت ما بطلعها من هنا ؟
و اسف علي الاطاله
و اترجم شهاده المبلاد ازاااي و فين ؟
اعتقد هتحتاج تصريح سفر وانصحك تتاكد من المجمع، تحجز فنادق منين شوف الموضوع بتاع تقرير تايلاند، البرنامج مش محتاج شركة تعمله انت بنفسك افضل، دور علي النت الناس بتروح فين وشوف اللي يناسبك، ترجمه شهادة الميلاد في مكاتب تبع السفارة خد بياناتهم من هناك وربنا يوفقك.
انا محتاج اسافر تركيا مراتى ممرضه وانا مهندس جوده بس المشكله عندى انى معنديش كشف حسابات بس مراتى عنده علشان المرتب بتاعها بيتحول على البنك وعايز اعرف ايه اجراءات السفر والورق المطلوب ارجوك الرد
هتقدم علي فيزا زيارة عن طريق شركة سياحة وتقدم كشف الحساب بتاع زوجتك ليكم انتم الاتنين و الاوراق بالتفصيل مكتوبة هنا في المدونة، راجع باقي الموضوعات
مساء الخير لو سمحت كنت عايزه اسالك انا مسافره شهر عسل تايلاند و ماليزيا و حجزنا الطيران و الفندق خلاص و الطيران يوم ١٨/٧ ان شاء الله بس لسه مش طلعنا التاشيره لسه جوزى فى السعوديه و نازل يوم ٢٤/٦ ايه احسن طريقه اننا نطلع بيها التاشيره العام مكتوبلى فى الباسبور مهندس مدنى حر و كده هحتاج تصريح امتى و ولا لأ و الاحسن يطلعها هو من عنده قبل ما ينزل و اطلعوا انا من مصر و لا نستنى و نطلعها هنا سوا العام ان شغله فى السعوديه لانى قلقانه جدا يحصل حاجه فى موضوع التاشيره و احنا اصلا حجزنا خلاص الطيران و الاوتيلات و شكرا مقدما
اهلا بيكي، اولا الف مبروك، انصحك تطلعي التاشيرات من مصر ليكم انتم الاتنين وماتقلقيش هتلحقي لانها بتاخد يومين بس، لو انتي الطيران مصر تايلاند مش هتحتاجي تصريح سفر عشان مكتوب وظيفة في الباسبورات بتاعتكم، لو هتطلعي مصر ماليزيا يبقي هتحتاجي تصريح، وانصحك تتاكدي من المجمع قبل السفر، وماتقلقيش من الفيزا هما مش بيرفضوا حد طلاما الورق كله مظبوط وربنا يوفقك
انا مقيم في السعودية هل ينفع أجيب خطاب جهة عملي في السعودية باللغة الإنجليزية وكشف حسابي السعودي لأن الكشف المصري تعبان جدااا
ممكن جدا، مافيش ما يمنع
شكرا جدا على رد حضرتك بالنسبه للتصريح هو احنا طالعين من مصر تايلاند و بعدين ماليزيا و بعدين نرجع مصر هنحتاج برضو التصريح و هو بيحتاج وقت ايه و بصراحه انا فعلا خايفه منلحقش و يضيع علينا الحجز و هو شغله فى السعوديه لو هيطلع التاشيره من مصر يجيب خطاب عمل و كشف حساب من السعوديه عادى ؟ و سورى على الاطاله
لو مكتوب وظيفة في الباسبورات يبقي مش محتاجين تصريح، التصريح بياخد في حدود اسبوع، انتي عندك اكتر من 20 يوم هتلحقي، ينفع يجيب خطاب عمل وكشف حساب من السعودية
استاذ مايكل، شكرا علي المعلومات الوافية.
ممكن اعرف مكاتب الترجمة اللي تبع السفارة ايه? لو في مكتب مُرشح في السريع كده هشان عايزة اروح بكرة الصبح ف ألحق اترجم قبل ما اروح. و هل بيفتحوا بدري قبل 9 ??
شكرا جدا
للاسف انا ماعنديش معلومات المكاتب، بس ممكن تاخديها من فرد الامن بتاع السفارة
مساء الخير لوسمحت انا ان شاء الله طالعه شهر عسل تايلاند في شهر 9 بس لسه ماحجزناش وانا مابشتغلش فاعمل ايه ف ال hr letter وانا في البطاقه مهندسة حاسبات حر؟؟ وزوجي نازل قبل الفرح بفترة بسيطه فهل ينفع اطلعها انا من مصر وهو يطلعها من السعودية مع العلم اني كتبت الكتاب وفي الباسبور مكتوب متزوجه ؟؟ولا الاحسن بعد الفرح نطلعها مع بعض ؟ و موضوع حجز الطيران والفندق بجيبه منين لو بحجز ع السايت بجيب الورق منين اللي يثبت ده ؟؟ومشكرا لحضرتك مقدما
الحالتين ينفعوا بس لو معاكم وقت بعد ماينزل وقبل الفرح باسبوع مثلا يبقي افضل تاخدوها من هنا، لو زوجك مقدم خطاب عمل مش لازم انتي تقدمي طلاما مثبت انه زوجك في الباسبور، الطيران والفندق بعد حجز النت بتطبعي الحجوزات اللي بتتبعت علي الايميل وبتروحي بيها
شكرا عالمعلومات القيمه دي 🙂
انا طالب في كلية هندسه .. وفي جامعه هناك في بانكوك باعتتلي للدراسه لمده شهرين وباعتتلي كل الورق اللي هقدمه للسفاره..
اولا هل هيكونوا محتاجين في السفاره تأمين صحي ؟
ثانيا معنديش حساب في البنك ..فهل ده لازم؟
ولو لازم ..مينفعش اقدم كشف حساب لوالدي مثلا.؟؟؟
انا بصراحة ماعنديش اي معلومات عن السفر دراسة بس لو طالبين كشف حساب ينفع تقدم باسم والدك
انا مسافرة تايلاند في 7 ينفع اطلع كشف للحساب بتاع بابا بس في السعودية
هو عنده هنا حساب بس مش عليه اي تعاملات خاااالص ينفع احط فيه فلوس و اطلع كشف ولا بتاع السعودية ينفع ؟؟
استاذ مايكل…عندي كشف حساب قديم بس فاضي ..ينفع اعمل ايداع ب 10 الاف بكره مثلا..وبعد كده اخد كشف حساب
ولا لازم ال 10 الاف يكون عدي عليهم 3 شهور.. كمان معايا سجل تجاري بس منتهي او ملغي…ينفع استخدمه ولو ينفع وطلبو ترجمه..اترجمه ازاي وفين .. اخيرا الباسبور القديم فيه تاشيرات كتير ل الصين وماليزيا وتركيا ..وجاري تجديده..هل ده هيساعد ف الحصول علي التأشيره.. ممكن رقمك
بص فيزا تايلاند سهلة، ينفع تحط فلوس انهاردة وتطلع كشف الحساب بكرة بس اتاكد من البنك عشان ساعات الفلوس بتسمع بعديها بيومين، المهم يكون كان في عمليات في الحساب سحب وايداع، السجل الملغي مش هيقبلوه فا مش هيفيدك افضل تعمل جواب من جهة العمل وتاخد الباسبور القديم طبعا هيفيد
مساء الخير معلش سؤال انا طالعه مع خطيبى شهر العسل تايلند ان شاء الله بس كتب الكتاب هيكون يوم الفرح فمش هيكون فى عقد جواز اقدم بيه لان السفر معاده بعد 3 ايام من الفرح مش هلحق طبعا طيب ايه البديل عشان اطلع الفيزا وتانى سؤال انا متخرجه ومش بشتغل حاليا لكن مكتوب فى الباسبور بكالريوس فنون جميله هل هحتاج تصريح من كليه ولا ايه لو فى اسوء الظروف هقدم لوحدى عشان مفيش لسه عقد جواز ممكن اقدم كشف حساب بابا ؟؟
الحل ان كل واحد يقدم لوحدة وطبعا الورق يبقي كله موجود لكل واحد فيكم وينفع تقدمي كشف حساب باسم والدك وبالنسبة للوظيفة يفضل ان حد يعملك خطاب عمل كدة سوري لو مافيش يبقي لازم تسألي في السفارة
بعد اذنك يا مايكل عايزة اسال لو واحدة جوزها مسافر تايلاند ان شاء الله شغل 3 شهور تبع شركته وممكن تتمد كمان 3 شهور(bussiness visa) وعايز ياخد مراته معاه هى مش بتشتغل ومكتوب فى باسبورها اسم الزوج بالنسبة لموضوع حجز الاقامة لو الحجز الشركة بتعملهوله باسمه هو هل كده السفارة هتطلب منها حاجة اضافية خاصة بالحجز وكمان ايه الورق اللى تقدمه عشان تسافر معاه على طول وايه نوع الفيزا اللى المفروض تقدم عليها و شكرا مقدما
هتقدم سياحة عادي و بنفس حجز الاقامة بتاعت الزوج وكده كده الفيزا السياحة بتدي 90 يوم فا هيبقي نفس المدة
خلاص تمام كده شكرا لحضرتك
صباح الخير انا عايز اسئلك سوال بس انت دريت علي شخص فوق وقولتلو ان. تايلاند مفهاش انتر فيو وبعد كده. رديت علي. شخص تاني. معاه باسبور قديم. وقولتلو. خدو. معاك. هيفيدك ممكن اعرف بقي. هيقدم الباسبور امتي اذاي كان. مفيش انتر فيو لمجال النقاش والورق اللي. مطلوب. بس. هو اللي هيخطو. ويرجعوه يعني انا محتاج اعرف الرد علي الموضوع دا. لان انا. لسه. مغير الباسبور والباسبور القديم. هو اللي. عليه. تاشيرات. بس. مش كاتبين في المطاليب باسبور قديم فا هل انا. اضيفو بمزاجي. ولا اعمل ايه
مافيش انترفيو بس في موظف هتقدمله الورق علي الشباك، لو الباسبورالقديم فيه تاشيرات خده معاك، هما مش هيطلبوه وفي الغالب بيدوا الفيزا لكل الناس، لو حاسس انه هيدعم خده لو حاسس انه هيعطل ماتاخدوش
مساء الخير يا مايكل
لو فاكرني انا كنت قولتلك اني هستقيل
دلوقتي رافضين يدوني خطاب جهة عمل في الشغل
عشان عارفين اني ماشي قريب و بيرخموا
و شوفت في الكومينتات انه مش ضروري طالما مثبت في البطاقة و الباسبور
يعني اروح و انا مطمن
لا مين قال مش ضروري؟ لازم خطاب عمل طلامة بتشتغل، ممكن اي حد يعملك خطاب عمل حتي لو من شركة تانية
أستاذ مايكل ازيك يا باشا أنا قرأت التعليقات كلها وعرفت إني مينفعش نقرب من أوربا بسجل تجاري معداش عليه سنه ففيه رأيك أنا فني إنتاج بشركه راتبي 1200جنيه وعندي حساب بنكي معدي عليه 1سنه وحاطط فيه 40ألف علما بأني مدور الحساب كل شويه وسافرت السعوديه من شهرين فينفع اظبط المهنه فني إنتاج وخلاص وجواب من الشركه بس شايف إني المرتب قليل ولا ايه رأيك لأني بصراحه موال إني اظبط مع حد وأعمل جواب من شركته وكده فمش هسلك فيه بصراحه ايه رأيك يا باشا وأسف علي الاطاله
خليك زي مانت فني انتاج و طلع الجواب من الشركة بس خليهم يكتبوا مرتب اكبر شوية، علي الورق بس يعني لو مانفعش قدم كده (لو مسافر تايلاند)
لاكن لو اوروبا لا مش هينفع 1200 جنيه يقولك انت مش هيبقي معاك مصدر دخل يغطي السفرية
أستاذ مايكل ? ، معلش سؤال تقني..
هو لو انا معايا الفيزا و تذكرة الطيران و كله تمام، هل الموظفين اللي بشوفها الباسبور و التذكرة و كدة في المطارات أثناء رحلة الذهاب بيهتموا بتذكرة رحلة الذهاب بس ولا الاتنين؟ يعني لو الفيزا من يوم 10 ليوم 20، لكن تذكرة العودة يوم 25 (لاني ناوي أمد الفيزا) هل دا يعمل مشاكل أثناء رحلة الذهاب؟
شكرا
لا مايعملش مشاكل من الموظفين في المطار هنا، لاكن ممكن يعمل مشاكل في المطار هناك وانت داخل، ممكن يسالك انت هتقعد ليه وتكسر الفيزا فا لازم تبقي متاكد انه ينفع تمد الفيزا وتبقي حافظ الاجرائات
ممكن أسأل ا/ مايكل إلى فتح الحساب فى بنك إلى اقدر اسحب من atm فى تلايلند
تم الرد علي التعليق الاخر
اية أفضل بنك افتح الحساب ونوع الحساب اية علشان اقدر اسحب من atm فى Thailand
اي بنك هتطلع منه كارت فيزا او ماستر يكون بيشتغل دولي، لازم تاكد وانت بتفتح الحساب انك عاوز كارت يشتغل دولي، انا كنت بشتغل ب كارت بنك الاسكندرية، نوع الحساب توفير عادي
الأستاذ مايكل فينه
تم الرد يا زعيم، انا موجود
أستاذ مايكل أنا عملت بطاقه ضريبة وسجل تجاري لمكتب استيراد وتصدير بس فيه مشكله بتوع الضرائب سألوني عايزه البطاقات للسفر قلتلهم آه اعطوني كعب بالبطاقة ومدتها 3 أشهر وخلصت السجل التجاري ازهب بقي علي السجل المدني وأغير البطاقه وهل فيه مشكله في البطاقه الضريبية 3أشهر موقته هينفع أقدم بيها للسفارات
عبتنفدلنا ليه بس أستاذ مايكل
مايكل انا مسافرتش قبل كده والباسبور فاضى هل محتاجين شهادة تحركات ولا عادى لانها بتاخد وقت وانا مش فاضى
مايكل احنا الحمدلله طلعنا التاشيرات و مسافرين يوم ١٨ ان شاء الله كنت عايزه بس اسال على حاجتين هيا الرحله ١١يوم منهم ٤ فى ماليزيا عايزه اعرف تقريبا هحتاج فلوس معانا فى المتوسط كده قد ايه و كمان الفيزا شغاله هناك عادى و لازم اطلع تصريح امنى لماليزيا مع العلم هدخلها من تايلاند مش مصر و كمان لازم فعلا يكون معايا و انا داخله ماليزيا الف دولار لكل شخص و شكرا مقدما
انا وزوجي طالعين شهر العسل في تايلاند وهو هيطلع التاشيرة من السعودية وانا هطلعها من مصر ومكتوب في الجواز بتاعي متزوجه هل ممكن اقدم كشف حساب لزوجي مع انه مش هيطلعها معايا من مصر ؟؟ والتاشيرة مدتها فعلا 3 شهور يعني لو طلعتها في شهر 7 ممكن اسافر في اخر 9 ؟؟
هل ممكن في سفارة تايلاند يقبلو ب hr letter من شركة في السعودية لان شغل زوجي في السعودية
معلش كمان ايه مواصفات ال hr letter هل لازم يتوثق من الخارجية او من السفارة المصرية ؟؟
عايزه استفسر ع حاجه انا حسافر أنا وجوزي بعد كتب الكتاب بيوم واحد لتايلند وأنا طالبه ممكن استغنى عن جواب HR والبنك استيتمنت كشف حساب البنك والباسبور بتاعي لسه متكتبش فيه اني متجوزه ولا عندو بردو فيه طريقه أسافر من غير HR وكشف البنك
انا كنت عايزه اعرف ايه الأوراق المطلوبه و ان زوجي في دبي و مكتوب في الباسبور اسم زوجي فما هي الأوراق المطلوبه
انا كنت عايزه اعرف ايه الأوراق المطلوبه و ان زوجي في دبي و مكتوب في الباسبور اسم زوجي فما هي الأوراق المطلوبه للحصول علي الفيزا تايلاند
ا/ مايكل شكرا ع المعلومات الجميلة
عندي تعليق و سؤال
في موضوع حضرتك للسفر لتايلاند مجبتش سيرة تصريح سفر خالص بس الناس في تعليقاتها بتسأل علي التصريح الأمني
سؤالي هو لو هسافر انا و مراتي لتايلاند لازم تصريحي امني ؟
انا مكتوبلي مهنه و هي طالبه
و شكرا مره تانيه
أستاذ مايكل لو سمحت كنت عايز أستفسر عن شيء: أنا رايح تايلاند شهر عسل فخطاب البنك ده اللي فيه 10 آلاف باقدمه لي أنا وخطيبتي ولا هي واحد وأنا واحد؟
وسعر التأشيرة دلوقتي كام؟
وأنا لو مكتوبلي “صحفي” في الباسبور هل لازم أطلعلها هي تصريح أمني لو مكتوب في الباسبور بتاعها اسم المؤهل؟
شكرا
واستفسار تاني معلش
خطاب البنك ده لو أنا مسافر في شهر أكتوبر.. أعمله من امتى؟ هل ينفع دلوقتي؟
اشكرك اخي الكريم … لكن في تفسير مهم .. كشف الحساب ده لازم يترجم لاي سفارة مش تايلاند بس … و الكشف ده افضل و احسن طريقة يتعمل بها ازاي و منين ياريت تفيدني و خاصة اني ماليش حساب بنكي فعلي .. و موضوع الحجز الفندقي و الطيران ده لمده 24 ساعة صح .. يعني ينفع اعمله و اروح مثلا سفارة زي بولندا بياخدوا الورق و تستلمه بعد تقريبا من 10 الي 15 يوم تقريبا و لا دي ساعتها محتاج فعلا اعملهم في شركة سياحة عشان اغطي المده دي …. و بالنسبة للتأمين الصحي محتاج انا اعمله في شركة سياحة ولا ده برضه ليه صرفة … أخيرا بعتذر لأسلتي الكتيره و منتظر الرد
معلومات رائعة الف الف شكر
بعد اذنك احنا في 2017 في تغيير في الحاجات المطلوبة ولا زي ما هي
الحاجة التانية ينفع اسافر الامارات وبعد كده كوريا وانا معايا فيزا تايلاند
ولو ينفع احجز من دلوقتي وانا ف مصر ولا لما اسافر ابقى احجز من كوريا وشكرا
طب بعد اذنك انا عايز اسافر زيارة شهر مثلا علشان انا خطيبتي تايلاندية وشهر وهترجع معايا مصر
المفروض ابدأ ازاي دلوقتي او هي ممكن مثلا تبعت invitation
ارجو الرد وشكرا استاذ مايكل
سلام استاذ مايكل
هل لازم اطلع تصريح امنى
انا عندى ٤٠ سنة وزوجتى ٣٤ سنة والمهنة فى الجوزات بتاعتنا حاصل على بكالوريوس تجارة
وجهة السفر تايلاند
استاذ مايكل , استفسار عايز اقدم على تاشيره تايلاند سمعت ان رسوم التاشيره مجانا ليوم 28/2 علشان العيد القومي عندهم انا الوظيفه فى الباسبو مرشد سياحي لكن انا مبعملش فى اى شركه بسبب سوء السياحه حاليا اقدم ولا لازم خطاب عمل وعندي حاليا سجل تجاري وبطاقه ضريبيه مكتب استيراد وتصدير لكن المكتب مشتغلش لسه ايه الصح اللي اعمله ر
صباح الخير ..
بعد اذنك انا سافرت تايلاند قبل كده لازم اعمل جواب جهه العمل برضه وأقصى مده لانتهاء التأشيرة قد ايه وشكرا
صباح الخير
انا عايز اسافر انا والأولاد
لازم اخد الأولاد للسفاره
من فضلك مستر مايكل
إيه الفرق فى فيزا تايلاند بين S فى خانه ال NO.OFENTRY وغيرها من الحروف
وهل فيزا تايلاند فئات مختلفه أم لا
أنا واخد فيزا تايلاند بالرمز ده وحابب أفهم من حضرتك
ولحضرتك جزيل الشكر والتقدير
استاذ مايكل من فضلك نا عايز اسافر تايلاند ان شاء الله علشان استورد حجات من هناك في مشكلة ف كدة ؟
يريت ترد عليا ضروري وايه اهم النقاط اللي اخدها ف الاعتبار
سكرا لحضرتك
لو سمحت انا مسافرة شهر عسل ولسة مش هناخد عقد الجواز دلوقتي انا هسافر بعد الفرح علي طول وحجز الاوتيل باسم خطيبي ده عادي هيفهمو ? وكمان خطاب جهة العمل مكتوب موجهة لمين بس وبشتغل من امتي ومرتبي كام مفهوش اني مسافرة من امتي ل امتي زي منتا كاتب
وكمان الباسبور بتاعي مكتوب طالبة عشان قديم مع العلم اني سافرت قبل كدة دبي وانا بشتغل مش بدرس من 2012 لو تقدر تفدني
معلش فدني لو سمحت
لو سمحت محتاجة حد يسعدني ضروري لاني بجمع الورق دلوقتي وهقدمة وخايفة يترفض
ممكن اعرف لو روحت سياحة 10 ايام تكلفة التذكرة رايح جاى بالاوتيل كام
صباح الخير يافندم
دلوقتي حضرتك اتكلمت عن الحجز المبدئي للطيران دة لو تايلاند ومدته 24 ساعة
طب لو انا مقدمة على فيزا لكندا وكدة وعملت حجز مبدئي وقدمته فنفس يوم المقابلة كدة الحجز هيخلص قبل ميبصوا عليه هل دي هتكون مشكلة ؟ ولا رايك اعمل ايه ؟
ملحوظة انا مطلعة قبل كدة فيزا شنجن بس كنت حاجزة حجز مدفوع وماكد بس بتاعت كندا خايفة احجز عاافاضي غير اني مش محددة لسه هسافى امتة بس مبدئيا بيكون في شهر يوليو وعاوزة اقدم عالفيزا فابريل فاهمني ارجو الرد
الف شكر استاذ مايكل فعلا تقرير ممتاز
من فضلك ما المطلوب بالظبط فى خطاب العمل المقدم لسفارة تايلاند
انا اعمل فى جهة حكومية ولايوجد خطابات تصدر من العمل غير شئ واحد وهو بيان حالة وظيفية مكتوب فية تاريخ بدء تواجودى فى العمل وحالتى فى العمل من حيث الدرجة الوظيفي وتقارير عنى كل سنة وهل لدى الموظف جزاءات من عدمة هل هذا هو المطلوب ام خطاب بايام الاجازة ؟واذا كان العمل لا يستخرج خطابات بالأجازة وتاريخها؟ وشكرا
لو سمحت انا جوزي مسافر امتحان في تايلاند
الفيزا اللي هيقدم عليها تبقى سياحة ولا ايه
وخطاب من جهة العمل اللي هو ايه يعني اقولهم ايه بالظبط
ولو انا مسافرة انا وابني سنه سنة المفروض انا كمان يبقى معايا خطاب جهة العمل وباقي الورق ؟
موقع مفيد وشكرا للأستاذ مايكل واستفساري اني عايز اسافر معرض زراعي وانا مهنتي مندوب مبيعات بالخارج وانا حاليا بمصر فهل احتاج خطاب عمل وصيغته ازاي وبيكون مترجم ولا لاء وهل احتاج لموافقة أمنية وسني 48 سنة علما بأن زيارة المعرض خاص بنشاط الشركة الزراعي
انا معايا كشف حساب بنك لكروت ائتمان و فيه حركة مشتروات كويسة و ايداعات
انا عندى واحد البسبور بداعه فيه عامل عادى وعايز يسافر تايلاند سياحه
ايه الاوراق المطلوبه
وهل من الضرورى وجود حساب بنكى
وهو بيحجز ذهاب وعوده ولا ممكن ذهاب بس وقبل ما يرجع يحجز عوده
حضرتك انا طالب في سنه رابعه ومسافر عادي ولا هيرفضو الورق وحاجه كمان كشف الحساب لو جديد عادي
بصراحة اشكرك على شرحك والتفاصيل
مرحبا يا استاذ. انا أردني اعمل في شركة في مصر منذ ثلاث اشهر كمدير مشتريات. أرغب في السفر إلى تايلاند كمندوب عن الشركة لتوقيع عقد وشراء بضاعة للشركة .فهل في امكانية اطلاعي على ما يجب علي عمله للحصول على تأشيرة دخول إلى تايلاند. ولكم جزيل الشكر
لو سمحت انا من إسكندرية ومحتاج استخراج فيزا من إسكندرية
من فضلك انا مقيم في الخليج اتصرف ازااي في موضوع خطاب العمل ده والسجل التجاري وللاسف لازم اسافر من مصر لانى لازم اخد ابنى معايا رحله ممتعه زي ديه وهو عايش في مصر .. تقدر تفيدنى من فضلك
اهلا بيك استاذ مايكل
كنت حابب اسال حضرتك عن تاشيره تايلاند انا وديت ورقى والبسبور وكشف الحساب لشركه سياحه بس بعد ثلاثه ايام الشركه قالتلى هات اصل خطاب العمل بتاع الشغل
وفعلا بعتلهم وكشف الحساب سليم وفيه مبلغ معقول وفيه تحركات سحب وايداع لمده سنه
بصراحه قلقان بعد كل ده يرفضوا
انا كنت عايز اسئل لو انا ومراتى هاحتاج اترجم قسيمة الجواز عشان مش مكتوب فى الباسبور كشف الحساب لازم يبقى فى حدود كام هشان انا طلعتوا ب ٢٢٠٠٠
ليبي مقيم بمصر هل فيزا صعبة ؟
وهل تطلع بسرعة زي مصري ؟
طيب بالنسبة لو مسافر للمشاركة في مؤتمر، هل كشف الحساب البنكي ضروري? وهل لازم المبلغ ده يكون موجود فيه ?
باسبوري مكتوب فيه وظيفة رسمية حكومية.
أستاذ مايكل مساء الخير ممكن بس اعرف التكلفة المتوقعه انا عارف أنها مش بلظبط بس تقريبية لمده أسبوع انا ومراتى وابنى 4سنوات وبنتى 7سنوات من طيران وفندق ومصارف داخليه انا عارف ان التكلفة مش هتكون اكيدة يعنى قولى رقم وانا فاهم أن الرقم ده تحت العجز والزيادة وانا آسف انى سوالى رخم شويه وشكرا لحضرتك
انا في السعودية لزيارة و اخر الزيارة بعد اسبوعين و ارغب في السفر للعمل و الاقامة لتايلاند او اي بلد لا تحتاج لصعوبة ورق او فيزا فايه الاوراق المطلوبة و كيف المغادرة من مطار الدمام ارجو النصيحة و جزاك الله كل خيرا
لو مش معاكي اقامة في السعودية مش هينفع تاخدي فيزا تايلاند من هناك لازم تاخديها من مصر ممكن تسافري علي ماليزيا من غير فيزا
لو سمحت انا طالبة 21 سنه و هنسافر شهر عسل في برشلونة هل الفيزا ممكن تترفض عشان طالبة ؟
هيبقي الموضوع كله عند جوزك لو ورقه كويس وقوي هتتقبل مافيش مشاكل ومبروك لو جت متأخر
لو سمحت انا عندي مشكله فى الورق صغيرة
بالنسبه لمراتي مامعهاش بنك ستيتمينت ليها ولا لبابها
فا هاضطر ان اقدم اننا متجوزين
حلو
مطلو مني كشف حساب مع اثبات القرابه
حلو معايا القسيمة مترجمة
المشكله اني مسافر بره ومامعاييش حساب بنكي فى مصر والحساب البنكي هايبقى ببنك بره مصر بعمله مختلفة ، ده عادى ؟؟؟؟
علي حسب معلوماتي مافيش مشكلة المهم في بنك وفي فلوس
ياجماعه حديرد عليا ضرورى انا معنديش كيف حساب ف البنك ولا اهلى ..ايه الحل
مافيش حل يا دينا، غير تسافري بلد من غير فيزا زي ماليزيا او لبنان فيزا من المطار
استاذ مايكل لو سمحت
هو أنا ازاى اعمل خطاب من جهة العمل
ممكن تدور علي ضيغة مكتوبة علي النت وتغير البيانات وتديها لشركتك تمضيها وتختمها
طيب الحساب مفتوح باسم زوجتي ينفع كشف الحساب يكون باسمها هي
ينفع بس لازم قسيمة جواز وترجمتها تثبت انها زوجتك
السلام عليكم اخي أنا من المغرب و بدّي روح تايلاند بس مو ا عمل لس عّم ا درس و لدي حساب بنكي بمبلغ فوق 1000 جنيه ممكن اروح و الحساب عندي قديم ب 8 أشهر يوجد به سحب و ايداع
ماعنديش معلومة اكيدة عن جنسية غير المصرية ولاكن مافيش ما يمنع تقدر تقدم
طيب احنا لو هنعمل كتب الكتاب يوم الفرح وكنا عاوزين نسافر بعد الفرح بيومين ،، فطبعا العقد بتاع الجواز هيكون لسه مطلعش ،، هل ف ورق معين بنطلبه من مأذون يثبت كده كانه ايصال ؟!
ولا مفيش حل غير اننا نكتب الكتاب قبلها بفترى ؟
ممكن كل واحد يقدم لوحدة او يتكتب الكتاب قبلها بفترة
السلام عليكم انا موجود فى السعودية واولادى فى مصر انا ممكن اخد التاشيرة من هنا وانزل مصر خروج وعودة واسافر مع اولادى وارجع على مصر وهم ياخدوا التاشيرة من مصر عادى ولا لازم اخد التاشيرة من مصر
لا ممكن تاخد التاشرة من السعودية عادي
انا مصري ومعايا اقامه في ابوظبي هل محتاج فيزا لتايلاند
اكيد محتاج فيزا
السلام عليكم المفروض انا وخطيبتى هنتجوز فى شهر 12 انا شغال مهندس فى السعوديه وعندى حساب جارى فى بنك الراجحى بس معنديش حساب بنكى فى مصر هل هينفع استخدم كشف الحساب بتاع الرجحى دى حاجة
الحاجه التانيه انا مكتوب مهندس حر فى الباسبو هل برضا لازم اجيب خطاب عمل
ثالث حاجة بقى
حجز الطيران انا ازاى احجز طيران وادفع الفلوس وممكن الفيزا ما تجيش يبقى انا كدا خسرت فلوسى ؟؟ وله ايه الحل بالنسبه لحوار حجز الطيران لان ترافيل ستار مبقاش يحجز وهمى ؟؟
اولا ينفع كشف الراجحي ثانيا ممكن من غير خطاب عشان مهن حرة ولاكن لو عرفت تجيبة يفضل، حجز الطيران هتعمل حجز مبدئي عند اي شركة سياحة
الاخ مايكل..مع الشكر والتحية…
بس تايلاند مملكة وليست جمهورية يابطل..
لزم التنويه
حبيبي شكرا سوف يتم التعديل
لو سمحت انا طالب في جامعة كنت حابب اسافر في الاجازة سياحه … بس مش شغال شغل ثابت يطلعلي خطاب عمل … وكمان مش فاهم نقطه التواريخ تبقى زي بعض … وشكرا
ممكن شهادة قيد وترجمتها من الجامعة
أستاذ مايكل انا عندي كشف حساب باسم والدتي لازم يكون في اكتر من 10000 ولا اية عايز أفهم اتمني الرد
اعتقد ان الرقم اتغير بقي اتر من 10 الاف محتاج تتاكد من السفارة
وانا روحت رحله لبنان بس في. حد كان بيطلع فيزا شنجن وامريكا سياحه قالي لو روحت دول عربيه بيبقي نسبه الرفض اعلي هاتلي باسبورك ابيض يكون افضل. هل الكلام ده مظبوط؟؟؟
يا استاذ ريمون انا ماليش في الشمال بصراحة واي حد بيقولك هجبلك فيزا انا مابسمعلوش بس عموما دة مش صح
أستاذ مايكل أرجو الرد سريعا لو سمحت … أنا اخدت فيزا تايلاند و حجزت الفندق و التذاكر …. المهنه في الباسبور سكرتير تنفيذي و عندي ٤٠سنة و ١٠ شهور هل احتاج تصريح أمني و هل يتم الموافقه عليه …. أنا رائح لوحدي سياحة ١١ يوم و شكرا
من وجهة نظري مش محتاج تصريح عشان تايلاند والوظيفة والسن
عايز اطلع فيزا تايلاند شهر العسل وكنت عايز اقدم قسيمه زواج مترجمه فكنت عايز اعرف هل السفاره بتراجع القسيمه في اي جهه حكوميه (زي السجل المدني او وزاره العدل او اي جهه تانيه) علشان تتاكد من صحه البيانات علشان لو فيها بيانات غلط وخايف لاحسن تترفض ولا هي عايزه الورقه وخلاص
لا السفارة مش بتراجع مع اي جهة ولاكن لازم الورق يكون رسمي وعليه ختم النسر لانهم بيشوفو الاصل وياخدو الصورة
ا\مايكل هي تايلاند مطلوب لها تصريح امني؟؟؟؟
طيب انا سافرت من قبل وفي تاشيره تايلاند من سنتين هل احتاج ترجمه السجل والبطاقه الضريبيه؟
دلوقت اي حاجة ممكن تحتاج تصريح امني، والموضوع علي حسب مزاج ضابط الجوازات، اي ورق هيتقدم للسفارة لازم يكون مترجم
لو سمحت لو انا مش بشتغل لازم خطاب عمل
يحبز يكون في خطاب عمل، ممكن شهادة قيد من الكلية والترجمة الخاصة بيها
طيب انا رايح الصين يوم 13/10/2017 وهقعد اسبوعين وعاوز اروح تالاند من هناك وارجع اسافر من الصين اجيب التاشيرة منين؟؟؟؟؟؟؟؟؟؟؟؟
اولا فيزا الصين لازم تكون مالتي عشان ترجع من تايلاند تاخد طيارتك، ثانيا هتجيب فيزا تايلاند من هنا قبل ما تسافر عادي
السلام عليكم ا/ مايكل…انا خريج صيدلة ومعايا الاعفا بتاع الجيش بس الباسبور بتاعى فيه طالب بكلية صيدلة وانا دلوقتى خريج ومعايا الشهادة ومعايا حساب بنكى ….ايه المطلوب منى تانى علشان اخد الفيزا لتايلاند وشكرا
ولا حاجة تقدر تقدم بس هيطلب منك قيد من الجامعة وانت خلصت فا انصحك غير الباسبور ل صيدلي حر افضل بكتيير وهتفرق معاك قدام وبالمرة تكتب انك غير مطلوب للتجنيد عشان معاك اعفاء
لو سمحت هو لازم يكون عاده علي كشف الحساب 3 شهور من فعش شهر