[:ar]
سؤال جميل، وبحييك علي قرارك السفر حاجة مش محتاجة كلام ومش هرغي في المميزات وهتستفيد ايه، خلينا ندخل في المفيد:
البداية: البطاقة الشخصية
ايوة البطاقة الشخصية هي نقطة البداية، ليه؟ عشان بيبقي مكتوب فيها الوظيفة او اذا كنت طالب، طب ايه علاقة ده بالسفر؟ – هقولك انت لما بتيجي تستخرج جواز سفر مصري بيكتبولك الوظيفة او المهنة اللي في البطاقة حتي لو معاك ما يثبت غير كده مثال: لو في البطاقة مكتوب حاصل علي بكاليريوس تجارة هيتكتب كدة – “B. of Commerce” – وطبعا كدة قدام اي حد برة مصر انت “عاطل”.
طب حط نفسك مكان المسؤول في اي سفارة بيجيلة في اليوم الاف عوزين يسافره وهو مثلا مسموح يسفر ١٠٠ بس في اليوم هيختار اكيد افضلهم، طيب هو بقي يختار واحد ماعندوش شغل يعني ممكن يبق عبئ علي البلد ولا يختار واحد شغال قادر انه يصرف فلوس جوه البلد اللي هيروحها؟
يبقي لازم تكتب مهنة في الباسبور بتاعك، ازاي؟
– بص يا سيدي، لو انت بتشتغل في مكان ومتأمن عليك (تأمينات الاجتماعية) يبقي تغير البطاقة وهتختم الاستمارة من التأمينات بالوظيفة الجديدة.
– لو انت من اصحاب المهن الحره، زي طبيب، محامي، محاسب يبقي لازم تختم استمارة البطاقة من النقابة التابع لها.
طب لو مش متأمن عليا او مش بشتغل اصلا؟
بونص: ممكن تبقي صاحب شركة. هاتحتاج مبلغ في حدود ١٠٠٠ جنيه وعقد ايجار وتقدر تستخرج سجل تجاري (لا يقل رأس المال عن ٥٠٠٠ جنيه) وبطاقة ضريبية وبكدة تبقي صاحب شركة وبالتالي هتقدم الورق دة وانت بتعمل البطاقة الجديدة ويتكتبلك صاحب شركة كذا. و يتكتب في الباسبور – “Owner of X” – طبعا X دي بدل اسم الشركة، اكيد كدة وضعك قدام اي سفارة افضل.
طيب هايل جدا، هنفترض انك عملت كدة ودلوقت معاك بطاقة شخصية مكتوب فيها مهنة، نيجي بقي للنقطة الثانية.
دول شوية حاجات ممكن تحتاجهم وانت مسافر 🙂
الموقف من التجنيد:
عشان تخرج برة البلد لازم ماتكونش مطلوب للتجنيد (طبعا البنات محظوظة هنا)، الموقف من التجنيد بيتكتب في الباسبور وبالتالي وانت خارج من المطار بتعدي علي شرطة الجوازات وبيشوفو انت مطلوب ولا لأ او لا قدر الله علي قائمة الممنوعين من السفر 😀
يبقي لازم تخلص ورق الجيش الاول، سواء اعفاء نهائي او مؤقت او مؤجل المهم يكون الجيش مش عاوزك دلوقت.
معلومة مهمة: لو انت معاف مؤقت او مؤجل يبقي لازم تستخرج تصريح سفر من الجيش، ودة بيتعمل في الهايك ستب او في منطقة تجنيد الزتون (تجنيد جسر السويس) – والموضوع بياخد ساعتين زمن وبيتكلف في حدود ٣٠ جنيه بس طبعا كل واحد وعلي حسب حالته.
ايه تاني لازم احضره؟
اخر حاجة لازم تحضرها،
حساب في البنك:
بص بقي احنا اتفقنا ان السفارات عاوزة الناس اللي تصرف في البلد وبالتالي بيطلبو ضمان مالي للسفر – يعني هتصرف منين وانت مسافر؟
و بالتالي لازم تعمل حساب في بنك درجة اولي وتكون مصروفاته قليلة انا انصح بواحد من البنوك دي: البنك الاهلي – بنك اسكندرية – بنك القاهرة – بنك مصر، البنوك الاجنبية خدمتها افضل بس مصروفاتها كتير.
طبعا هتعمل الحساب بالبطاقة واعتقد الحد الادني لفتح الحساب ٢٠٠٠ جنيه وتطلب تستخرج بطاقة فيزا او ماستر كارد تكون بتشتغل برة مصر وكمان تطلب ان الحساب يكون مكتوب فيه الاسم بالانجليزي (عشان يبقي زي اسمك في الباسبور بعد كدة). وكمان المعاملات تكون بالانجليزي في كشف الحساب.
طيب خلاص كدة؟ لا طبعا سعادتك كل يومين او ثلاثة تروح تعمل عمليه في الحساب سواء سحب او ايداع بأي مبلغ عشان تعمل حركة علي الحساب، طب ليه؟
عشان السفارات مش عاوزة واحد فتح حساب حط مبلغ مستلفه وهيسحبه تاني يوم ويضحك عليهم، فبيطلبو حساب عليه حركة ولما تطلع الـ “Bank Statment” او كشف الحساب لازم تكون بالانجليزي وتكون لمدة تغطي ٣ شهور علي الاقل.
كدة انت جهزت نفسك تمام، معاك بطاقة فيها وظيفة وموقفك من التجنيد وعملت حساب في البنك،
الخطوة اللي جاية انك تستخرج جواز سفر ودي هغطيها في المقال دة 🙂 سلام.
[:en]
سؤال جميل، وبحييك علي قرارك السفر حاجة مش محتاجة كلام ومش هرغي في المميزات وهتستفيد ايه، خلينا ندخل في المفيد:
البداية: البطاقة الشخصية
ايوة البطاقة الشخصية هي نقطة البداية، ليه؟ عشان بيبقي مكتوب فيها الوظيفة او اذا كنت طالب، طب ايه علاقة ده بالسفر؟ – هقولك انت لما بتيجي تستخرج جواز سفر مصري بيكتبولك الوظيفة او المهنة اللي في البطاقة حتي لو معاك ما يثبت غير كده مثال: لو في البطاقة مكتوب حاصل علي بكاليريوس تجارة هيتكتب كدة – “B. of Commerce” – وطبعا كدة قدام اي حد برة مصر انت “عاطل”.
طب حط نفسك مكان المسؤول في اي سفارة بيجيلة في اليوم الاف عوزين يسافره وهو مثلا مسموح يسفر ١٠٠ بس في اليوم هيختار اكيد افضلهم، طيب هو بقي يختار واحد ماعندوش شغل يعني ممكن يبق عبئ علي البلد ولا يختار واحد شغال قادر انه يصرف فلوس جوه البلد اللي هيروحها؟
يبقي لازم تكتب مهنة في الباسبور بتاعك، ازاي؟
– بص يا سيدي، لو انت بتشتغل في مكان ومتأمن عليك (تأمينات الاجتماعية) يبقي تغير البطاقة وهتختم الاستمارة من التأمينات بالوظيفة الجديدة.
– لو انت من اصحاب المهن الحره، زي طبيب، محامي، محاسب يبقي لازم تختم استمارة البطاقة من النقابة التابع لها.
طب لو مش متأمن عليا او مش بشتغل اصلا؟
بونص: ممكن تبقي صاحب شركة. هاتحتاج مبلغ في حدود ١٠٠٠ جنيه وعقد ايجار وتقدر تستخرج سجل تجاري (لا يقل رأس المال عن ٥٠٠٠ جنيه) وبطاقة ضريبية وبكدة تبقي صاحب شركة وبالتالي هتقدم الورق دة وانت بتعمل البطاقة الجديدة ويتكتبلك صاحب شركة كذا. و يتكتب في الباسبور – “Owner of X” – طبعا X دي بدل اسم الشركة، اكيد كدة وضعك قدام اي سفارة افضل.
طيب هايل جدا، هنفترض انك عملت كدة ودلوقت معاك بطاقة شخصية مكتوب فيها مهنة، نيجي بقي للنقطة الثانية.
دول شوية حاجات ممكن تحتاجهم وانت مسافر 🙂
الموقف من التجنيد:
عشان تخرج برة البلد لازم ماتكونش مطلوب للتجنيد (طبعا البنات محظوظة هنا)، الموقف من التجنيد بيتكتب في الباسبور وبالتالي وانت خارج من المطار بتعدي علي شرطة الجوازات وبيشوفو انت مطلوب ولا لأ او لا قدر الله علي قائمة الممنوعين من السفر 😀
يبقي لازم تخلص ورق الجيش الاول، سواء اعفاء نهائي او مؤقت او مؤجل المهم يكون الجيش مش عاوزك دلوقت.
معلومة مهمة: لو انت معاف مؤقت او مؤجل يبقي لازم تستخرج تصريح سفر من الجيش، ودة بيتعمل في الهايك ستب او في منطقة تجنيد الزتون (تجنيد جسر السويس) – والموضوع بياخد ساعتين زمن وبيتكلف في حدود ٣٠ جنيه بس طبعا كل واحد وعلي حسب حالته.
ايه تاني لازم احضره؟
اخر حاجة لازم تحضرها،
حساب في البنك:
بص بقي احنا اتفقنا ان السفارات عاوزة الناس اللي تصرف في البلد وبالتالي بيطلبو ضمان مالي للسفر – يعني هتصرف منين وانت مسافر؟
و بالتالي لازم تعمل حساب في بنك درجة اولي وتكون مصروفاته قليلة انا انصح بواحد من البنوك دي: البنك الاهلي – بنك اسكندرية – بنك القاهرة – بنك مصر، البنوك الاجنبية خدمتها افضل بس مصروفاتها كتير.
طبعا هتعمل الحساب بالبطاقة واعتقد الحد الادني لفتح الحساب ٢٠٠٠ جنيه وتطلب تستخرج بطاقة فيزا او ماستر كارد تكون بتشتغل برة مصر وكمان تطلب ان الحساب يكون مكتوب فيه الاسم بالانجليزي (عشان يبقي زي اسمك في الباسبور بعد كدة). وكمان المعاملات تكون بالانجليزي في كشف الحساب.
طيب خلاص كدة؟ لا طبعا سعادتك كل يومين او ثلاثة تروح تعمل عمليه في الحساب سواء سحب او ايداع بأي مبلغ عشان تعمل حركة علي الحساب، طب ليه؟
عشان السفارات مش عاوزة واحد فتح حساب حط مبلغ مستلفه وهيسحبه تاني يوم ويضحك عليهم، فبيطلبو حساب عليه حركة ولما تطلع الـ “Bank Statment” او كشف الحساب لازم تكون بالانجليزي وتكون لمدة تغطي ٣ شهور علي الاقل.
كدة انت جهزت نفسك تمام، معاك بطاقة فيها وظيفة وموقفك من التجنيد وعملت حساب في البنك،
الخطوة اللي جاية انك تستخرج جواز سفر ودي هغطيها في المقال دة 🙂 سلام.
[:]
324 replies on “انا مصري وعاوز اسافر – ابتدي ازاي؟”
[…] ما عرفنا هنبتدي ازاي وايه المطلوب تحضيره عشان اسافر في المقال الاول من سلسلة “انا مصري وعاوز اسافر” هنا هنغطي كل […]
اخيرا..اخيرا
لقيت واحد بيتكلم فى اللى انا بدور عليه من زمان
والله انت برنس
كلامك صحيح فعل انا عملت اللى انت كتابته دا
بس العكس
يعنى عملت بطاقه وباسبور كطالب
كشف الحساب روحت فتحت حساب قبل ما اقدم بشهر وحتيط الفلوس وبعدها بكام اسبوع عملت كشف الحساب وكان بالعربى مما كلفنى فلوس الترجمه
وناقص حاجة برضوا انت مقولتهاش ان يكون معاك ورقه تثبت ان عندك املاك
انا مستنى باقى المقال بفارغ الصبر..لانى فعلا فعلا هموت واسافر
وياريت اقدر اتواصل معاك على الخاص..شكرا
يا اهلا بيك يا اسلام، بجد مبسوط ان المقال عجبك، موضوع اثبات الاملاك مش مطلوب من كل السفارات ف انا هغطي موضوع الفيزا لوحدة وهنتكلم عن متتطلبات السفارات، وتقدر توصلي علي الايميل دة: m.henry@kenrys.com
Good job, important information, i like it
ya welcome ya welcome 🙂 glad you like it
مايكل باشا اخبارك ايه
كنا اخر مرة اتكلمنا مع بعض فى شهر اغسطس اللى فات لما اترفضت فى سفارة اليونان ، كنت قريت كلامك عجبتنى كلمة هى “انك ما تدخل السفارة اللى عايز تروح البلد بتاعتها اللى لما تكون واثق بنسبة كبيرة انك هاتخد التاشيرة ” وانا عملت بالنصيحة دى والحمد لله اخدت الشنجن .
شكرا على المجهود
بس عندى سؤال
لو انا سافرت لدوله عربيه واشتغلت هناك وقعد كذا سنه والباسبور مكتوب فيه حاصل على بكالوريوس
وحبيت اسافر لدوله زى امريكا مثلا
المهنه اللى فى الباسبور (حاصل على) هتكون عائق برضوا ولا متأثرش
خصوصا ان لو عملت باسبور جديد وغيرت المهنه هيكون كدا الباسبور جديد وفاضى مفهوش فيزا قبل كدا
اولا شكرا ليك علي المتابعة، ثانيا انت لو طلعت باسبور جديد يبقي افضل وباعدين انت بترفق القديم بالجديد لما بتقدمه لأي سفارة، فا مش هاتخسر الفيزا او الاكتيفيتي القديم
– معلومة مهمة بقي: لو قدمت علي امريكا من برة مصر فرصتك تبقي افضل بس لازم يكون ليك اقامة في البلد اللي هتقدم منها، ارجو انك تتابع باقي المقالات وتسيبلي رأيك
اولا شكر على رد حضرتك وان شاء الله اتابع باقى المقالات
بس بخصوص المعلومه..يعنى انا لو شغال فى الامارات مثلا ومعايا الاقامه وجاتلى دعوه على هناك من امريكا او كندا..الخ
وقدمت بتقى الفرصه افضل انى احصل على الفيزا
على عكس لو فى مصر؟؟
ايوة طبعا افضل، عشان انت كدة بتثبتلهم كذا حاجة، ١- انت سافرت اهه ومافيش مشاكل ٢- انت عايش في بلد كمغترب ومتأقلم ومافيش مشاكل ٣- انت عندك القدرة المالية اللي تصرف بيها علي السفرية لأن مرتبات الامارات اكيد افضل من مصر 🙂
عموما اقرا المقال دة https://micotine.com/%D8%A7%D9%86%D8%A7-%D9%85%D8%B5%D8%B1%D9%8A-%D9%88%D8%B9%D8%A7%D9%88%D8%B2-%D8%A7%D8%B3%D8%A7%D9%81%D8%B1-%D8%A7%D9%84%D9%81%D9%8A%D8%B2%D8%A7-1/ وانا هنزل مقال مخصوص لفيزت امريكا 🙂
[…] مالي (هاتصرف منين الفترة دي؟، بتستخرج كشف حساب من البنك، – في بعض البلاد ممكن الفيزا كارد – بس ماتنساش […]
طب دلوفتى انا مهندس معمارى، بس مكتوب فى البطاقة والباسبور “مهندس معمارى حر
بس انا بشتغل في مكان، واكيد هرفق خطاب من جهة العمل وهو مهندس فى بنك حكومى ، هل ده ممكن يعم مشكلة؟
مع العلم ان جهة السفر هتكون بيروت وعايز اخد فيزا مسبقة.
اهلا سيف، طبعا مافيش مشكلة لان فيزا لبنان فيزا سهلة ومش بيدققوا قوي، بس لو معاك وقت يحبز انك تعدل الوظيفة في الباسبور وخصوصا انك بتشتغل في بنك حكومي، كمان بعد سفرية لبنان ممكن تفكر تسافر بلد صعبة زي اوروبا مثلا ف يفضل ان يكون مكتوب وظيفة.
لاكن تاني بالنسبة لسفرية لبنان مافيش مشاكل خالص، تروح وترجع بالسلامة يا ريت تحكيلنا عملت ايه هناك 🙂
تاشيرة لبنان ولا الامارات اقوى
وبعد كام سفرية اقدر اقدم على اوروبا وامريكا
انا سافرت دبى وقدمت على اليونان واترفضت اقدم تانى ولا اصبر شوية
ولو حبيت اروح دول شرق اسيا اقدر اجمع سنغافورة مع ماليزيا مع تايلاند وازاى وهل فى تاشيرات ترانزيت للدول العربية(الكويت, قطر , الامارات ) للمصريين
اهلا محمد وشكرا لمتابعتك،
خليني اجاوب علي كل الاسئلة من وحي خبرتي،
تأشيرة لبنان زي تأشيرة الامارات بس بما ان الامارات دولة اقوي يبقي تأشيرتها اقوي وكمان تأشيرة الامارات اغلي واصعب.
بعد كام سفرية تقدم علي اوروبا ممكن من بعد اول سفرية بس خد بالك في عوامل كتير تانية بتتحكم في موضوع الرفض زي الشغل والمصدر المالي وانت مسافر ليه، مافيش قاعدة عامة هنا كل واحد وليه القصة بتاعته ولو شرحتلي اكتر عن موضوع اليونان ممكن افيدك اكتر، بس اجابة علي سؤالك كل لما تكون سافرت كتير قبل اوروبا كل لما ثقة السفاره فيك تبقي اعلي ونسبة قبول الفيزا تبقي اكتر.
رأي تقدم تاني بس من بلد تانية ولاكن سافر كمان مره الاول.
ايوة ينفع تجمع معظم دول شرق اسيا في سفرية واحدة لان الطيران مابينهم رخيص وفي وسائل تانية يعني ممكن تروح من ماليزيا لتايلاند بلانش سريع.
اما بخصوص تاشيرات الترانزيت للدول العربية فهي فعلا موجودة الامارات مثلا ممك تاخد فيزا ترانزيت لمدة اقصاها ٩٦ ساعة، لمعلومات اكتر عن فيزا دبي بص علي اللينك دة
شكرآ على المعلومات القيمة..عندى بعض الاستفسارات لو تسمحلى..
أنا بسبورى حاصل على بكالوريوس تجارة وسافرت المغرب بس أنا بشتغل بقالى 5 سنين مدرب كرة قدم فى أكاديمية أجنبية..ومغيرتش المهنة فهل أسيب المهنة زى ما هى حاصل وأجيب ورقة من الشغل أفضل عشان عندى 2 فيزا للمغرب على الباسبور ولا اغير المهنة وأطلع باسبور جديد هيكون فاضى من غير مهنة..
وفى حالة إنى غيرت الباسبور مثﻵ بتاريخ انهردة هبقى بدأت شغل بس اليومين دول علمآ بأننى لسه راجع من المغرب من 10 أيام بباسبور مكتوب فيه حاصل..
وهل سجل تجارى وصاحب عمل أفضل ولا مدرب كرة قدم أو مدير فنى أفضل..
أرجو من حضرتك الإفادة ولك جزيل الشكر
اهلا بيك يا بلال،
بص يا سيدي انا انصحك تغير الباسبور بالمهنة، لأن فيزت المغرب انت مش هتخسرها، انت هتدبس الباسبورين مع بعض او هتقدمهم مع بعض في السفارة لما تيجي تسافر تاني، موضوع لسة مغير الباسبور مش معناه خالص انك لسة بادئ شغل دي ملهاش علاقة بدي،
موضوع انهي افضل صاحب شركة او مدير فني، في وضعك انت بالذات مدير فني افضل، لان ببساطة هتوفر مجهود وفلوس انشاء الشركة وحاجة تاني مدير فني ممكن تبقي فرصة كويسة قدام اي سفارة لو قولت انك رايح تحضر ماتش او تدريب او حتي رايح نادي معين لاي سبب، ربنا يوفقك 🙂
انا الناس نصحوني اني اغير المهنة ل مهندس كهرباء حر .. قالولي ده افضل علشان تقدر تغير شغلك براحتك ومتكنش محتاج تغير الباسبور كل مرة وكمان علشان ممكن تسافر في اي وقت من غير ما تكون ملتزم بشركة معينة.. ايه رايك ؟ اي واحد افضل مهندس كهرباء ولا مهندس كهرباء حر
وكمان انا لقيت الراجل بتاع الجوازات مترجم مهندس كهرباء حر ل (freelance electrical engineer) هل دي الترجمة الصح ليها ؟؟ ولا كلمة freelance دي هتعملي مشكلة في السفر لاوربا للسياحة
اهلا كيرو، نصيحتي خليك تبع شركة وماتكتبش حر لان قدام اي سفارة لما تبقي شغال في شركة يبقي في سبب قوي انك ليك مصدر دخل ثابت وكمان في سبب لرجوعك تاني مصر.
ما تقلقش لو سبت الشركة واشتغلت في شركة تاني عشان مافيش ربط مابين الوظيفة المكتوبة في الباسبور وال HR Letter اللي بتقدمه للسفارة
شكرا أخي الحبيب على المواضيع القيمة وردودك الواضحة . رجاء محبة انا عندي سؤال: انا مصرى و حابب أسافر سياحة إلى لبنان ، وفي البطاقة انا فلاح. ما هي الأوراق المطلوبة للسفر علما اني حصلت على شهادة المعافاة و معايا الباسبور ولكن المهنة فلاح في الباسبور وأنا حابب اروح سياحة ثلاثة اشهر إلى لبنان وليس للعمل ما هي الأوراق المطلوبة للحصول على التأشيرة? انتظر الرد
اهلا رزق، الاوراق المطلوبة باسبور وحجوزات طيران واوتيل وكشف حساب من البنك وتقدم الورق في السفارة الرد بيجي في حدود 40 يوم بس مافيش سياحة لمدة 3 شهور، خلي بالك لبنان ماعيشتها غالية، وربنا يوفقك
شكرا اخي الحبيب على الرد وعلى تعبك معانا الرب يباركك ،
أخي احد أصدقائي سأل في الأمن العام في لبنان طلبوا مني أن أغير اسم فلاح وأضيف إي مهنة أخرى وصدقني انا مش عارف اعمل ايه ياريت حضرتك تساعدني
اهلا بيك، لا شكر علي واجب، انت تقدر تعمل ورق شركة خاصة هنا في مصر وتفتح ملف تأميني وبالتالي تكتب صاحب ومدير شركة كذا في البطاقة وبعدين تطلع باسبور بنفس الوظيفة، موضوع الشركة ده بيتكلف من 1000 الي 1500 جنية
انا عايزه اسافر اسبوع دبى ومكتوب فى الباسبور حاصله على بكالوريوس وحبت ورقه من ال HRالشركه عندى هو لازم الف لفه تغير البطاقه والباسبور عشان حسه ان بتاع شركه السياحه بينصب عليا وعايز ياخد فلوس وخلاص
لا مش لازم وخصوصا مع دبي ممكن تمشي بخطاب جهه العمل بس انا بفكر في الموضوع من اتجاه تاني لو عدينا دلوقت وسافرتي هتبقي خدتي فيزا علي باسبور ولما تيجي تسافري تاني هتقعي في نفس المشكلة وممكن تبقي مع بلد رخمة بتدقق فا انا راي لو عندك وقت لفي اللفة دي احسن قبل السفر هتفرق معاكي باعدين ونبقي بادئين علي نضافة وربنا يوفقك
انا مكتوب في الباسبور بتاعي physician و في البطاقة الشخصية طبيب امتياز، ده ممكن يعملي مشاكل مع الشنجن ؟ و لا اغيرها و اخليها شركه احسن ؟
لا مش لازم تغيير لان الطبيب من المهن الحرة يعني طبيعي تبقي مش تبع شركة بالعكس انت ممكن تاخد الفيزا بسهولة لو دورت علي مؤتمر طبي في البلد اللي رايحها وقولتلهم انك رايح تحضر المؤتمر، ربنا يوفقك
شكرًا جدا على المعلومات القيمة اللي حضرتك بتقدمها واللي فادتني جدا، بس كان عندي استفسار برجوا من حضرتك توضحهولي.. كنت عايز أعرف الفرق بين ان ينكتب في البطاقة مهندس كهرباء حر وان ينكتب مهندس كهرباء بس لما اجي اعمل الباسبور.. وشكرا لحضرتك…
اهلا بيك، لا شكر علي واجب، مهندس حر يعني بتشتغل لوحدك وماليكش ارتباط بحاجة تجبرك انك ترجع مصر وبالتالي لو مهندس بشركة يبقي افضل
انا عايزه اسافر اليونان انا وبنتي (عندها سنتين ونصف)عشان زوجي هناك والوظيفه طبيب بيطري ومش بشتغل في جهه حكوميه ياريت حضرتك تفيدني
لازم حضرتك تقدمي علي فيزا اتحاد اوروبي والمهنة مش محتاجة تتغير لانك مهنة حرة، ربنا يوفقك
هل لو البطاقه مكتوب فيها طبيب حر. لازم برضه اطلع تصريح سفر من الجيش
شكرا ياريت الرد يوصل عل الايميل لاني مش هعرف ازا كان اتكتب او لا. شكرا
اهلا انس، في فرق مابيت اذن سفر بتاع الجيش وتصريح السفر بتاع المجمع
والبطاقة مش مهم المهم مكتوب ايه في الباسبور؟
مساء الخير .. لو بشتغل freelancer ومش تابع لشركه ايه البديل عن hr letter
في حلين، اولا تشوف حد معرفة يعملكHR Letter او تعمل ورق شركة خاصة بحوالي 1000 جنيه وتقدم سجل تجاري وبطاقة ضريبية كصاحب عمل.
انا محجوزلى طيران تركيا من 9/4 2016 الى 14 /4/2016 ومحجوزلى الفندق كل دا من صديقه عايز اطلع الفيزا علما بان الباسبور بتاعى حاصل على بكالريوس تربيه وانا بشتغل فى شركه امن انا معايا حساب بنكى cib وفيه حولى 40000 وبعمل ايداع وسحب على طول بس الاستفسار بتاعى دلوقتى عن لو انا غيرت المهنه فى الباسبور الى مثلا مشرف امن ينفع ولا احسن رجل اعمال حر او اى وظيفه فى ناس كتير بيطلعوها فى البطاقه وبياخدو فلوس السؤال بتاعى لو انا طلعت مثلا رجل اعمل حر ازاى اجيب خطاب من جهة العمل هل العمل اللى مدون بالباسبور ولا العمل الاصلى اللى بشتغله حاليا وشكراااااااااا
اهلا عبدالله،
اولا خلي بالك انك لو محجوزلك تذاكر واوتيل بيبقوا باسمك انت بس فا مبدئيا لو هتغير الباسبور تاخد بالك من الاسم كويس،
بالنسبة لسؤالك افضل شيئ اعمل مشرف امن في البطاقة والباسبور، ليه؟ عشان مش هتدفع فلوس لحد وكمان فرد الامن بره مصر ليه وضعه فا هتبقي حاجة كويسة. وبالتالي تعرف تجيب خطاب من جهة العمل.
لو رجل اعمال يبقي عندك شركة وبالتالي بتقدم السجل التجاري والبطاقة الضريبية، بس عموما مافيش ربط بين الوظيفة اللي في الباسبور وخطاب العمل، لان ممكن اكون غيرت الشغل عادي ومش شرط اغير البطاقة والباسبور مع كل شغل اشتغله، وربنا يوفقك
شكرا لرد حضرتك انا معايا تزكره الطياره باسمى من شركه طيران بيجاسوس بس حجز الفندق باسم الصديقه
هل ممكن اقدم على الفيزا بالباسبور بتاعى اللى فى حاصل على بكالريوس ولا لازم اغيره لوظيفه وايه المطلوب لاستخراج تصريح امنى من مجمع التحرير واكتب ايه فى اسباب سفرى الى تركيا
ايوة ممكن بس لازم خطاب عمل، وكشف حساب بنكي، وموضوع التصريح انا جاوبت عليه في الكومنتات.
شكرا على المعلومات القيمة .. عندى سؤال لحضرتك أنا عندى سفر لمدة شهر فى رحلة عمل تبع شركتنا (وهيا شركة عالمية للبرمجيات)لايطاليا عشان نتعامل مع عميل ايطالى لكن الباسبور بتاعى مكتوب فيه حاصل على بكالوريوس حاسبات ومفيش وقت لتغييره لكن انا هاقدم من ضمن الاوراق HR Letter من شركتى وهاقدم عقد العمل فهل ده يكفى لاثبات انى شغال ؟؟ علما انى هاقدم كذلك اوراق هامة تانية وهيا شهادة تأمين للسفر وشهادة المضيف الايطالى اللى هايستضيفنا ومستخرج التامينات الاجتماعية وكذلك حجز تذكرة طيران العودة ..شكرا
اهلا سيف، افضل حل ان الشركة هي اللي تقدملك يعني الادمن او الاتش ار هما اللي يعملو الورق ويقدموه اكيد الموضوع بيبقي مختلف وفرصة انك تاخد الفيزا بتبقي كبيرة وساعتها موضوع حاصل علي مش هيبقي مشكلة لو مافيش اوبشن ان الشركة تقدم قدم انت عادي بس اكتب HR Letter بطريقة ان الشركة هي اللي بتطلب من السفارة يسمحولك بالسفر عشان دييل معين وربنا يوفقك وقولنا عملت ايه
فى البطاقة مكتوب حاصل على لما روحت اعمل حساب فى البنك الاهلى قالوا مينفعش هل دة كلام حقيقى ولا اى كلام وخلاص
للاسف يا صديقي الكلام مظبوط وانا صعقت لما عرفت كدة، بعض البنوك بتشترط انك تكون شغال، بس النصيحة جرب مع بنك تاني وممكن تجرب مع البنوك الاجنبية زي ال CIB او QNB
موضوع مفيد جداا مشكور علي المuلومات دي
استفسار بسيط لازم كشف حساب بنكي لان عاوز اعمل الهني مون وفرحي في 3 ولما روحت بنك cib قالي لازم 6 شهور
دلوقت اي سفارة بتطلب كشف حساب بنكي، لاكن في سفارات بتبقي عاوزاه 3 شهور بس ذي تايلاند مثلا، وفي حلول تاني زي مثلا انك تقدم واحد باسم خطيبتك بما انها هتكون مراتك بس لازم تقدم معاه ما يثبت عقد زواج مثلا
مسا الخير مايكل،، مدونة حلوووة جدا و ياريتني كنت شوفتها من زمان لاني نفسي اسافر جدا ،،بس المشكلة انا بشتغل مترجمة freelance و البطاقة طبعا حاصله علي ليسانس اداب ،، وانا قرأت كل الكمنتات بس انا عايزة اسأل لو ده ممكن يكون مشكله في الدول اللي مش بتطلب فيزا زي الاردن و كوريا لاني عايزة اسافر الاردن و كوربا و المغرب ،، ولك الف شكر
اهلا بيكي، لا طبعا مش مشكلة مع البلاد اللي مش محتاجة فيزا، هو بس موضوع التصريح الامني اللي من المجمع، يا ريت تروحي تسألي قبل السفر، وربنا يوفقك
شكرا جدااا علي الرد ، استفسار تاني رومانيا و بلغاريا ضمن فيزا شنغن ؟ و لو ممكن توضحي لي اكتر الخطوات اللي ممكن اعملها للبلاد اللي مش محتاجة فيزا ، يعني كل اللي اعمله اني اجيب تذكرة و تصريح امني للبلاد المحتاجة كده و اسافر ؟ و شكرا ليك مرة تانية جداااااا
اهلا بيكي، رومانيا وبلغاريا زي قبرص من دول الاتحاد الاوروبي ولاكن مش ضمن اتفاقية الشنجن، والفيزا بتاعتهم بتبقي لوحدها،
خطوات البلاد اللي من غير فيزا، تحجزي طيران وعلي المطار علي طول، طبعا لو مافيش تصريح امني
طيب انا عندى استفسار انا ليسانس حقوق وعملت الباسبور حاصل على ليسانس حقوق زى البطاقة والمفروض ان هايجيلى تأشيرة عمل فى الامارات اية اللى المفروض يبقى مكتوب فى الوظيفة فى التأشيرة يعنى هاتبقى وظيفة كويسة ولا هايكتبو عامل وهل ممكن اعمل استقدام لزوجتى
علي حسب اللي جايبلك الفيزا، وباعدين مش هتفرق معاك في حاجة. المسمي اليي مكتوب في الفيزا مش بيستخدم في اي حاجة. موضوع استقدام زوجتك ده بيعتمد علي حاجات كتير زي الشركة اللي عاملة العقد بتقبل ولا لاء وقارارات العمالة هناك، بس عموما مافيش ما يمنع، وربنا يوفقك
بعد إذن حضرتك, إستفساري صعب شوية, انا باسبوري المهنة فيه “بكالوريوس تجارة” و كنت بسافر لوالدي في دبي طوال حياتي بدون مشكلة, اخر مرة كنت فيها زيارة في دبي وقعت عقد مع شركة بس سافرت عشان الزيارة خلصت و همة فيزة العمل مخلصتش او مقدموش عليها ممكن, بعد ما سافرت بكام اسبوع قالولي قدمو مرتين عل الفيزة و اترفضت, في امارة العين, لان رخصت الشركة على العين, المهم في خلال شهر كلمت والدي يعملي زيارة 3 شهور لدبي زي كل مرة, اترفضت برضوا….دلوقتي لو غيرت المهنة في الجواز ل ” مسؤول ادارة خدمة العملاء” او حاجة عالية زي ” مدير قسم او مدير ادارة” او تنصحني بايه, و طلعت جواز جديد برقم جديد اقدر ادخل البلد و لو زيارة حتى و احل المشكلة في دبي, انا والدي هناك, ايه المطلوب اعمله عشان اروح و لو زيارة شهر بعد الرفض, مع العلم اني عايش في دبي اكتر من 15 سنة….شكرا
اهلا بيك، طبعا لازم تغير المهنة في الباسبور، وبالتالي هتغير البطاقة والمهن اللي كتبتها كويسة جدا، وممكن برضه تعمل ورق شركة وتكتب صاحب شركة كذا، لو محتاج التفاصيل بتاعت الشركة ابعتلي علي m.henry@kenrys.com
و هل لازم اطلع تصريح أمني لو عاوز اسافر دبي زيارة او حتى حد هناك يعملي فيزة عمل؟ عشان انا اول مرة اسمع عن الموضوع ده.
لو غيرت المهنة مش محتاج تصريح لدبي، ومعظم الدول الثانية مش هتحتاج تصريح لو مكتوب مهنة في الباسبور
طيب بالنسبة لدبي, هل المهنة في الباسبور لازم تكون متوافقة مع المؤهل لو شركة هتقدملي فيزة عمل….يعني مثلا مكتوب محاسب في الباسبور… هل هدخلني البلد…و هل هتترفض لو فيزة العمل الوظيفة فيها ممثل خدمة عملاء؟
, اسمحلي هثقل عليك شوية, في ناس قالولي من دبي ان طالما فيزة العمل اترفضت لازم تحل موضوع الرفض او ترجع على نفس الامارة الي حصل منها الرفض…عندك فكرة…و لا ملهوش علاقة و اعمل جواز جديد بمهنة جديدة و رقم جديد و اتوكل على الله؟
و اسمحلي باستفسار تاني الله يكرمك, و تجاوبني عليه منفص, لو شخص مقيم في دبي و قدملي زيارة عن طريق شركة سياحية في دبي بالباسبور الي انا جددته برقم جديد و معايا بس المهنة فيه لسه بكالوريوس تجارة, هل هتكون فيه مشكلة؟, حتى لو رحت سياحة شهر؟ هل ممكن تترفض؟
شكرا جزيلا
اسمحلي بااستفسار ايه الخطوات اللي اتباعها للسفر لليونان سياحه علما باني شغال فني اتصالات بشركه TEdata
ومكتوبه في البطاقه الشخصيه
اهلا احمد، الخطوات مكتوبة بالتفصيل الممل في المقالات اللي هنا في المدونة، اقرا كل المقالات هتفهم كل حاجة، ابتدي بالمقال اللي اسمه “ابتدي ازاي؟”
اسمحلى باستفسار انا مكتوب فى الباسبور صاحب ومدير شركه وواخد فيزا بلغاريا ودبى و تايلاند ودخلت بعد اول فيزا دوله تشنجن لاتفيا ولكن تم الرفض وبعدين سفرت دبى وتايلاند السؤال هو انا محتاج سفريات تانى ولا ممكن اتقدم مرة اخرى للحصول على فيزا تشنجن وهل لازم نفس البلد الواخد منها الرفض ولا ممكن بلد اخر
لا مش لازم تسافر تاني وتقدر تقدم علي طول، لو لسة معداش 6 شهور علي الرفض يفضل تقدم تاني من نفس السفارة، لو عدي 6 شهور قدم في اي سفارة عادي جدا. وربنا يوفقك
مقال رائع . مجهود ممتاز .
انا عندى سؤال بسيط . بالنسبه للحساب البنكى .
اقل مبلغ ممكن يكون على الحساب كام ؟
ده علشان اسافر ايطاليا عن طريق invitation من صديق ايطالى .
وشكرا .
فى انتظار ردك . و وشكرا مجددا
اهلا بيك، لو مسافر اوروبا اسبوع مثلا يبقي مش اقل من 15 الف مصري، ولا شكر علي واجب
لو سمحت عايز اسال عن المستندات المطلوبه لاستخراج تصريح امنى للسفر الى تركيا وما هو مدة سريانه علما بانى حاجز تزاكر الطيران فى اول ابريل
اهلا بيك،
بالنسبة لموضوع التصريح الامني، دي البيانات بتاعته: ١- المكان مجمع التحرير ٢- المطلوب الباسبور وصورته وصور من الفياز اللي خدتها قبل كدة وممكن يطلبو صور من الحجوزات وطلب بتشتريه من هناك ٣- العملية بتروح المجمع وتطلع لمكتب اسمة ظابط الاتصال انصحك تطلب من العسكري انك تقابل الظابط شخصيا وتوريله الباسبور وتقوله مسافر فين بعد كدة هو هيقولك اذا كنت محتاج تصريح ولا لاء، طيب بتقف في طابور كبير (يا ريت تروح بدري) وتشتري الطلب وتملاه وتقف في طابور تاني عشان تقدمه مع صور الاوراق اللي فوق ٤- المدة مش اقل من اسبوع الي اسبوعين، بس انت بعد 7 ايام روح اسأل التصريح خرج ولا لسة — اخر معلومة لو انت مكتوب في باسبورك مهنة ذي مدير او صاحب شركة ممكن ماتحتاجش تصريح بس الظابط هو اللي يقول، مافيش حاجة تمنعك من انك تاخد التصريح طلاما مش مطلوب امنيا، بالنسبة للمدة التصريح لسفرية واحدة، اعتقد لازم تستلم التصريح بنفسك وربنا يوفقك.
أولا شكرا جدا على الموضوع، انا استفدت جدااا منه خصوصا موضوع المهنة ده اقتنعت بكلامك وفعلا روحت غيرت المهنة النهاردة في البطاقة.
السؤال بقة: المهنة في البطاقة هتبقى رئيس قسم وفي ترجمات كتير للمهنة يا تري ايه أفضل ترجمة اكتبها في الباسبور
Section Head
Department Head
Section Manager
Department Manager
Dept. Manager
اهلا بيك وده يسعدني انك استفادت، انا افضل Department Head لان كلمة هيد رانكها اعلي برة مصر
فعلا! أنا كنت فاكر ان Manager افضل من Head طلع العكس
انا مكتوبلي في الباسبور بكالوريوس علاج طبيعي و صعب اني اغيرها دلوقتي لاني ممتحن ترخيص مزاوله بالباسبور ده و مينفعش انه يتغير قبل اما اكتفها .ّ هل دي ممكن تعملي مشكلي مع اني الفيزا بتاعتي ملهاش غير مسمي وظيفي واحد يعني مش هيبقي في تناقض .. ارجو الرد و شكرا جزيلا لمجهودك
انا مش فاهم فيزا انهي بلد و لا مافيش مشاكل انا بنصح بالافضل
متشكر جدا لحضرتك بس انا عندى فى الجواز حاصل على بكالريوس هل ضابط الاتصال هيحتاج منى خطاب من جهة العمل ولا لا مع العلم انا معى حجز الطيران والفندق انا رايح سياحه تركيا اسبوع ومعايا الفيزا وما هى اسباب السفر التى يجب كتابتها فى التصريح
انا مشرف كهربا بالباسبور وعايز اسافر لبنان سياحه
وما عندى حساب بنكى احصل ازاى على الفيزا
تاخد معاك 2000 دولار كاش وتسافر علي طول وتاخد الفيزا في المطار هناك وانت داخل
اشكر حضرتك بس عندى سؤال هل الدعو ه سياحه من صديق تحتاج نفس المبلغ 2000 دولار
طالاما هتاخد الفيزا من المطار لازم ال 2000 دولار
انا جالى عقد للعمل بالسعوديه والوظيفه اللى موجوده بالعقد غير اللى موجوده بالبطاقه ممكن اعمل الجواز ااسفر بالمهنه اللى موجوده بالعقد بدون تغيىر البطاقه علما بأن الوظيفه بالعقد عامل وهى اقل من وظيفه البطاقه لوجود صعوبه فى تغييرها
المهنة وانت بتعمل الباسبور بياخدو باللي مكتوب في البطاقة هما مالهمش دعوة انت جايلك عقد ولا لاء، وباعدين طلاما الوظيفة في البطاقة افضل عاوز تغيرها ليه، اعمل الباسبور علي طول من غير تغيير
لو معايا 2000 دولار كاش اسافر لبنان من غير تصريح ولا وظيفه مكتوبه في الباسبور؟
لا لازم تصريح لاكن لو مكتوب وظيفة ممكن تسافري علي طول تحجزي طيران وتسافري تاخدي الفيزا من هناك
اريد استخراج تصريح امنى انا عندى فى الجواز حاصل على بكالريوس هل ضابط الاتصال هيحتاج منى خطاب من جهة العمل ولا لا مع العلم انا معى الفيزا و حجز الطيران والفندق انا رايح سياحه تركيا اسبوع وما هى اسباب السفر التى يجب كتابتها فى التصريح
لو هتقول انك بتشتغل يبقي لازم تثبت، يبقي محتاج جواب والغرض سياحة عادي
شكرا جدا بشمهندس على الموضوع الجميل دا .
انا محتاج حضرتك فى استفسار انا معاى البطاقه طالب وانا حاصل على بكالريوس هندسه مدنيه اغير البطاقه لمهندس مدنى ولاا اخلى جواز ااسفر حاصل على بكالريوس هندسنه افضل وهل لو خلتها مهندس مدنى هيضلب منى اخلاء طرف من جهه العمل ولا لا مع العلم انى مهندس حر
اهلا بيك، لا اكيد مهندس مدني افضل من حاصل علي، ومافيش اخلاء طرف طلاما انت مهندس حر، الجهة اللي هتختملك ورق البطاقة هتبقي النقابة.
والله انت تستاهل كل خير
ربنا يخليك، الف شكر
انا باسبور بتاعى مهنتى محامى وعايز اسافر دولة الجزائر او المغرب او تونس لازم يكوم معايا رصيد ف البنك ؟ ولازم يكون مفتوح من فترة طويلة ولا ممكن اكون عامله مثلا من شهر ؟ كمان الاجراءات دى بتسرى على دول اوروبيه ؟ وهل تختلف اجراءا السفر من دولة اوروبية عن دوله عربية ؟ وايه هيا الاجراءات بالترتيب ؟… ارجو الرد
اهلا محمد، انا مجاوب علي كل اسالتك في باقي المقالات اللي علي المدونة، كمل قراية باقي المقالات هتعرف كل حاجة بالتفصيل الممل
بعد الشكر والتحية ليك والاحترام والتقدير لمعلوماتك القيمة … انا قريت المدونة كلها ولكن عندى استفسار انا مسافرتش خالص قبل كده برا مصر تمام وكنت حابب اسافر اى من الدول الثلاته المغرب او جزائر او تونس ماهى الاجراءات التى تناسب مهنتى كمحامى ؟ ولك جزيل الشكر والعرفان …ارجو الرد
اولا لا شكر علي واجب، مافيش اجراءات معينة لكل مهنة، انت لازم اول حاجة تستخرج باسبور، باعدين تقدم علي فيزا بتاعت الدولة اللي اختارتها، بعد كدة تروح المجمع تشوف مطلوب تصريح امني ولا لاء وتحجز تذاكر طيران واوتيل وتسافر بالسلامة
شكرا لحضرتك وعلى ردك الوافى
اهلا بيك في اي وقت
اهلا بحضرتك انا عندى استفسار مهم انا بكالريوس تربيه وحجزت فندق وتزاكر طيران الى تركيا وقدمت على الفيزا واخذت الفيزا سياحه وروحت عشان اعمل تصريح امنى فى مجمع التحرير قالولى مينفعش عشان مفيش وظيفه فى الباسبور اعمل ايه دلوقتى وانا معايا الفيزا والتزاكر وحجز الفندق والمفروض مسافر كمان 5 ايام ارجو الرد سريعا وشكرااااا
بص في حلين، حل انك تجازف وتطلع علي المطار عادي في وقت السفر بس تحجز الخدمة المميزة ب 300 جنيه بتاعت رجال الاعمال في احتمال كبير انك تعدي من غير تصريح، هتلاقي تفاصيل عنها هنا في الموقع في تقرير تايلاند.
او انك تخسر طيران الرايح وتحجز طيران دبي مثلا ومن دبي تطلع علي تركيا يعني تستخدم دبي ترانزيت وبكده دبي مش محتاجة تصريح، منه لله اللي عمل القرار الغبي دة، يا ريت تبلغني عملت ايه عشان انا مهتم بالموضوع ده، وربنا معاك
مجهود رائع
انا عندى سؤال . هو لو حد عاملى دعوة انفيتيشن من ايطاليا . و هو اللى هيغطى التكاليف . بكدة لازم اعمل حساب بنكى ؟
اه لازم لانه هيغطي تكاليف اقامتك لاكن مش تكاليف اكل وشرب وفسح، السفارة لازم بتطلب كشف حساب من البنك، لو هيبقي صعب بالنسبالك ممكن تقدم كشف حساب والد.
ازاى احجز درجه مميزه رجال اعمال انا حاجز طيران شركه pegasus وهركب من مطار شرم يا ريت توضحلى اعمل ايه
انت بتقول انك حاجز اصلا، فا عاوز تحجز درجة رجال اعمال ازاي؟
سنغافوره تاشيرتها صعبه والا سهله
صعبة
السلام عليكم ياشباب عندي مشكله في الباسبور اولا المهنه تغيرها طبعا من حاصل علي دبلوم وثانيا انا منتظر الموقف من التجنيد لاني معايا اعفاء مؤقت وهاخد النهاءيه بعد 3 اشهر ومسافر بعد اسبوعين السعوديه عمره عقبالكم المهم اني جوازي ساري ب7سنوات هل بعد تحديث البيانات هياخدوا الجواز القديم ولا هيدهولي مع الجديد وبالنسبه لصاحب شركه ايه من وجه نظرك افضل شركه تكتب مع العلم عندي الشقه اللي هيتكتب عليها الشركه اسف علي الاطاله وبارك الله فيك
اهلا بيك، اولا الباسبور القديم بيتخرم ويتختم عليه ختمك كانسل او الغاء وبتاخده تاني، فا لو عليه تاشيرات قبل كدة تبقي معاك، اكتب شركة استيراد وتصدير او توكيلات تجارية لانك منطقي تسافر تشوف بضاعة او توكيلات، وربنا يوفقك
جزاك الله خير أستاذنا الكبير وأنا شاء الله واحنا جاين من السعوديه مش هننساك بهديه أن شاء الله
ربنا يخليك، توصل بالسلامة من غير اي حاجة
عزيزي اشكرك علي هذه المدونة الاكثر من رائعة
ثانيا ما هو موضوع الموافقه الامنية لتاشيرة السياحة مرسله من الامارات لمصر
كم تاخذ وقت هذه الموافقه حتي تستخرج التاشيرة
ولي سؤال اخر بعد ردكم الكريم
مع وافر محبتيث وتقديري اخي الحبيب
اهلا وسهلا، معلوماتي ان الامارات لا تتطلب تصريح امني من مصر في حالة السفر سياحة
مساء الخير يا استاذ مايكل
انا انوى السفر سياحه وفى البطاقه مكتوب بكالوريوس هندسه اتصالات واليكترونيات لكنى اعمل فى شركة بترول لكن فى غير مجالى فلو غيرت المهنه تبع جهة العمل مش هيتكتبلى مهندس رأيك ايه اسبها بكالوريوس ولا اعملها مهندس كهرباء حر من النقابه واجيب ليهم hr letter من الشركه وشكرا مقدما ليك
اهلا بيك، مهندس كهربا حر واتش ار افضل ليك
تسلم يا هندسه
انت برنس جداً ربنا يجزيك خير عندى سؤال انا مهنتى فى الباسبور محلل مالي لشركة يونيفرسل بس البسبور ابيض يا معلم رحت المجمع عشان اطلع تصريح سفر لماليزيا سياحة قالولى مش محتاج تصريح قمت حاجز التزاكر على طيران الاتحاد وحجزت فندق اسبوع ومعايا دعوه من صديق بس مش مطمن خايف لاتمنع وهخسر فلوس كتير جداً لو دا حصل
اهلا بيك، الف شكر علي كلامك، لا يا معلم ماتقلقش فعلا ماليزيا مش محتاجة تصريح وخصوصا انك ليك وظيفة علي الباسبور (كلام مؤكد انا سافرتها مرتين من غير تصريح).
علي فكرة انت ممكن كمان تزور اندونيسيا في نفس السفرية ودلوقت اندونيسيا لاغت الفيزا للمصرين بقت زي ماليزيا كدة، وتقدر تروح بري او بحري او طيران، وابقي احكيلنا عملت ايه.
معلم ميكل انا طيرتى كمان كام ساعة عايز نصيحة اخيرة منك طبعا كل واحد مننا وليه دخله كدا فبما انك خبره ظابط الجوازات اللى فى مطار القاهرة ايه الدخله اللى تنفع معاهم او ايه هي اكتر حاجة تهمهم عشان انا بسبورى مفهوش ولا فيزا ودا موترنى حبتين
اهلا بيك، هو انا مش فاكر انت كنت رايح فين وايه الكيس بتاعتك، بس نصيحة لو مقلق، احجز الخدمة المميزة في مطار القاهرة، وكله هيبقي تمام لو محتاج تفاصيل اكتر عن الخدمة دي، اقرا تقرير تايلاند هنا في المدونة وتوصل بالسلامة
معلش بقي استاذ هنري ياريت تخصص موضوع لتعم الفائده علي الجميع طريقه عمل شركه استيراد وتصدير مثلا تروح فين وتجيب منين لأن أخوه كتير لم يعرفوا شيء بهذا المجال وتسلم يا كبير علي موضوعاتك القيمه وربنا يخليك لينا
ان شاء الله نكتب مقال عن الموضوع، الفكرة ان معظم الناس بتستخدم محامي
تسلم يا باشا ومتحرمناش من مواضيعك التي تستحق الكل الشكر والتقدير
استاذ هنري فينك
موجود ?
كنت عايزة اعرف اوراق اثبات العمل اللي بتطلبها سفارة ايطاليا..بيان حاله وظيفيه و مفردات مرتب كفايه ولا في حاجه تاني.انا باشتغل في الجامعة و كان مطلوب برضه تأمين اجتماعي و انا سألت في الجامعه قالولي مفيش حاجه بالمسمي ده?
مطلوب وظيفة مثبتة في الباسبور وخطاب من جهة العمل، لو عاوزة تدعمي موقفك هاتي برنت من التامينات مش من الجامعة لو متامن عليكي.
ذ/ Michael Henry اشكرك على تقديم نصايحك لكل من احتاجها و اتمنى انك تفيدنى فى موضوع خاص بالسفر للخارج انا عندى حساب فى البنك من اكتر من سنه و سجل تجارى و بطاقه ضريبية من اكتر من 3 سنين و كنت عايز اسافر للخارج بغرض التجارة احب اعرف ايه الاجراءات بالكامل و المده المسموح بيها للاقامه و ليكن السعودية كمثال و لك منى جزيل الشكر
اهلا بيك، تعمل جواز سفر وتجيب تاشيرة البلد اللي عاوز تروحها وتحجز طيران واوتيل وتسافر، المده دايما بتكون صغيرة مش اكتر من شهر في معظم الاحوال عشان انت بتبقي طالع سياحة
الباسبور حاصل على باكلريوس تجاره و مسافر لبنان و معايا ال٢٠٠٠$ و فى حجز طيران و فندق هيطلبوا حاجه فى مطار القاهره . و شكراً
هيطلبوا تصريح سفر امني من المجمع، اطلع علي مجمع التحرير
استاذي العزيز ميشيل اولا شكرا علي المدونه الرائعه اللي استفدت منها كتير جدا وانا لسه حديث العهد في مساله السفر دي بس عندي استفسار بسيط انا مكتوب في البطاقه بتاعي موظف بشركه يو تي اي ودي شركه عالميه بتشتغل فمجال الشحن والتخليص الجمركي هل لو اكتبت كده في الباسبور تبقا فرصي قليله ولا لازم احدد انا بشتغل في ايه بالظبط جوه الشركه وللك جزيل الشكر
يحبز جدا انك تحدد الوظيفة، لاكن لو الموضوع صعب مافيش مشاكل، المهم ان في وظيفة تتكتب في الباسبور
طيب هيبقى فى مشكله ولا لأ و هيدونى التصريح ده على طول ولا بعد قد ايه مع العلم انا اول مره اسافر وشكراً على مجهودك و احترامك
لا مافيش مشاكل، هتاخده في خلال اسبوع، انا انصحك تروح المجمع تسال عشان يبقي في معلومات اكيدة، الحكومة كل يوم بقرار، ولا شكر علي واجب
طيب فى ناس بتقولى لو الباسبور مكتوب فيه حاصل ممكن يرجعوك من مطار بيروت ايه الحل؟
ماعنديش معلومة اكيدة بصراحة، لو شاكك شوف موضوع الفيزا من هنا بس لازم ورق واعتقد بتاخد وقت
أنا أحب اشكرك علي المقال المهم ده بجد فادنا كتير جداا…
كنت عايز أسألك أنا لو طالب ومكتوب في الباسبور بتاعي طالب وعايز أسافر سياحة لامريكا سهل عليا إني أمشي في إجراءات الشركة وكده مع العلم إني أخويا يملك شركة وبطاقة ضريبية وسهل إنه يعملي توكيل أو ونقل ملكية دي حاجة !
الحاجة التانية التجنيد إزاي هايديني تصريح سفر وأنا اصلا مقيد في سنة تالتة كلية تجارة جامعة القاهرة ؟
اهلا بيك لا شكر علي واجب، الموضوع بالنسبة للطلبة بيبقي اضعف من انك تكون بتشتغل، وطلاما اخوك عنده شركة خليه يعينك بوظيفة حلوة علي الورق (لازم يفتح ملف تامينات)، المشكلة بقي في تصريح السفر بتاع التجنيد، بعد اخر قرارت انسي انك تسافر غير لحج او عمرة للاسف
طب لو غيرت البطاقه لصاحب شركه كده مفيش مشكله فى مطار بيروت؟
اه طبعا لو غيرت البطاقة والباسبور اكيد مافيش مشكلة
شكراً جداً
أصدق إني طالب ده كدة مش محتاج إني أكون صاحب شركة أو كدة ؟
وبالنسبة لوضوع التجنيد أنا ليا واحد صاحبي لسة مسافر أمريكا برضو سياحة ف مش عارف الموضوع ده لسة جديد والا ايه ؟
روح اسال في تجنيد العباسية، لو عالجت موضوع الجيش، يبقي خلاص تعمل ورق شركة وتعدل وتسافر، لاكن لو الجيش هيرفض يبقي مالوش لازمة لانك كده كده مش هتعرف تسافر
لو سمحت لو معايا فيزا عامل وسافرت ينفع اغير المهنه هناك
تغير المهنة في الفيزا؟ اه ينفع الشغل الجديد بيغير الفيزا للمسمي الجديد، لاكن لو الباسبور لا ماينفعش الا لو عندك اقامة
لو سمحت أنا عايز اسافر لفرنسا للعمل اعمل ايه وأنا بطاقتى دبلوم في الخدمة الاجتماعية ايه المطلوب
مطلوب عقد عمل من هناك وباعدين تقدم علي فيزا شنجن للعمل من هنا
لو سمحت لو انا طالبه وعايزه اسافر الهند صعب ولا سهل ولو عايزه اقامه هعمل ايه وكشف الحسب البنكى ميقلش عن كام والخطوات ايه بعد اذنك؟
السفر للطلبة اصعب شوية من لما يكون مكتوبلك وظيفة، لاكن الهند فيزيتها مش صعبة، الخطوات هتدوري علي موقع السفارة او تروحي السفارة زات نفسها تعرفي الاوراق المطلوبة واكيد كشف الحساب مش اقل من 10 الاف وربنا يوفقك
اي وظييفه بتتقبل ؟بس انت فرحتنى اوى والله 😀 اصل انا سمعت ان لازم يكون معايا اكتر من 40 الف في البنك عشان اسافر طيب والاقامه بتتجدد كل 6 شهور حتى لو كانت سياحيه وهو في فرق؟
لا موضوع الاقامة ده صعب، لازم يكون في سبب للاقامة، يعني عقد عمل او زواج او استثمار، مش عارف السياحة بتبقي لمدة قد ايه
Mr Henry really i like ur name u r so good very respectful بس هكمل بالعربى عشان النبى عربى وكل من له نبى يصلى عليه أرجو ان يتسع لى صدرك عشان عندى كذا مشكله وأتعشم فى نصائحك بوجه السرعه باختصار انا جايلى دعوه زياره من دولة لاتفيا لصديقه مقربه من وقت طويل وأسرتها ايضا أصدقاء مقربين فراحت تكتب الدعوه طلبو منها صورة باسبورى وخطاب من جهة العمل وانا بطاقتى مهنتها محامى حر والباسبور حاصل على ليسانس حقوق فإذا غيرت الباسبور لمحامي حر تنصحني عشان خطاب جهة العمل اعمله منين من نقابة المحاميين ولا المكتب اللى انا شغال فيه ولا الاتنين ؟ ولا أغير المهنه خالص ولا اعمل ايه ؟ وبعدين انا كنت عامل حساب بنكى فى بنك اسكندريه من ٦ شهور سحب وإيداع هل محتاج رقم معين مع العلم ان الصديقه قالتلى انها هتتعد بمصاريفى وإقامتى طول فترة الدعوه وتذاكر الطيران لان وضعها ومرتبها كويس وصاحبة عمل (شركه) فهل ينفع ولا ممكن يرفضو الدعوه لو الحساب مش قوى ؟ وانا معاف نهائي من الجيش وماسافرتش بره قبل كده بردو هحتاج شهادة تحركات من مجمع التحرير ؟ انا أسف طولت عليك بس انا كنت عاوز اسافر فى شهر ٦ اللى فات واللى عطلنى الخطاب البنكي فكنت عاوز اسافر شهر ٦ اللى جاى اعمل ايه ولو فى طريقه تانيه او اسهل للسفر يا ريت تنصحني وهل يجوز ان هى تبعتلى فيزا عمل وفى الحاله دى ايه الاجرءات انا أسف جدا بس بجد انا اتشرفت بيك واستفدت منك ويا ريت اقدر أتواصل معاك شخصيا من خلال رقم فون او واتس فايبر يبقى شرف كبير ليا
بص يا محمد باشا، امت لازم تغير الباسبور لمحامي من النقابة مش من المكتب، ولو عرفت تعمله وظيفة او صاحب شركة يبقي افضل، موضوع الدعوة مش محتاج منك حاجة غير صورة الباسبور تبعتهالها، باقي الورق هتحتاجة وانت بتقدم علي الفيزا هنا وطبعا معاهم اصل الدعوة، طبعا لو عملتلك عقد عمل يبقي افضل طلاما هي صاحبة شركة اقوي من الدعوة العادية، وربنا يوفقك
ربنا يخليك يا كبير بس انت كده بتقلبنى يا عم ميشيل وانا كنت عشمان فيك اوى ? يعنى دلوقتى لو باسبورى بقى محامى هجيب خطاب جهة العمل منين من نقابة المحاميين ولا مختوم من مكتب اللى انا شغال فيه ولا اعمل الاتنين عشان هما سألوها على الخطاب ده فى بلدها وصورة الباسبور زى ما حضرتك قولت بس حضرتك ما جاوبتنيش على موضوع الحساب البنكى وشهادة التحركات وَيَا ريت حضرتك تقولى على الورق المطلوب اللى احضره والاجراءات فى حالة الدعوه وانا أسف ليك اوى صدعتك
محمد باشا، انا بجاوب من واقع خبرتي، و معظم اسالتك انا كاتب عنها مقالات ومحاوب ناس كتير قبلك فيها فا معلش اتعب شوية واقرا اللي مكتوب هنا في المدونة، هتجيب خطاب العمل من المكتب اللي شغال فيه، لازم هتجيب شهادة تحركات من المجمع طالاما اول مرة تسافر شنجن و حساب البنك لازم يكون عدي عليه 6 شهور ويكون عليه حركة سحب وايداع و يكون فيه مبلغ منطقي يعني مش اقل من 20 الف، الورق بالترتيب والاجرائات تجيبها من موقع السفارة، اتعب شوية يا محمد وربنا هيوفقك
استاذ مايكل بعد اذنك .. السفر سياحه لكوريا الجنوبيه او ماليزيا او اندونيسيا او تايلاند محتاج كشف حساب بنكي ؟ ولو عندي خالي معاه الجنسيه الايطاليه ممكن يبعتلي سهل ل ايطاليا ?
اهلا بيك، دلوقت مافيش بلد ليها فيزا مسبقة غير وبتحتاج كشف حساب من البنك، لاكن البلاد اللي مالهاش فيزا او بتاخد فيزا عند الوصول مش محتاجة كشف حساب زي ماليزيا واندونيسيا وكوريا وهونج كونج وغيرها، بالنسبة لموضوع ايطاليا ممكن يبعتلك دعوة رسمي ودي بتساعد في انك تاخد الفيزا من هنا، وربنا يوفقك
لو الواحد جاب فيزا عامل وضرب ورقه اصليه انه معاه كليه لان مكملتش الكليه ينفع هناك هناك عادي اني اغير المهنه
مش عارف هتضرب ورقة اصلية لكلية ازاي، بس عموما الموضوع بيعتمد علي الكفيل او الشركة هناك
ولو معايا فيزا عامل اني اعمل استقدام وايه الفيزا الي ليها استقدام
لا للاسف ماعنديش معلومة
متعرفش يا استاذ مايكل حد يطلعلى شهاده خبره كمضيف من شركه سياحيه معتمدة
لا للأسف
على فكره انا طلعت تاشيره سنغافوره بسهوله بس مش مسافر عشان استاذ محمود حظرنى منها عشان كنت رايح ادور على شغل هناك
طيب تمام ياريت تفيدنا عملت ايه ودفعت كام لان انا مش عندي المعلومة كاملة ولك الشكر
لو سمحت لو انا و جوزي عايزين نسافر شهر عسل في تايلاند ممكن ناخد الفيزا و احنا الاتنين حاصلين علي بكالريوس هندسة ؟
اه طبعا ينفع، هتكملوا الاجرائات عادي وهتجيبوا خطابات عمل والموضوع يمشي عادي
وكنت عايزه اعرف لو واحد بطاقته و باسبورو عامل ممكن ياخد فيزا سياحة
برضه ينفع بس لازم يجيب كشف حساب بنك وخطاب عمل هيدوهاله عادي
أستاذ ميشيل والله أنت برنس و خسارتك و أنا بجد بشكرك على الموقع ده بس أنا محتاج نصيحة حضرتك على وجه السرعة لأنى المفروض مسافر السعودية فى عقد عمل و أتفاجأت أنهم بعتولى تأشيرة عامل و أنا مؤهل عالى و قالوا دى التأشيرات المتاحة دلوقتى للشركة فما رأيك أنا الصراحة مش مطمن أنى أغير البطاقة وجواز السفر لعامل وبعدين معرفش أعمل إستقدام للزوجة هناك رغم أنهم حلفولى بكل الأيمان أن هيغيرو المسمى فى الإقامة هناك بمجرد ما أوصل عشان إستقدام الزوجة بس أنا قلقان لأن كل دى وعود وبعدين أفضل عامل على الورق للأبد فأيه رأيك يا باشا .
سافر وماتغيرش حاجة لا البطاقة ولا الباسبور، واول ماتوصل خلص اجرائات تغير المهنة مانفعش او ماحصلش ارجع.
السلام عليكم لو سمحت دلوقتي انا جيلي شغل للكويت وانا معيدة بكلية وكنت عايزة اغير باسبور من معيدة الي مدربة رياضية هل ينفع ولا صعب
ينفع اكيد بس لازم جه تصدق علي الورق بتاع البطاقة يعني تامينات او نقابة
لو سمحت كنت عاوز اعرف علشان اعمل كشف حساب من البنك لازم يكون نوع الحساب اللي عندي حساب جاري ؟؟ ولا ممكن يبقي حساب توفير عادي وانهي فيهم بيبقي افضل لما اقدمه لما اروح للسفارة ؟؟ وهل لما يكون بنك حكومي زي البنك الاهلي مثلا بيبقي اقوي وافضل في السفارة ولا مش شرط ممكن يبقي بنك خاص عادي
اهلا بيك، اولا اي نوع حساب ينفع بس السفارة تفضل الجاري، واي بنك ينفع سواء خاص او حكومي، المهم انه يبقي عليه حركة يعني عمليات سحب وايداع وبالتالي ماينفعش حساب شهادات وربنا يوفقك
معلش بعد اذن حضرتك هو انا ممكن اغير بطاقة من معيدة الي بكالوريوس تربية رياضية.. علشان السفر وانا سمعت ان مينفعش اغيرها لازم اقدم استقالة بجد ولا ايه
معلش انا تعبت حضرتك بس عايزة اتاكد ضروري
لا مافيش تعب ولا حاجة بس نصيحة اوعي تعملي كده، الناس بتغير عشان تضيف وظيفة انتي عاوزة تغيري عشان تلغي الوظيفة وترجعي تاني بكاليريوس؟ طب ليه؟ ايه اللي يعطلك في السفر وانتي معيدة؟
يعني انا هلاغيها بس علشان السفر ممكن ارجعها تاني انا بس عايزة اعرف معلش ممكن تتغير من غير الاستقالة ولا مش هيرضوا
بصراحة مش عندي المعلومة بس برضه ايه المشكلة لما تسافري ومكتوب معيدة حتي لو كنتي هتشتغلي مدرسة مثلا
بجد شكرا شكرا علي طوله بال حضرتك
ليا سؤال مهم انا عملت باسبور الوظيفه فيه ليسانس اصول دين جامعه الازهر وحاليا لما شفت مقالك عرفت اني استعجلت في عمل الباسبور
انا حاليا هشتغل معلمه لغه عربيه للأجانب اونلاين ومفيش تأمين ولا اي حاجه
الأحسن في حالتي الشركه ولو اه ممكن تقولي اعملها ازاي بالتفاصيل ^_^
اهلا بيكي، فعلا الافضل الشركة او يبقي في شغل بالتامينات، موضوع الشركة بيتكلف من 1500 الي 2000 جنيه، انا اعرف محامي كويس ممكن يعمله لو مهتمة ممكن ابعتلك رقمة، وربنا يوفقك
ياريت وشكرا لحضرتك جداا
لا شكر علي واجب، بعت البيانات علي الايميل بتاعك وربنا يوفقك
استاذ مايكل ياريت تسيب لنا رقم المحامي عشان يساعدنا في اجراءت الشركه ولك جزيل الشكر
الفكرة اني مش هينفع احط تليفون الراجل علي الهوا كده، عشان بقي الازعاج وان في ناس كتيير بتبقي مش جادة فا ياريت اللي محتاج رقمه يبعتلي علي الايميل او علي الفيسبوك وانا هبعتلو الرقم علي طول، الايميل بتاعي اهو m.henry@kenrys.com و الفيسبوك موجود في اخر الموقع تحت
انا طالب فى كليه تجاره والجيش متاجل سني 19 سنه عايز اسافر بره مصر اي دوله اوربيه هل ينفع سياحه وانهى افضل بلد واسهل طريقه للسفر كطالب
للاسف طلاما جيشك متاجل للدراسة ماينفعش تسافر سياحة ممكن حج او عمرة او ممكن دراسة، انصحك تدور علي فرصة للدراسة في اي جامعة اوروبية وارشحلك المانيا وباعدين لما تتقبل عندهم تمشي في اجرائات الفيزا وربنا يوفقك
شكرا على المعلومات الهامه أستاز مايكل انا كنت عايز اسفسر عن سؤال بس
انا كنت سافرت قبل كده السعوديه و كانت الفيزا عامل و غيرت المهنه هناك لمحاسب
انا دلوقتي رجعت مصر نهائي و غيرت باسبوري لمهنتي الطبيعيه الي هيا محاسب
كنت عايز اءقدم على فيزا شنجن و عرفت انهم بيطلبوا الباسبور القديم
هل الموضوع ده ممكن يأثر في موضوع الحصول على الفيزا لو قدمتلهم الباسبور القديم
شكرا لاهتمامك و زوقك
اهلا بيك، لا مش هياثر في حاجة بالعكس، انت كنت بتشتغل في دولة اجنبية وكنت متعايش وعملت فلوس ورجعت بدون مشاكل فا كل دي نقط في صالحك مش ضدك، وربنا يوفقك
عاوز اسافر
اتفضل سافر
لو سمحت استاذنا انا فى 3 جامعه وعملت الجواز كطالب وعاوز اطلع فى الاجازة كمان شهر كده الامارات سياحه يا ترى ايه موقفى حضرتك
لو جيشك مؤجل علي حساب الدراسة ماليكش سفر للاسف، لو مالكش جيش لازم تكون خلصت ورق الاعفة وبتقدم علي فيزا من خلال شركة سياحة في بعض الشركات بتطلب تامين يتدفع وتسترده لما ترجع وشركات تانية بترفض تجيب فيزا للطلبة، في حل انك تعمل ورق شركة وتغير الباسبور والبطاقة وتبقي هربت من موضوع طالب وربنا يوفقك
طيب لو عملت شركه وكده ما هو هيطلب منى فى المطار تصريح السفر وطبعا مش هيطلع … طيب انا معايا حاليا ورقتين من الجامعه لجواز السفر وورقه ل منطقه التجنيد انا حاليا طلعت الجواز ولسه باقى تصريح السفر دا بقا هيطلع عادى ولا لا مع انى معايا ورقه التاجيل ل 28 سنه
طبعا ورق الشركة مايلغيش موقفك من التجنيد، موضوع التصريح كانو نزلوا قرار انه ماينفعش بس روح جرب مش هتخسر حاجة واطلب انه يبقي لمدة 3 شهور متعدد السفريات ويا ريت لو ترجع تفيدنا ادوهولك ولا لاء
شكرا جزيلا لحضرتك
طب معلش على الاسءله الكتيره دى لو حد بعتلى دعوة الامارات وانا طلعت تصريح السفر فى حاجه هتعطلنى ؟
او مثلا حصلت على فيزا سياحه لحالى يعنى حاجه توقفنى لو معايا تصريح السفر ؟
لا لو خلصت التصريح وجبت الفيزا مافيش حاجة توقفك
تسلم يا كبير :*
وكل خطوة هعملها وتنجح معايا هنشر هنا انا عملت كذا وكذا وافيد الناس عالخطوات باذن الله
معايا كام فكره مهمة وياريت تفيدنا فيهم
انا لو سافرت اسطانبول وركبت قطار دولي هلي يمكن دخول اي دولة اروبية بدون عقبات او مخاطر وهل همه بيشوفو الجوزات واحنا في القطار
الفكره التانيه مثلا لو سافرت تايلاند وانا راجع ركبت طيارة ترانزيت لي اوربا ما افضل مطار انزا فيه بحيث اني اقدر اخرج منه وهل هذه الطريقة سهلة
الفكره الثالثه لو انا في جامعة واتزوجت من اوروبية هلي يحق لي السفر معاها لبلادها وانا في الجامعة.
وشكرا بجد علي مجهوداتك وربنا يقدرك علي فعل الخير
انا مش عارف يا عبدوا انت جبت الافكار دي منين بس انا هرد للتوضيح،
اولا عشان تسافر من بلد لبلد لازم يكون معاك فيزا للبلد اللي انت رايحها وتركيا مش من بلاد الاتحاد الاوروبي ولا من بلاد الشنجن فا مش هتعرف تدخل وهيرحلوك علي بلدك زي اللي المساجين ومش بعيد يبقي عليك قضية وطبعا لو مسافر بقطر او باوتوبيس حتي بيطلع ظباط شركة يعموا كشف علي،الجوازات والفيز وبالتالي الفكرة التانية برضه ماتنفعش وهتترحل، اخر فكره دي اللي ممكن بس موضوع طالب ممكن يعطلك في حاجات كتيير و نصيحة من اخ بقي امشي صح افضل، الشمال عمره قصير
انا عندي 20 سنة في واحده انجليزية بتحبني وهيه عمرها 22 وعرضت عليها الزواج وهيه وافقت بس الحمدلله هوه مش جواز مصلحة لا ده بجد لان عاوز استقر ويبقا عندي عيله هيه جيه مصر في شهر 8 شرم الشيخ عاوز اعرف هل لو اتجوزنا حعرف اسفرلها بلدها وانا في الجامعه استقدام زوج
وشكرا يكبير علي مجهوداتك
مش عارف اقولك ايه بجد، بس ماتستعجلش ياما ناس ابتدو بالطريقة دي وبعد ما راحو اترفع عليهم قضية طلاق وطبعا هي هتكسب لانها في بلدها، بص انت زي اخويا ولسة قدامك كتيير اوي تشوفه فا ماتقفلش حياتك بدري بدري، عاوز تسافر اشتغل وحوش وسافر اتفسح ولا تحتاج تتجوز واحدة مش من طبعك ولا بلدك، تقدر تقوللي هتعمل ايه لو لاقيتا متفتحة زيادة؟ وانت المفروض راجل شرقي ومش هيعجبك، عموما اجابة لسؤالك اه ينفع تسافر بس مش معاها هي هتسافر وتخلص الاوراق وكل حاجة وتبعتلك بقي عشان تسافر، انا نصحتك لله وربنا يوفقك
شكرا لمجهود حضرتك وأحب أعرف من حضرتك هل لو عملت اوراق شركة وسجل تجارى ورخصة ضريبية وفيه رصيد بنكى اقل من 100 الف وعمرى 27 عام واحب ان اعرف منك هل انشاء شركة جديدة تكون فرصة السفر منها اصعب ام لابد ان تكون شركة مضى على انشائها مدة ( سنة مثلا ) وهل فرصتى عموما للحصول على تأشيرة لدولة اجنبية أوروبا وامريكا وكندا فى وضعى ذلك قوية ام ضعيفة وما هى اسهل الدول فى الاتحاد الاوروبى يمكن السفر اليها سياحة وهل السفر لامريكا او كندا صعب فى هذه الحالة وشكرا
اهلا بيك، اولا انت لازم تطلع السلم واحدة واحدة، كونك تعمل شركة ده ويتكتب وظيفة مدير او شريك او صاحب افضل كتير من اي وظيفة تانية، معظم السفارات بتطلب صورة مترجمة من السجل والبطاقة بتوع الشركة بس، الشنحن بس بيطلبوا انه يكون ختم الضرايب بتاع السنة موجود علي البطاقة الضريبية وبالتالي لازم يكون عدي سنة علي شركتك وتفضل شغالة، مافيش دول سهلة وصعبة في الشنجن في دول مشهورة وفي دول لأ، المشهور فرنسا، المانيا، ايطاليا، التشيك وغيرهم ولو افتردنا انك سافرت مره ولا اتنين وبعد كده قدمت علي فيزا شنجن هيبقي فرصتك افضل وبعديها قدمت علي كندا او امريكا هيبقي فرصتك افضل وافضل بعد ما تاخد الشنجن وربنا يوفقك
عندك حق في كلامك ومقتنع بيه اوي لان بردو تفكيري بيدور حول الحاجات ديه بس الشباب بقا عاوز يهرب من الواقع والسجن الي هوه فيه ويشوف العالم والدنيا شكلها مش يفضل محبوس جوه مصر دلوقتي الشباب بيروحو شرم الشيخ والغردقة يتجوزو اجنبيات كبيره في السن تلاقي الشاب عنده 25 ومتجوز واحده عنها 48 سنة رضي انو يتجوزها ويضيع شبابه ويقفل حياته بدري بدري زي مقولت كل ده عشان ايه علشان يسافر ويشوف بلاد جديد وثقافة جديدة هو لو فيه طريقة سهلة ومختصره للسفر كنا عملناها من زمااان ووفرنا علي نفسنا التعب وفرنا علي نفسنا اننا نهرب من الحر ياتعيش ياتموت ياميشال الشباب تعب ونفسه يسافر بجد الكل تعب وزهق من مصر
طب ماتسافر باحترامك وانت براحتك في 46 بلد ممكن تسافرهم من غير فيزا ب جواز سفرك بس، ده غيير البلاد اللي فيزتها سهلة، السفر برة مش اوروبا وامريكا بس واي حاجة غيرهم تبقي كخة، لا يا باشا الشباب المخنوق ده شباب تعبان (عويل) مش عارف يجيب القرش ف بلده عاوزه يجيبه في الغربة ازاي؟، اسهل حاجة يعمل زي ما قلت كده يتجوز واحده قد امه، بقولك ايه انا مش ابن باشا ولا ابن وزير علي فكرة واشتغلت حاجات انت ماترضاش تشتغلها والحمد لله حوشت وسافرت واتجوزت وبعد كده بسافر انا ومراتي وابني اللي انا بحبهم وشفت 10 بلاد، اللي عاوز يتحرك ويعمل هيعمل والخايب اللي بيعلق اي حاجة علي اي شماعة، عاوز تسافر الصبح تشوف بقي ثقافات جديدة وبلاد رايقة حوش شوية فلوس لو معاك 5 الاف جنيه اسفرك اسبوع ماتحلمش بيه، فكر بس تاني، انا مايفرقش معايا تتجوز ولا تختار طريقك ازاي بس لو هي قصة شغل وكده، اسف يا صاحبي تقدر تعمل كتيير اوي هنا.
شكرا يا كوتش علي تحفيزك القوي جداا سوال هل سافرت دول اوربية؟ واذا سافرت دولة اوربية هيه كانت الدولة الكام الي روحتها علي سبيل المثال الدولة 6 او 7 لولو سافرت ممكن تكتبلنا الدول الي سفرتها الاول بترتيب الي خليتك مهيأ للسفر الي اوروبا واكرر تاني شكراا بجد انتا مبدع وفكرك عالي
سافرت التشيك والمانيا ومعايا فيزا امريكا 5 سنين، وعاوز اقولك ان اول سفرية كانت اوربا، الفكرة في التنفيذ والترتيب بس ماتخدش حالتي مقياس لان الكلام ده كان في 2011 وكان معايا فيزتين قبلها الصين وجورجيا، وعاوز اقولك مره دخلت التشيك تاني وكان ساعتها زورت بلدين ومعايا فيزا امريكا واترفضت، عادي ساعات بتقفل لاسباب ماتعرفهاش، بس عشان اجاوب علي سؤالك، سافر دولة او اتنين سهلين قبل ما تقدم اوروبا اديهم الثقة انك جاد ومش بتاع مشاكل وربنا يوفقك
شكرا علي المعلومات القيمة و بعد اذنك ممكن أعرف أنا خريج هندسة اتصالات من الأفضل إني اعمل بطاقة حاصل علي بكالريوس هندسة ولا أعمل بطاقة مهندس اتصالات أو كهربا حر أي بطاقة من دول هتكون مفيدة لية جوة مصر أو برة مصر ؟ وهل اشتراكي في النقابة هيأثر عليا في السفر ولا لا ؟!! مع العلم اني مبشتغلش عاطل يعني 🙂 ايه مممكن اعمله عشان أبدأ صح وشكرا .
اهلا بيك، اكتب مهندس اتصالات حر افضل شئ دلوقت ولما تشتغل غيرها للوظيفة، دي افضل حاجة برة وجوة
عندي سوال ماهي ال police record وتتعمل اين ومتي لزوم التاشيره وهل كل دوله سافرت لها اجيب منها شهاده? ارجو الافاده انا استفدت جدا شكرا جدا
اهلا بيكي، انا مش فاهم تقصدي ايه ب ال Police Record بس ممكن تكون شهادة التحركات لو ده قصدك دي شهادة بتطلع من مجمع التحرير وبيتكتب فيها تاريخ السفريات اللي سافرتيها، اما بقي لو تقصدي ال Criminal records فا دي حاجة اسمها فيش وتشبيه بيتعمل في قسم الشرطة اللي تابع ليكي وبيطلع بالكمبيوتر وبعد كده بيتترجم يا رب اكون خمنت صح
استاذ مايكل بعتلك علي الفيس باسم ابو جني فينك
هدور عليه ولرد عليك ولو الموضوع مافيهوش حاجة شخصية ممكن تسال هنا عشان الناس تستفيد
استاذ مايكل كنت عايز اعرف ايه الاجراءت المطلوبه لعمل شركه علما بان عندي المكان وكنت حابب انك توصلني بالمحامي لاتخاذ الاجراءت وربنا يبارك فيك وفي احسن مدونه الكل بيشكرك ومتحرمناش باراءك المطوره
اهلا بيك، لو ينفع تبعتلي ايميل علي الايميل بتاعي ابعتلك عليه بيانات المحامي m.henry@kenrys.com
ماشي يا باشا تسلم هبعتلك ايميلي علي الماسنجر الفيس
كنت عايز اعرف ايه الاجراءت المطلوبه لعمل شركه علما بان عندي المكان وكنت حابب انك توصلني بالمحامي لاتخاذ الاجراءت وربنا يبارك فيك وفي احسن مدونه الكل بيشكرك ومتحرمناش باراءك المطوره
تم الرد علي الكومنت الاول
لو سمحت ياباشا
انا فى أخر سنه بكلية صيدله جامعة الفاهره .والمفروض انا عندى جيش فى شهر 1 اللى جاى
عاوز ااقدم على منحه دراسه ماجيستير او حتى كليه فى المانيا
هل لازم اخلص جيشى الأول وكده واشوف موقفى ولا فى طريقه انى اخد إذن واقدم على الجامعات فى شهر 7 ده ؟
اهلا بيك، اعتقد انهم مش هيدوك تصريح سفر من الجيش غير لما تخلص، وبالتالي اي تحرك للسفر دلوقت هيبقي مالوش لازمة طلامة مش هتعرف تخرج من البلد. وربنا يوفقك
لو سمحت
انا جوزي مسافر السعودية وانا خريجة اداب لغات شرقية ومكتوب في البطاقة ليسانس اداب لغات شرقية
بس انا شغالة مدرسة رياض اطفال بقالي سنتين
وعملت دبلومة في رياض اطفال جامعة اسكندرية
وعايزة لما اسافر ادور على شغل مدرسة لرياض اطفال
هل لازم اغير البطاقة لمدرسة في مدرسة كذا عشان الباسبور ولا مش هتفرق
وكفاية شهادة الدبلومة؟
لا طبعا تفرق ولازم تغيري البطاقة وباعدين الباسبور لمدرسة وتسافري بالباسبور الجديد افضل بكتيير
مع العلم المدرسة اللي انا شغالة فيها خاصة مش حكومة بس مدخلينا تأمينات
وسؤال تاني ايه موضوع ان اوثق شهادة التخرج من الخارجية وهل شهادة الدبلومة كمان ؟
واعمله ازاي
ايوه تمام مش فارق خاصة ولا حكومة المهم التامينات، بخصوص موضوع التوثيق بتروحي بالشهادات الاصول لمبني وزارة الخارجية وتطلبي توثيق الشهادات دي عشان يعتد بيها خارج مصر
تمام شكرا
طب معلش سؤال تاني مش كده هضطر أغير البطاقة والباسبور كل شوية كل ما جهة العمل تتغير ؟
وهبقى مضطرة أي ورقة حكومية اختمها من الشغل وده ساعات بيبقى عطلة كتير وذل
لا مش كل مرة، بس المرادي مطلوب عشان تعرفي تشتغلي في الشغل ده وكمان يبقي في وظيفة علي الباسبور، افضل بكتير
اصل مش بيتكب مدرسة بس
بيتكتب مدرسة في مدرسة كذا :/
وهل لما استقيل من الشغل عشان اسافر
ببقى لازم اغير جهة العمل وكده والموضوع بيبقى اصعب
عشان لو احتجت ورق امضى هضطر اعمله من جهة العمل وانا هبقى خلاص سبتها
لا لا خالص مش لازم لما تسيبي الشغل مش هنغير حاجة، هي مره واحدة لغاية ما البطاقة اوالباسبور ينتهوا
وطالما بقى مثبت في البطاقة المهنة هغير الباسبور بالبطاقة عادي
أصل شايفة حضرتك كنت بتكلم على خطاب من جهة العمل وكده ؟ هل انا هحتاج لده ؟
في حالة تغيير الباسبور بياخدو بالي مكتوب في البطاقة من غير خطاب عمل
وشهادة الخبرة بتاعة الشغل
بتتوثق برضه من الخارجية ؟ ولا مش بتتوثق؟
لو الجهة اللي طالبة الورق قالت كده لاكن في الطبيعي لاء مش محتاجة تتوثق لانها مش مستند حكومي
السلام عليكم ورحمة الله
اخي الكريم عندي البطاقه بكالوريوس تجاره
وعاوز اعمل باسبور .هتكونوالمهنه فيه ايه ؟
حاصل علي بكالوريوس تجارة
طالب فى ٣ جامعه وعاوز اسافر ماليزيا فى الاجازه دى هل هيطلعولى تصريح امنى وتصريح سفر؟
اخر اخبار عندي انه لاء مش هيطلعولك تصريح سفر من الجيش، انصح تطلع علي التجنيد في جسر السويس وتسأل هناك
يا ميكل والله الي مهتم بالسفر بيسافر بس المشكلة انو ازاي يتعامل مع المواقع انا اعرف طرق سفر كتير بس مش عارف اتعامل علي المواقع وابدا منين
وياريت تقولي رئيك في السافر في برامج التطوع
والسفر وللعيش مع عائلة
والسفر تدي كورسات انجلش
وهل يوجد جمعيات او مؤسسات داخل مصر بطلع شباب ياخد خبره في مجال ويجي
وهل ينفع مثلا انسق مع مؤسسات دينية او جمعيات دينية في اوروبا وتكون مشهور يبعتولي وسافر وكده او مثلا بردو لو جالي عقد عمل في اوروبا هل سهل اسافر
طولت عليك مشكور يانجم النجوم
طب انت متخيل ارد علي كومنت زي ده ازاي؟ يابني انت عاوز اربع خمس مقالات لوحدك، حدد سؤالك عشان اعرف اجاوبك
بس قول اجابة كل سوال باختصار وهل ينفع اسرفي بطرق ديه وكده تمام
لاء يا عبدو لازم تحدد انت عاوز ايه وانا افيدك، لو قريت امقالات كلها اللي مكتوبة هتلاقي انك لازم تتعب وتدور هتلاقي كل حاجة، لاكن بلاش شغل الكسل بتاع المصريين ده الله يباركلك، نظام اديني كل حاجة علي الجاهز وانا ابقي انقي انا عاوز ايه، معلش انا اسف، لو في سؤال محدد انا تحت امرك
انا شغال فى شركة حكومية واسمها موجود فى مهنة البطاقة ، سوالى لو حبيت اسافر مكتب العمل هيرفض يدينى تصريح عمل علشان الوظيفة مش مهندس حر فى الحالة ديه لازم اغير البطاقة ولو غيرتها السجل المدنى مش هيطلب اثبات ترك العمل ولا هيكتفى بتوثيق النقابة .
انا مش فاهم ايه علاقة مكتب العمل انك مسافر؟ لو مكتوب وظيفة هيتكتبلك في الباسبور نفس الوظيفة اللي في البطاقة، وتسافر عادي، انت مش محتاج تغير الوظيفة
انت لسه موجود يا استاذ مايكل
مش فاهم، اه عايش الحمد لله 😀
معلش انا هتعبك معايا بس محتاج الاجابة ضروري والله انا طالب ف 3 ث وكنت عاوز اسافر لبنان مع واحد صاحبي علشان اتعرفت علي واحده من هناك وكدا ف كنت عايز اعرف ينفع واجيب موقفي مثلا م التجنيد ازاي وانا مثلا لو هسافر انا وصاحبي 5 ايام مثلا يعني ممكن من وجهة نظرك تتكلف كام من اقامه هناك وفسح وكدا يعني ياريت تفهمني ونبي
واخر سؤال ايه هو الانفتيشن ده وينفع هيا مثلا تعملهولي وكدا ولا ايه
الف شكر يا استاذ مايكل وياريت متنساش تقولي ال5 ايام هناك مثلا يتكلفو كام علشان اعمل حسابي
وشكرا
يتكلفوا 5000 جنيه وشوف موضوع تصريح الجيش الاول وباعدين شوف
ماشي يا مايكل هههههههه بس ياسيدي عاوز اعرف عن البرامج التطوعية وهل هيه بتتقبل وتسافر ولا ايه النظام وعادي لو سفرت في الكلية وشكراا ياكوتش
اه طبعا بتتقبل وفرصتها بتبقي افضل كمان ومافيش مشاكل لو لسة في كلية، المهم تخاطب الجهة اللي هتتطوع في الشغل معاهم ويبعتولك ما يفيد انهم موافقين وتقدم علي فيزا عادي
شكرا علي كل الردود .فيه اسيله ثانيه. شهاده الاعفا من الجيش اين تستخرج باللغه الانجليزيه?مستند مطلوب ترچمته من اليونانيه الي الانجليزيه ينفع اترجم الي العربيه ثم الانجليزيه ويختم من الخارجيه? وشكرا جدا
شهادة الجيش بتطلع بالعربي من مطقة التجنيد (الهايكستب) وبعد كدة تترجم الي الانجليزي او الي اليوناني علي طول من مكاتب تبع السفارة
من فضلك رد علي اسئيلتي مع الشكر
تم الرد
كنت حابه استفسر عن سفر سياحه لتركيا انا مهندسة ميكانيكا وده مكتوب في الباسبور وجوزي معاه اقامه سياحيه في تركيا لمدة سنه فهل أستطيع السفر مع العلم اني لا اعمل حاليا وزوجي في تركيا فكنت بسأل عن الإجراءات؟
ممكن زوجك يبعتلك دعوة من هناك وتاخدي الدعوة وتطلعي الفيزا تبقي زيارة مش سياحة وبعد كده تطلعي تصريح سفر من المجمع
كنت حابه استفسر عن سفر سياحه لتركيا انا مهندسة ميكانيكا وده مكتوب في الباسبور وجوزي معاه اقامه سياحيه في تركيا لمدة سنه فهل أستطيع السفر مع العلم اني لا اعمل حاليا وزوجي في تركيا فكنت بسأل عن الإجراءات؟
يعني كفايه النقابه؟ لأَنِّي حاليا لا اعمل وثانيا التأمينات دي أجيبها منين من النقابه بردوا وطبعا هبقي واخده صوره من إقامة زوجي علشان اثبت ان مسافره ليه
أسفه علي الاطاله وياريت توضحلي
اهلا بيكي، اولا لازم زوجك يبعتلك دعوة من هناك وبالدعوة دي هتقدمي علي فيزا زيارة مش سياحة وبعد كدة تقدمي صورة من الدعوة والاقامة بتاعت جوزك والفيزا للمجمع عشان تصريح السفر
كنت سألت حضرتك اني هغير البطاقة بدلا من ليسانس اداب لمدرسة في مدرسة كذا عشان الباسبور عشان لو سافرت وحبيت اشتغل وانا عاملة دبلومة تربوي في كلية رياض الأطفال
بس لسه مستلمة الشهادة من الكلية ولسه ماعطتش نسخة للشغل
هما تقريبا كاتبني في التأمينات مدرسة ابتدائي وانا اصلا بدي رياض أطفال
هل بعد ما اديهمش الشهادة بيغيروا الوظيفة في التأمينات ؟
وانا عايزة يتكتب في البطاقة مدرسة بس من غير تخصيص ابتدائي ولا رياض اطفال
هل كده افضل تبقى مدرسة بشكل عام ولا اخصصها ؟
عشان موضوع السفر والشغل وكده ؟
وهل استنى ما اغيرش البطاقة دلوقتي الا اما يغيروا في التأمينات ولا اصلا مش هيغيروا
ناس كتير بيقولولي مش بيهتموا مش بيغيروا
وهما اصلا عادي زمايلي اللي خريجين كلية تربية وبيدرسوا رياض أطفال معايا في المدرسة كاتبينهم في البطاقة مدرسة بس من غير تخصيص
ومش الأفضل برضه اخليها مدرسة بشكل عام عشان لو حبيت اشتغل تدريس بس مش رياض اطفال ؟
وهل اضيف على البطاقة شهادة الدبلومة
وهل بتتطبع على البطاقة ولا مجرد بيانات بيضيفوها عندهم ومش بتتطبع على البطاقة لان مافيش مكانة عشان المهنة واسم الزوج
مدرسة بس افضل، اعتقد شهادة الدبلومة مش بتتكتب علي حد علمي
استاذى العزيز احيك على المدونة الجميله كلها معلومات رائعه مشكووووور وكان عندى سؤال انا طلعت سجل تجاري وغيرت المهنه صاحب شركه والباسبور وكنت عايز اقدم سياحه المانيا وكشف الحساب عندى متظبط ممكن تقولى الخطوات والنصائح وهل لازم الباسبور يكون فيز علشان يتقبل ولا مش شرط؟ وازاى احجز حجز فندق موثق للسفارة وشكرا ياغالى
اهلا بيك، مافيش اجرائات اضافية عن المكتوب في موقع السفارة بس في نصائح لو انت مسافر سياحة يحبز تبينلهم انك مهتم ومذاكر البلد يعني ممكن تقدم لستة بالاماكن اللي هنزورها هناك وترتيب الايام وهتعمل ايه وكدة كمان طبعا لو عندك فيزا او سافرت قبل ما تقدم شنجن الوضع بيبقي افضل وخلي بالك ان الشنجن بالزات ساعات بيطلبوا ان البطاقة الضريبية يكون مختوم عليها ختم السنة يعني بمعني اخر يكون عدي عليها سنة، ف نصيحتي تذاكر الموقع كويس او تروح الشركة المتخصصة في تقديم الاوراق وتعرف الورق المطلوب بالتفصيل
حجز الفندق من بوكينج يكفي وممكن تبعت للفندق ايميل تطلب فوتشر تاكيد الحجز للسفارة
معلشي عاوزه استفسر بس هو معاه اقامه سياحيه لمدة سنه فهينفع يعملي دعوه ؟أكيد ولا مش هينفع يجينا بيها؟
المفروض ينفع، لو مارضيوش ممكن شركة سياحة من مصر تعملك موضوع الدعوة وبتتعمل من شركة سياحة في تركيا لو حابب يسال شركة سياحة هناك
معلش كنت عايزه اسال كام سوال بالنسبه للشنجن :
1. لو حد مش حابب يتامن عليه من الشركه و بكدا البطاقع هتبقى من نقابة المهندسين “مهندس كهرباء ” وبالتالى الباسبور و هجيب hr letter من الشركه هل ده كافى و ولا يتامن عليه و يغير الوظيفه فى البطاقه ؟
2.لو سفر شهر عسل هل ينفع حساب البنك يبقى واحد و ساعتها هل حجز فندق اثبات كافى ولا لا
3.هل السفر مع شركة السياحه بيدى مصداقيه اكتر
كافي انه الباسبور يتكتب فيه مهندس كهرباء مع خطاب عمل من الشركة، لو هيبقي معاكو قسيمة الجواز ومترجمه انجليزي هيبقي كشف حساب واحد يكفي او لو مكتوب اسم الزوج في باسبور الزوجة، اسفر مع شركة سياحة زي السفر من غيرها ممكن يدي مصداقية اكتر لما بتسافري دول صعبة زي الشنجن او انجلترا لاكن اي بلد تانية هتبقي بتدي شركة السياحة فلوس علي الفاضي
لو سمحت يااستاذ مايكل انا معايا دعوه بس الحساب بتاعي مكملش شهر علشان عامله جديد والوظيفة صاحب مكتب استيراد وتصدير ينفع اقدم دلوقت ولا هتبقى الفرصه ضعيفه
انا مش عارف هتقدم فين، بس عموما مافيش سفارة بتقبل كشف اقل من 3 شهور، انصح تسافر بلد من غير فيزا لو مش فارق معاك الوجهة
معلش سؤال انا طلعت سجل تجارى وبطاقه ضريبيه بس كتبولى فى البطاقه صاحب مكتب وفى الباسبور مش صاحب شركه owner of office هل فيه مشكله ولا هى هى؟
لا هي هي مافيش مشكلة
دلوقتى بقى يا مايكل باشا مكتوب فى التاشيرة
Number of entries : 1
Type of visa : C
دول يعنى ايه مع العلم انى اخدها من اليونان ومكتوب عليها shengen state
يعني دي فيزا للدخول مرة واحدة مش متعددة المرات ممكن تلف جوة دول الشنجن اه بس هتدخل من الونان و تخرج من اي دولة مرة واحدة بس، بالنسبة لل C فا دي نوع الفيزا و ال سي علامة للشورت ستاي فيزا او الفيزا السياحة قصيرة المده، في حروف تانية زي مثلا D و دي للفيزا طويلة المده
المهم بقي انا عاوزك تكتبلنا عملت ايه و ايه الحاجات اللي ساعدتك عشان تاخدها
الدعوه لكندا يااستاذ مايكل ومكتوب فيها ان الاكل والسكن علي اللي باعتلي الدعوه بس المشكلة ان الحساب يعتبر من شهر واحد بس وانا خايف ادفع مصاريف وكده واخد رفض في الاخر
هو احنا ناوين على شنجنف فمعلش كان سوال كمان
1.مش هيبقى فيه قسيمه لسه بس هيبقى فيه حجز فرح هل ده اثبات انه شهر عسل
2.هل بنقدم ورقنا مع بعض
3.سمعت ان ضرورى يكون حساب البنك اللى هتقدموا يكون حساب اللى الشركه بتبعتلك عليه المرتب هل ده صح
فينك يااستاذ مايكل
أستاذ أشكرك على ردودك. استفسار آخر ارجو الرد عليه. مطلوب فيش من بلدكنت قضيت فيه فتره سابقه
ولم استخرج فيش في حينه. فما الوسيله لاستخراج فيش عن هذه المده السابقه لتقديمها لأحد السفارات
هو تأمين السفر ده نظامه ايه وهل ممكن الغاءه بعد الاستخراج لو لقدر مسفرتش
أستاذ مايكل ارجو الرد .شهاده الميلاد بالانجلزي ايلي بتطلع من وزاره الصحه مامتها من الخارجيه هل تتقدم كده السفاره الامريكيه بالاختام العربي ولا اترجم الشهاده ثاني علشان تترجم الأختام. عاجل مع خالص الشكر
لو سمحت عايز اسافر المغرب و الحساب البنكى بقالو 3 شهور بس هل سفارة المغرب بتقبل حساب بنكى ب 3 شهور بس واية اقل مبلغ لازم يكون فى الحساب علشان يتقبل من السفارة
انا مدير مكتب بريد وعايز اسافر اي دوله اوربيه وعايز اسافر اشتغل ايه الطريقه المثاليه وهل الوظيفه تعوق سفري ارجو الرد
السلام عليكم انا قدمت على وظيفة receptionist فى فندق ما فى أمريكا وطلبو منى صورة الباسبور بعته لهم ومكتوب فيه حاصل على بكالوريوس كذا وبعدها اجابو بالموافقة المبدئية وبعتو لى صورة ابليكيشن مليته وصور استمارات طلب الفيزا ومليتها وبعتها لهم مع العلم الى اشتغلت سنتين ومش كان متامن على موظف استقبال فى فندق وارسلت لهم شهادة خبرة واجابو ايضا بالموافقة وقالو لى استنى 5 ايام وهنبعتلك تروح السفارة لاستكمال باقى الاجراءات
هل كدة ممكن يبعتو لى الفيزا ولا كلام وخلاص مع العلم هما اللى وافقو فى البداية وانا كنت صريح معاهم من البداية واسف على الاطالة وشكرا
انا طالب اي فرصه فى التقديم للسفر لى تركيا سياحه واه هوه الى مطلوب مني ؟؟؟
استشاره يا برنس انا صاحب مكتب تخليص جمركي والباسبور مكتوب فيه المهنه صاحب مكتب في رايك كدا ان شاء الله لو قدمت علي تأشيره اليونان ممكن احصل عليها ولو قدمت علي التأشيرة يبقي نوعها ايه ان شاء الله ولكم موفور التحيه
شكرًا ليك علي المجهود دا
عندي سؤال مهم أنا جايلي دعوه اخد كورسات في التجميل من المانيه ودعوه تانيه للإقامة في فترت الكورس
أنا حضرت الباسبور وكاشف الحساب وكله تمام
بس النقطه اللي بسأل فيها
المهنه في الباسبور مكتوبة محامي مع العلم أني واخد جواب من فندق بالمرتب اللي بأخذه
مش عارف بقي دي هتبقي نقطه ضعف في الفيزا ول رأيك أيه
وشكرا
استاذ مايكل انا مهندس معماري ومكتوب في البطاقه والبسبور مهندس معماري وانا ذالع تبع شركه سياحه السويد تبع موتمر طبي وههجيب hr latter , من شركه بس المشكله انو الحساب عدا عليه 4 شهور السفاره طالبه 6 شهور بس مع العلم اني الولاده معاها سجل وبطاقه ضاربيه ممكن تعملي توكيل عام بلاداره تنصحني بي ايه
استاز مايكل اخبارك اية يا باشا نفسى اسافر اروبا وأنا عمرى ما سافرت قبل كدا انا اعمل فى مجال الديكور نقاش نفسى اعمل فى النقاشة فى اروبا تنصحني ابتدى الزى بداية من استخراج الجواز وهل أكتب المهنة فى الجواز وتكاليف السفر من البداية للنهاية وألف شكرا يا باشا ربنا يخليك ارجوا الرد
انا واخد Black List من سفارة امريكا اللي في القاهرة من 20 سنة ومدخلتش تاني هلي كده ال Black List موجود ولا اتلغي ؟؟
انا مسافره لحضور مؤتمر للالمانيا ايه شغلي وطلعت الفيزا تشنجن ومكتوب بالباسبور اني حاصله على بكالوريوس هندسه هل بالمطار يرجعوني لو معملتش التصريح الامني
السﻻم عليكم حضرتك انا بشتغل في مجال المعمار سافرت ليبيا والسعودية اكتر من 15 رحلة جوازى به مهنة نجار عملت جواز مندوب مبيعات هل ممكن استخراج تاشيرة الى اوربا
السلام عليكم /انااريدالسفر الي اندونيسيا ومكتوب في البطاقه صاحب محل موببليا لازم أروح لضابط الاتصال ل يوافق علي عدم الممانعة وممكن الرد بعداذن حضرتك
انا عايز اشتغل فى اى بلد وانا حاصل على بكالوريوس كلية تربية قسم عمارة
شكرا لك على هذة المعلومات القيمى
اخى مايكل انا حاصل على ثانوية عامة بس بطاقتى مكتوب فيها عامل وكنت عايز اسافر الكويت اشتغل هناك ياترى ممكن تقولى عن افضل مكتب توظيف فى مصر يكونوا امناء مش نصابين ويقدروا يوفرولى شغل كويس بمرتب مجزى ولك جزيل الشكر
ماعرفش مكاتب للاسف
مساء الخير….
الحقيقة تعليقاتك من افضل التعليقات المفيده…
وعاوزه استفسر عن حاجة برده مش فاهماها
الان انا مكتوب في الباقة طبيب بشري حر…وفي الباسبور physician بس مش مكتوب freelance….
وكنت اعمل بالخليج واستقلت ورجعت مصر وانا الان لا اعمل وزوجي لسه شغال في الخليج….علوزه اسافر سياحة ايطاليا واطلع شنغن…كنت مطلعاها 2004 علشان احضر م)تمر في المانيا…..الان مش عارفه اجيب ايه بدل تعريف العمل وميعادي في السفاره الاثنين الجاي
اسف علي التاخير في الرد، ممكن تجيبي جواب من النقابة ودة ينفع لكل المهن الحرة
انا عايز اسافر ماليزيا و اندونسيا و مكتوب في الباسبور مهندس كهرباء حر بالعربي و بالانجليزي electrical engineer كدة انا محتاج تصريح امني
المفروض لا ولاكن الموضوع بيرجع لتقييم ظابط الجوازات
استاذ مايكل انا عندي استفسار بسيط انا عملت كل الورق المطلوب وهسافر الاردن بس بعد لما اوصل عايز اسافر تركا من الاردن هل الموضوع سهل والا في حاجة صعبة وشكرا لحضرتك
لازم يكون معاك فيزا تركيا وتصريح امني قبل ما تخرج من هنا
لو سمحت يا استاذ مايكل انا مدرس في مدرسه خاصه ومؤمن عليّه ومحتاج اسافر تبع سفارة الكويت مع العلم ان تقديري العام مقبول وحضرت دبلومه تربوي وطلعت منها بتقدير امتياز ارجوك تعرفني اسافر ازاي
انا مش فاهم تسافر تبع السفارة ازاي؟
عايزة اسافر امريكا كان عندى سجل تجارى قفلته من 4 سنين اجدده ولا اعمل ايه ؟ ولسه حعمل حساب فالبنك وبطاقتى مكتوب فيها ليسانس حقوق وهل فى محامى ممكن يخلصلى المواضيع دى ؟
في محامين ممكن تخلص فتح الشركة وبعد كدة تغيري البطاقة والباسبور وطبعا تفتحي حساب في البنك
لو سمحت انا مكتوب في البطاقه وجواز السفر المهنه بكالوريوس هندسه ، انا شغال في شركه ايه الافضل عشان ميحصلش مشكله مع التصريح الامني الجديد اني اجيب ورق بطاقه واروح اعمله من النقابه اني مهندس كهرباء حر واغير المهنه في البطاقه والباسبور
ولا اجيب ورق من الشغل واكتب في المهنه مهندس بشركه …… ايه الافضل عشان مش يحصل مشاكل
الافضل مهندس بشركة
شكراعلى اهتمامك انا محامى حر وكنت عاوز اسافر الكويت للبحث عن عمل فى مجالى ايه نصيحتك لى
ماعنديش خبرة في العمل انا عندي معلومات كتيير كا سياحة نصيحتي دور علي مكاتب إلحاق العمالة بالخارج دور علي جوجل هتلاقي كتيير وروح اسمع منهم
انا مكتوب في البطاقة محاسب في شركة معينة بس انا شغال حالياً في شركة تانية اغيرها ولا مش هتفرق
معايا اعفاء نهائي مكتوب في الباسبور زى مامكتوب في البطاقة انا عاوز اسافر اى دولة أوروبية بأى شكل وبأى وسيلة اعمل اية ؟
لو حضرتك تقدر تساعدنى انا هكون مدين ليك بكدة جداً
مشلازم تغيرها طلع الباسبور علي طول
انا بنت معايه الثانويه العامه بس مكملتش ونفسى اسافر اى بلد تانيه اشتغل فيها عوزه بدايه الخط
اعملي باسبور فيه مهنة عشان تقدري تسافري
ليه استفسار لو سمحت انا الوظيفة فى اسم الشركة وعاوز اغيرها لازم اخلاء طرف ولا اختم من النقابة اللى انا تابع ليها وخلاص وبكده بيتم التغير ولا ايه الموضوع
انا مش فاهم منك حاجة
طيب انا معايا دبلوم تجاره و وبكمل ف الكليه ينفع اسافر اشتغل بره مصر واجي ع الامتحانات وشكرا لجوابكم
صعب جدا ولاكن ينفع
انا اترفضت في فيزا سياحه شنغن فرنسا بدون ما الجواز يتختم وبعد الاستئناف ولم يعبروني مع العلم ان مهنتي في الباسبور مندوب مبيعات وجوازي ابيض وكان معايا كشف حساب بنكي ب ٦٠٠٠٠ جنية وعلية حركة سحب وايداع واترفضت من رقم ٩ انصحني اية الحل
مافيش حل، رقم 9 يعني مش ضامن انك ترجع مصر تاني لو عرفت تثبتلهم انك في ما يستدعي انك ترجع تاني يبقي قدم تاني
ازيك يا أستاذي
كنت طالب مساعدتك
انا بحضر نفسي اني اسافر كندا أدرس في جامعة خاصة
اتعلم هناك إدارة أعمال
ومدة الدارسة هتكون4سنين
وانا خريج كلية التجارة جامعة القاهرة إدارة أعمال تخصص تسويق
ودراست في المعهد البريطاني 5 levels
والحمد لله مستوي في English كويس
بس مش عارف ابدا منين وازي
وفي نفس الوقت كنت عايز اخلي شهادة الجامعة
بالغة الانجليزيه ونفس الوقت عايز بردو اخليهم يشوف المواد اللي دراستها باللغة الإنجليزية
وكنت محتاج اعرف اني ينفع اشتغل هناك حاجه جنب الدارسة
اسف على طول الحوار
موضوع الشهادة تقدر تروح شؤون الطلبة في الجامعة وتطلب اصدار شهادة معتمدة بالانجليزي، موضوع تبتدي ازاي اول الخيط مع الجامعة اللي هتدرس فيها، ابتدي ديور علي جامعات وخاطبهم وارف الاجرائات ايه
انا طالب عندي 17 سنة ..
نفسي اسافر امريكا اكمل دراستي هناك
اعمل ايه??
ياريت الرد
ادخل علي موقع السفارة الامريكية وشوف ايه المطلوب للفيزا الدراسة
لو سمحت أنا ليا صديقه في رومانيا عايزه تبعتلي invation إيه المطلوب مني بعد ما تبعتلي الدعوه ؟
ثانيا هل هيبقى ضروري يكون ليا حساب بنكي بمبلغ كبير خصوصا اني هبقي رايح سياحه وهقعد عندها في بيتها ؟
لازم مصدر دخل لازم كشف حساب